गिनती 4
4
लेवीय कहातियोन कुळन काम
1ओळतेन योहोवा न मूसा आरू हारुन सी कोयो, 2लेवीयो मासी कहातियो क, ओका कुळों आरू पितरो क घोराना क ओनसारे, गिनती कोरु, 3आरू तीस साल सी लीन पचास साल लोगून वाळा मा, जोतरा मिलावाळा तम्बू मा काम-काज कोरने क भर्ती छे। 4आरू मिलापवाळा तम्बू मा घणचुखी चीजोन क वाराम कहातियान क यो काम रयसे, 5यानी जव-जव छावनीन लोगहन अगा बढ़ने तियार रये तव-तव हारुन आरू ओका पुर्या धोड़े आवीन, बिचवाळा पोरदा क उतारीया करिन हेरेसी गवाहन पत्र क पेटारी क ढाँप देये; 6ती हुये हेरे पोर सुइसो क ठारला क खाल नाखे, आरू हेरे उपोर आखो निळ्ळा रोंगोन क कापड़ो नाखे,आरू सन्दूक मा लाकड़ा क लागाड़े। 7ओळतेन भेंटवाळा रोटान क मेज पोर निळ्ला पुतल्या क आथरीन हेर पोर पोरात, दुपदान, ठाहरा, वाटका,आरू रेडानेन क पेय भेंटन ठाहरान क मेके; आरू दाहड़िन भेट वाळा रोटा बी हेका रये; 8ती त्या हेका पर रातला रोंगोन छिंदरा क आथरीन हेको दोरीया माईन जनवारीयान क खालड़ान आवरण सी ढ़ाँप आरू मेज न जागा पर लगाड़ देय। 9औळतेन हुये निळ्ळा रोंग क छिंदरान क लिन दिवा, उना दिवलीया क जो विजाळो आपने करीन रयसे, आरू हेका दिवान क, बत्तियान वाटका, आरू ठाटियां,आरू तेल भरने करीन सब ठिकरान क बी हेका सी ढाँक देय; 10ती हुये आखा सोमान भेळ दिवट क सुईसो क खाली क आवरण क धोड़े मेकिन लाकड़ा पोर मेक दे। 11ओळतेन हुये सोना क बेदी पोर एक निळ्ळा पुतल्या क आथरीन ओको समुदरन जनावराक क खालड़ा क आवरण सी ढ़ाँपे आरू ओका लाकड़ा क लागाड़ दे; 12ती हुये सेवा चाखरी क आखा सोमान क लीन जेरेसी चुखलाजागा मा सेवाचाखरी होये छे, निळ्ळा पुतल्या क धोड़े मेकिन सुईसो क खालड़ा क आवरन सी ढाँपे, आरू लाकड़ा पोर मेक दे। 13ओळतेन हुये बेदी पोर सी सब रुखड़ो चुटिन बेदी पोर जामनीया रोंगोन क पुतल्यो आथरे; 14ती जेना सोमान सी वेदी पोर क सेवा चाखरी होये छे हयो सब, यानी आग्ठो मेकनेन ठाहरो, काँटा, फावड़ियाँ आरू कटोरा आदि, बेदी क आखो सोमान हेर पोर मेके; आरू ओका उपोर सुईसौ क खालड़ा क आवरण आथरीन बेदी मा लाकड़ा क लागाड़े। 15आरू जब हारून आरू ओका पुर्या क छावनी क कूच क टेम चुखलाजागा आरू ओका आखा सोमान क ढाँप देदा, ति ओका वाद कहाती ओका उठावने क लिय आया, बाखुन कुदा चुखली चिजो क नि छीमे, काहई ओसो नी होय की मोर जाय। कहातियो क उठाने क लिय मिलापवाळा तम्बू कये चीजे छे। 16“जे चीजे हारून पुजारान क पुर्य एलीआजर क राखवाळी क लिय सौप्यो जाय हुये ये छे, यानी विजाववा आपन्या क लिय तेल, आरू गोंदायन्या धुप आरू जलमकी अन्नभेंट, आरू अभिषेक क तेल , आरू आखा निवास , आरू हेरेमा क आखा चिजो , आरू चुखलाजागा आरू ओका आखो सोमान।” 