Psalms 111
111
1ဟာလေလုယာ။ အကျွန်ုပ်သည် ဖြေုမတ်မှန်ကုန်သောသူတို့၏ အစည်းအဝေးနှင့် လူထုပရိတ်သတ်အလယ်တွင် ဘုရားရှင် ကျေးဇူးတော်ကို စိတ်နှလုံးအကြွင်းမဲ့ ချီးမွမ်းမည်။ 2ဘုရားရှင်ပြုတော်မူသောအမှုတို့သည် ကြီးမြတ်လှပေ၏။ ထိုအမှုတို့ကို နှစ်သက်သူအပေါင်းတို့သည် ၎င်းတို့ကို ရှာဖွေလေ့လာကြ၏။ 3ကိုယ်တော်ပြုသမျှသော အမှုတို့သည် ဘုန်းကျက်သရေနှင့် ဘုန်းအာနုဘော်ဖြင့် ပြည့်စုံတော်မူ၏။ ကိုယ်တော်၏ဖြောင့်မတ်ခြင်းသည်လည်း ထာဝရတည်၏။ 4ကိုယ်တော်သည် မိမိပြုသမျှသော အံ့ဖွယ်အမှုတို့ကို အောက်မေ့စရာဖြစ်စေရန် စီရင်တော်မူ၏။ ဘုရားရှင်သည် သနားကြင်နာတတ်တော်မူ၍ ဂရုဏာတော်နှင့်ပြည့်ဝတော်မူ၏။ 5ကိုယ်တော်သည် မိမိကိုကြောက်ရွံရိုသေသောသူတို့အား စားစရာကိုပေး၍ မိမိ၏ပဋိဉာာဉ်တော်ကို အစဉ်အမြဲ အောက်မေ့တော်မူ၏။ 6ကိုယ်တော်သည် လူမျိုးခြားတို့၏နယ်မြေများစွာကို မိမိလူမျိုးတော်အား ပေးတော်မူခြင်းဖြင့် မိမိပြုသောအမှုတို့၏ တန်ခိုးတော်ကို ပြသတော်မူပြီ။ 7ကိုယ်တော်သည် မိမိ၏လက်တော်ဖြင့် ပြုလေသမျှသောအမှုတို့သည် သစ္စာနှင့်လည်းကောင်း တရားမျှမှုတို့နှင့်လည်းကောင်း ညီပါ၏။ ကိုယ်တော်၏ ပညတ်တရားမှန်သမျှသည် ယုံကြည်အားထားထိုက်ပါ၏။ 8ထိုပညတ်တော်တို့သည် ကာလအစဉ်အဆက်တည်မြ၍ ၎င်းတို့ကို သစ္စာနှင့်ဖြောင့်မတ်မှန်ကန်ခြင်းဖြင့် စီရင်ထားတော်မူ၏။ 9ကိုယ်တော်သည် ရွေးနုတ်ကယ်တင်ခြင်းကို မိမိ၏လူမျိုးတော်ထံစေလွှတ်၍ မိမိ၏ပဋိဉာာဉ်တော်ကို ထာဝရအတွက် ချမှတ်တော်မူ၏။ ကိုယ်တော်နာမတော်သည် သန့်ရှင်မြင့်မြတ်၍ အံ့ဩဖွယ်ဖြစ်တော်မူ၏။ 10ဘုရားရှင်ကို ကြောက်ရွံ့ရိုသေခြင်းသည် ဉာဏ်ပညာ၏အရင်းအမြစ်ဖြစ်၏။ ကိုယ်တော်ပညတ်တရားတော်တို့ကို လိုက်နာသောသူအပေါင်းတို့သည် ကောင်းသောဉာဏ်စွမ်းကိုရကြ၏။ ကိုယ်တော်၏ ဂုဏ်ကျေးဇူးတော်သည် ထာဝရတည်၏။
موجودہ انتخاب:
Psalms 111: TPV-RV
سرخی
شئیر
موازنہ
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.