Psalms 146
146
1ဘုရားရှင်ကို ချီးမွမ်းပါ၏။ အို ငါ၏စိတ်ဝိဉာာဉ်၊ ဘုရားရှင်ကို ချီးမွမ်းကြလော။ 2ငါသည် အသက်ရှင်စဉ်အခါ ဘုရားရှင်ကိုချီးမွမ်းမည်။ ငါရှိနေသေးသရွေ့ ငါ၏ဘုရားရှင်ကို ချီးမွမ်းမည်။ 3မင်းအရာရှိများမှစ၍ ကယ်တင်ခြင်းမပေးနိုင်သော လူသားကိုမကိုးစားကြနှင့်။ 4သူတို့၏ဝိဉာာဉ်ထွက်သွားသောအခါ မြေကြီးထဲသို့ပြန်သွားရ၏။ ထိုနေ့၌ပင် သူတို့၏အကြံအစည်တို့သည် ပျက်စီးကြ၏။ 5ယာကုပ်၏ဘုရားရှင်ကို မိမိ၏ ကူညီမစသောအရှင်ဖြစ်စေသောသူ၊ မိမိ၏ဘုရားရှင်ကို မျှော်လင့်သောသူသည် မင်္ဂလာရှိ၏။ 6ထိုဘုရားရှင်သည် ကောင်ကင်၊ မြေကြီး၊ ပင်လယ်နှင့် ၎င်းတို့၌ရှိသမျှသောအရာတို့ကိ ဖန်ဆင်းတော်မူ၏။ သစ္စာတော်သည် အစဉ်အမြဲတည်၏။ 7နှိပ်စက်ခြင်းခံရသောသူတို့အတွက် တရာမျှတမှုကိုဆောင်ကြဉ်းပေး၍ ဆာလောင်မွတ်သိပ်သောသူတို့အား အစာအစာကိုပေးတော်မူ၏။ ဘုရားရှင်သည် ချုပ်ထားခြင်းခံရသောသူတို့ကို လွှတ်ပေးတော်မူ၏။ 8ဘုရားရှင်သည် မျက်မမြင်တို့ကို မြင်စေတော်မူ၏။ ဘုရားရှင်သည် ကိုင်းညွတ်နိမ့်ကျနေသောသူတို့ကို ထူမတော်မူ၏။ ဘုရားရှင်သည် ဖြောင့်မတ်သောသူတို့ကို ချစ်တော်မူ၏။ 9ဘုရားရှင်သည် တိုင်းတစ်ပါးသားတို့ကို စောင့်ရှောက်၍ ဖတဆိုးနှင့် မုဆိုးမကို ကူညီစောင်မတော်မူ၏။ ဆိုးယုတ်သောသူတို့၏လမ်းကိုကား ကွေ့ကောက်စေတော်မူ၏။ 10ဘုရားရှင်သည် အစဉ်အမြဲစိုးစံတော်မူလိမ့်မည်။ အို ဇိအုန်၊ သင်၏ဘုရားရှင်သည် ခေတ်ကာလအဆက်ဆက်စိုးစံတော်မူလိမ့်မည်။ ဘုရားရှင်၏ ကျေးဇူးတော်ကို ချီးမွမ်းကြပါလော့။
موجودہ انتخاب:
Psalms 146: TPV-RV
سرخی
شئیر
موازنہ
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.