زبُور 8
8
فصلِ هشتُم
شِکوهِ خُداوند و مَنزلَتِ اِنسان
بَلدِه سردِستِه خانِنده ها؛ قد آلِه مُوسِیقی تاردار خانده شُنه؛ زبُورِ داوُود.#۸:۰ دَ جای «آلِه مُوسِیقی» دَ زِبونِ عِبرانی «گِتِیت» نوِشته یَه که اِمکان دَره یکی از آله های مُوسِیقی تاردار بُوده بَشه یا نامِ کُدَم صَوتِ مُوسِیقی.
1اَی خُداوند، مَولای مو،
چِیقس پُرشِکوه اَسته نام تُو دَ تمامِ زمی!
تُو بُزُرگی-و-جلال خُو ره دَ بَلِه آسمونا قرار دَدے.
2از دانِ بچکِیچا و نِلغهگو توره گُفته
بخاطرِ مُخالِفِین خُو تادَوِ قُوَت خُو ره ایشتی
تا دُشمو و اِنتِقام گِیرِنده ره چُپ کنی.
3وختی سُونِ آسمونای تُو توخ مُونُم، سُون کارِ دِستای تُو،
سُون ماهتَو و سِتاره های که قرار دَدے،
4 مُوگیُم: اِنسان چی اَسته که تُو دَ فِکرِ ازُو اَستی،
و بَنی آدم چی یَه که تُو دَزُو تَوَجُه مُونی؟
5تُو اُو ره از ملایکه ها کده کم وَری تاهتَر خَلق کدی،#۸:۵ دَ جای «ملایکه ها» دَ زِبونِ عِبرانی کلِمِه «ایلوهِیم» اِستِفاده شُده که «خُدا، مَوجُوداتِ آسمانی و قاضی ها» ام معنیٰ مِیدیه.
و تاجِ جلال و عِزَت ره دَ سر شی ایشتی.
6اُو ره دَ بَلِه کارای دِست خُو حاکِم جور کدے،
و تمامِ چِیزا ره تَی پای ازُو قرار دَدی:
7تمامِ گوسپندو و گاوو
و جانوَرای بیابو ره،
8مُرغَکوی هَوا و ماهیای دریا ره
و تمامِ چِیزای ره که دَ دریا ها دَ حَرکت اَسته.
9اَی خُداوند، مَولای مو،
چِیقس پُرشِکوه اَسته نام تُو دَ تمامِ زمی!
موجودہ انتخاب:
زبُور 8: HAZ
سرخی
شئیر
موازنہ
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Text of this book may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:
Scripture taken from Hazaragi Bible.
Copyright © 2025 UBS. Used by permission. All rights reserved.