मती 7
7
बिजअ माते दोस नकी लगाड़ो
(लूका 6:37,38,41,42)
1“बिजअ माते दोस नकी लगाड़ो, ताकि परमेसवर बी तमय माते दोस नीं लगाड़हीं, 2#मर 4:24केमके जणी तरह हू तमो दोस लगाड़ो हो, वणीस तरह हू तमय माते बी दोस लगाड़जो जाहीं। नी परमेसवर तमय वणीस नाप हू नापहीं जणी नाप हू तमो बिजय नापो हो।
3“तु हय आपड़े पड़ोसी पाई ने आक मा टिणकू जुए हे नी तय पोते आपड़ेस आक मा मुटू टिणकू नीं दिकातु हे? 4जेरे तय आपड़ेस आक मा मुटू टिणकू नीं दिकातु ते तु आपड़े पड़ोसी पाई हू केम केई हके हे के, ‘हे पाई निय आव, मुँ तारे आक मा हू टिणकू काडु?’ 5हे कपटी, पेले पोते आपड़े आक मा हू मुटू टिणकू काड, पसे तु आपड़े पड़ोसी पाई ने आक मा हू बड़ीया तरह हू जुईनी टिणकू काडी हकी।
6“परमेसवर ने पवितर सीजी कुतरय नकी आलो नी आपड़े मोती पडुरअ मोरे नकी दड़ो। कियक इम नीं थाए के, पडुरअ मोतजे पोग नीसे खदेड़े नी कुतरअ बी मुड़ीनी तमय फाड़ी दडे़।
जी मागहो वु तमय आलजू जाहीं
(लूका 11:9–13)
7“परमेसवर हू मागहो ते तमय आलजू जाहीं, हुजो ते तमय आटी आवहीं नी खखड़ावहो ते तमारे हारू खुलजू जाहीं। 8केमके जी कणु मागे हे, वणाय मले हे। नी जी हुजे हे, वणाय आटी आवे हे। नी जी खखड़ावे हे, वणा ने हारू कमाड़ खुली दिदू जाए।
9“तमय मा एवो कुण बाप हे अगर विनो सुरो वणा हू रूटा मागे ते वी वणाय पाटो आले हे? 10नी मातली मागे ते वी वणाय हाप आले? 11तणी जेरे तमो बुरा थाता थकण बी तमो जाणो हो के, आपड़े सुरअ ने हाऊ इनाम केम करीनी आलजू जाए, ते तमारे हरग ने बाप परमेसवर आपड़े मागवा वाले हाऊ सीजी केम नीं आलहीं?”
12 #
लूका 6:31
“अणी वजहू जी कई तमो साहो हो के, मनक तमारे हाते करे, ते तमो बी वणअ ने हाते एवूस करो। केमके मुसा ने नियम नी परमेसवर ने हाड़े हू बुलवा वालअ ने हिक येस हे।
हाकड़ो दरवाजो
(लूका 13:24)
13“हाकडा दरवाजा मा थाईनी जो, केमके सोड़ो दरवाजो नास ने हाड़े लईनी जाए हे, नी कईक मनका हे व वणा मा थाईनी जय हे। 14पण हाकड़ो दरवाजो नी हाकडी हे वे वाट जी जीवन ने हाड़े जाए हे, थुड़क मनक हे जी वणा मा थाईनी जय हे।
जेवू रूकडू एवूस फल
(लूका 6:43,44)
15“परमेसवर ने हाड़े हू नीं, पण आपड़े पोता ने हाड़े हू बुलवा वाला जी जुटा हे। वणअ हू सकोर रो, जी गायरअ ने रूप मा तमारे कनी आवे हे, पण माय हू फाड़वा वाली हेयाल हे। 16तमो वणय वणने काम हू ओळकी लिहो। हूं झिकरा हू अंगुर नी थुयेरजा हू अंजीर तुड़ो हो? 17अणीस तरह हू हाऊ रूकडू हाऊ फल लावे हे नी बुरू रूकडू बुरू फल लावे हे। 18हाऊ रूकडू बुरू फल नीं लावी हके नी बुरू रूकडू हाऊ फल नीं लावी हके हे। 19#मती 3:10; लूका 3:9हर वु रूकडू जणा माते हाऊ फल नीं लागे हे, कापीनी आग मा दड़ी दिदू जाए हे। 20#मती 12:33तणी मुँ तमय हू फेर बिजे फेरे कऊँ हूँ के, वणअ मनके तमो वणने काम हू ओळकी लिहो।
21“जी मय हू, ‘हे परबू, हे परबू’ के हे, वणअ मा हू हर कणु हरग ने राज मा नीं जाहीं। पण वस जी मारे हरग बाप ने मरजी माते हिड़े हे। 22वणे दाड़े कईक मनक मय हू केहे, ‘हे परबू, हे परबू, हूं अमय तारे नाम हू आगमवाणी नीं किदी, नी तारे नाम हू बुरी आतमा नीं काड़जी नी तारे नाम हू कईक समतकार ने काम नीं किदअ?’ 23तेरे मुँ वणहू खुलीनी केई दई के, ‘मुँ तमय नीं जाणतो, हे सिनाली करवा वाले निय हू नाहीं जो।’
घेर बणावणा वाला बे मनक
(लूका 6:47–49)
24“तणी जी कणु बी मारे ई वाती हबलीनी वणजी माने हे, वी वणा अकल वाला मनक गलाई थाहीं, जणाय आपड़े घेर मगरा ने थड़ी माते बणावजू। 25नी साटा पड़जा, नी वेलो आजो, नी वायरो सालजो नी वणा घेर हू टकरावा लागी, पण विने घेर नीं पड़जू। केमके विने पायो मगरा ने थड़ी माते तो।
26“पण जी कणु मारे ई वाती हबले हे नी वणजअ माते नीं हिड़े हे वी वणा वगर अकल वाला मनका गलाई हे, जणाय आपड़े घेर रेत माते बणावजू। 27नी साटा पड़जा, नी वेलो आजो, नी वायरो सालजो नी वणा घेर माते पाणी ने अळकारो लागो नी घेर पड़ीनी पुरू नास थाई गियू।”
28 #
मर 1:22; लूका 4:32 नी जेरे ईसु ई वाती केई सुको ते इम थाजू के, पीढ़ विने उपदेस हू सकित थावा लागी। 29केमके वी वणय मुसा ने नियम हिकाड़वा वालअ वजूने नीं, पण अदिकार ने हाते उपदेस आलतो तो।
موجودہ انتخاب:
मती 7: WBR
سرخی
شئیر
موازنہ
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2023 NLCI
CC BY-NC-ND 4.0
