Psalms 138
138
1အို... ဘုရားရှင်၊ အကျွန်ုပ်သည် ကိုယ်တော်၏ကျေးဇူးတော်ကို စိတ်နှလုံးအကြွင်းမဲ့ချီးမွမ်းပါမည်။ ဘုရားများရှေ့၌ ကိုယ်တော်ကို သီဆိုချီးမွမ်းပါမည်။ 2အကျွန်ုပ်သည် ကိုယ်တော်၏သန့်ရှင်းသော ဗိမာန်တော်သို့မျက်နာမူ၍ ရှိခိုးကိုးကွယ်ပါမည်။ ကိုယ်တော်၏မေတ္တာကရုဏာတော်နှင့် သမ္မာတရားအတွက် နာမတော်ကိုချီးမွမ်းပါမည်။ အကြောင်းမူကား ကိုယ်တော်သည် နာမတော်နှင့် ကတိတော်တို့ကို အရာခ၌်သိမ်းတို့ထက် ချီးမြောက်တော်မူပြီ. 3အကျွန်ုပ်ခေါ်သောနေ့၌ ကိုယ်တော်သည် အကျွန်ုပ်ကိုထူးတော်မူ၍ အကျွန်ုပ်၏စိတ်ဝိဉာာဉ်ကို အစွမ်းသတ္တိနှင့်ပြည့်စေတော်မူ၏။ 4အို... ဘုရားရှင်၊ ကမ္ဘာမြေပေါ်ရှိရှင်ဘုရင်အပေါင်းတို့သည် ကိုယ်တော်၏နုတ်တော်ထွက်စကားတို့ကို ကြားရသည်ဖြစ်၍ ကိုယ်တော်၏ကျေးဇူးတော်ကို ချီးမွမ်းကြပါလိမ့်မည်။ 5ဘုရားရှင်၏လမ်းတော်တို့အကြောင်းကိုလည်း သီဆိုချီးမွမ်းကြပါလိမ့်မည်။ အကြောင်းမူကား ထာဝရဘုရား၏ ဘုန်အသရေတော်သည် ကြီးမားလှပါ၏။ 6အမှန်တကယ်ပင် ဘုရားရှင်သည် မြင့်မြတ်တော်မူသော်လည်း နှိမ့်ချသောသူတို့ကို ကြည့်ရှုတော်မူ၏။ ဘဝင်မြင့်သောသူတို့ကိုကား အဝေးကပင်သိတော်မူ၏။ 7အကျွန်ုပ်သည် ဆင်းရဲ့ဒုက္ခတို့၌ ကျင်လည်ရသော်လည်း ကိုယ်တော်သည် အကျွန်ုပ်ကို အသက်ရှင်စေတော်မူမည်။ ကိုယ်တော်သည် အကျွန်ုပ်ရန်သူတို့၏ အမျက်ဒေါသအပေါ်၌ မိမိ၏လက်တော်ကိုဆန့် ကိုယ်တော်၏လက်ယာလက်တော်ဖြင့် အကျွန်ုပ်ကို ကယ်တင်တော်မူ 8ဘုရားရှင်သည် ငါ့အမှုကို ပြီးပြည့်စံစေတော်မူလိမ့်မည်။ အို ဘုရားရှင်၊ ကိုယ်တော်၏မေတ္တာကရုဏာတော်သည် အစဉ်အမြဲတည်ပါ၏။ ကိုယ်တော်၏လက်တော်ဖြင့်ပြုလုပ်သောအရာများကို ပစ်ထားတော်မမူပါနှင့်။
موجودہ انتخاب:
Psalms 138: TPV-RV
سرخی
شئیر
موازنہ
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.