Nan Ganu 12
12
Usumbu na̱ ka matsan
1Reve A̱sulazuva a yuwan adanshi na̱ Musa u damma, 2<<Yuwan adanshi na ama a Isra'ila a na: nna̱ ka yuwan a̱a̱tsuma̱ reve u matsan ulobo, u to o'wo idaba rana cindere, tsa mantsa ma̱ a̱shinda̱ ma̱ yi. 3Reve o urana wa̱ kunla̱ a paɗa ulobo'o uryumbu. 4U ta lyuwa elime a̱tsuma̱ a̱ a̱shinda̱ a limatan hali rana mata'atsu na aza a ta'atsu rana vu usumbu va̱ yi. A̱tsuma̱ a mantsa ma nda wa̱a̱ ju'wa̱n ili ya akiza shi, ko u ta̱wa̱ a̱ a̱a̱'isa̱ shi, she na̱ rana vu usumbu va̱ yi koto. 5Agba nu u mantsa usheli, u to o'wo idaba hali ajuma e re, tsa mantsa ma̱ a̱shinda̱ ma̱ yi. U ta lyuwa elime a̱tsuma̱ a̱ a̱shinda̱'a̱ hali rana kupota̱li na̱ a̱za̱ a̱ ta̱li, she na̱ rana vu usumbu va̱ yi koto.
6<<A mantsa ma na rana vu usumbu va̱ yi kotoi, ko vu umatsun wu ulobo ko usheli, reve u ta̱wa̱a̱ ganu na̱ ma̱giri'i ma aa'wan a̱ ta̱ o una̱ntsu wo Oogodo o Uga'asusan adama a̱ kucci vu ukula̱tosu, na̱ ma̱ma̱rukuku ko muɗa adama a̱ kucci vu unusu. 7Reve ganu'u ca A̱sulazuva ele adama a̱ kucci matara mo ume mo unusu ma ka'a. Reve wo o'wo cece diga a mpasa n na mo oco niyi. A̱yi ɗa wila̱ wu ka na matsain mawun, ko ulobo ko usheli. 8Agba na̱ wa̱a̱ tsura̱ ma̱giri'i shi, u ta̱wa̱ na̱ muɗa n re ko murukuku n re za ta̱ adama a̱ kucci vu ukula̱tosu za ta̱ waru adama a̱ kucci vu unusu. Ne ɗa ganu aa ca kucci matara mo ume mo unusu wa̱ yi, u ta̱ gba o'wo cece.>>
موجودہ انتخاب:
Nan Ganu 12: TSW
سرخی
شئیر
موازنہ
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
©️2025 Language Development and Translation Initiative (LDTI)