Jos 20
20
Eb' li tenamit te'xkol wi' rib' eb' laj kamsinel ras riitz'in
(Nm 35,6-34; Dt 4,41-43; 19,1-13)
1Li Qaawa' kiraatina laj Josué ut kixye re: 2“Taaye reheb' laj Israel naq te'xsik' ruheb' li tenamit li te'xkol wi' chaq rib',#20,1-9 Nm 35,6-32; Dt 4,41-43; 19,1-13. jo' kinye re laj Moisés. 3Sa'eb' li tenamit a'an tixmuq chaq rib' li ani xkamsink junaq ras riitz'in chi ink'a' rajom xch'ool; aran truuq toxkol rib' chiru laj eeqajunel kik'. 4Naq taaxik sa' junaq reheb' li tenamit a'an, toxxaqliiq chire li okeb'aal ut toxch'olob' k'aru xb'aanu, reheb' li xcheekal winqul li tenamit. Ut eb' a'an te'xk'ul laj kamsinel ras riitz'in sa' li xtenamiteb' ut te'xk'e junaq rochoch re naq twanq sa' xyanqeb'. 5Wi li rech'alal li kamenaq taawulaq aran chi xsik'b'al, ink'a' taaq'axtesimanq li winq li xkamsi li ras riitz'in, xb'aan naq moko rajom ta xch'ool naq xb'aanu a'an ut moko xik' ta naril junxilaj. 6Li winq a'in taakanaaq sa' li tenamit a'an toj taaraqe'q aatin chirix xb'aaneb' li komonil ut toj taakamq li xYuwa'il aj tij li wanq sa'eb' li kutan a'an. Chirix a'an truuq taasutq'iiq wi' chik sa' li na'ajej ki'elk wi' chaq, a' li xtenamit ut li rochoch”, chan li Qaawa'.
7Toja' naq eb' laj Israel ke'xsik' ruheb': Kadés re Galilea sa' li xtzuulul Neftalí; Sikem sa' li xtzuulul Efraín; Kiryat-Arbá malaj Hebrón, sa' li xtzuulul Judá. 8Junpak'al li nima' Jordán, sa' xjayal releb'l saq'e re Jerikó, ke'xsik' ruheb': Béser, sa' xteepal Rubén sa' li chaqich'och', sa' li taq'a ru; Ramot aran Galahad, sa' xteepal Gad, ut Golán aran Basán, sa' xteepal Manasés. 9A'aneb' a'in li tenamit xaqab'anb'ileb' cho'q reheb' chixjunileb' laj Israel, jo'wi' cho'q reheb' laj ab'l tenamit li wanqeb' sa' xyanqeb'. Aran truuq tixkol rib' yalaq ani xkamsink junaq ras riitz'in chi ink'a' rajom xch'ool. Chi jo'kan ink'a' taakamsiiq xb'aaneb' li rech'alal li kamenaq, toj taaraqe'q aatin chirix xb'aaneb' li komonil.
موجودہ انتخاب:
Jos 20: QQC
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Q'eqchi DC Bible © Bible Society in Guatemala, 2005.