17ओळतेन योहोवा न मूसा आरू हारून सी कोयो, 18“कहातियो क कुळन क गोत्रियो क लेवीयो मा सी नाश न होने देये; 19ओका सात ओसो कोरो, कि जब हुये परमपवित्र चिजो क धोड़ आवे, ती नी मोरे बाखुन जिवतलो रोहे; ओस कोरिन हारून आरू ओका पुर्य धोड़े आवीन एक एक क लिय ओकि सेवकाई आरू ओको भार कोहाये, 20आरू हुये चुखली चिजो क देखने क क्षण भर क लिय वि धोड़े आवने न सोके, काहाई ओसो नी होये कि मोर जाय।”
लेवीयो के गेर्शोनी कुळ न जवाबदारी
21ओळतेन योहोवा न मूसा सि कोयो, 22“गेर्शोनियो क वि गिनती ओका पितरो क घोराना आरू कुळों क ओनसारे कोर; 23तीस साल सी लीन पोचार साल लोगून क उमोर वाळा, जोतरा मिलापवाऴा तम्बू मा सेवा कोरने क भोर्ती होये हेनू सब क गिन ले। 24सेवा करने आरू भार हाकलने मा गेर्शोनियोन क कुळ वाळान यी सेवकाई रये; 25त्या निवास क पटो, आरू मिलापवाळा तम्बू आरू हेको खाल आरू हेको उपोरवाळा दोरीयान जीवन चामड़ान क आवरण, आरू मिलापवाळा तम्बू क झोपला क पोर्दा, 26आरू निवास, आरू बेदी क च्यारू मेर क आँगना क पोरदा , आरू आँगना क झोपला क पोरदा, आरू हेरा डोरियो, आरू हेरेमा काम मा आवनेवाळा आखा सोमन, इना सब क हुये हाकलिया कोरे; आरू इनी चिजो सी जोतरा काम होये छे हुये सब बि हेरी सेवकाई मा आवे। 27आरू गेर्शोनियो क ओवलियाद क आखी सेवकाई हारून आरू ओका पुर्या क कोहने सी हुया कोरे, आरू जो-जो सेवकाई ओको कोरनी होय, ओको आखो भार तुमू हेनको आप्या कोरू 28मिलापवाऴा तम्बू मा गेर्शोनिया क कुळों क यी सेवकाई कोहयसे; आरू हेरे पोर हारून पुजारा क पुर्य ईतामार होक राखे।
लेवीयान मरारी कुळ न जवाबदारी
29“ओळतेन मरारियों क बी तू हेनदरा कुलो आरू पितरो क घराना क ओनसारे गिन लेये; 30तीस साल सी लीन पोचास साल लोगून क उमोर वाळा , जोतरा मेळभेटवाळा तम्बू क सेवा करने क भर्ती होय, हेनू सब क गिन ले। 31आरू मिलापवाळा तम्बू मा क जेनी चिजो क उठाने क सेवाकाई हेनुक मिळे ची यित होये, यानी निवास क तख्ते, बेंड़े, खाम्बा, आरू पाटलो, 32आरू च्यारू मेर आँगना क खाम्बा, आरू ओकी कुड़चीयाँ, खुटा, डोरियाँ, आरू भाँती-भाँती क काम क आखो सोमान मेकने क लिय ओको सौप्यो जाय हेरेमा सी एक-एक चिजो क नाव लिन तुमू गिन लेयो। 33मरारियो क कुळो क सब सेवकाई ज हेनुक मिलापवाऴा तम्बू क वाराम कोरनी होयसे होयी यी छे; होयी हारून पुजारा क पुर्य ईतामार क होक मा रोहे।”
लेवीयो क गिनती
34तव मूसा आरू हारून आरू मण्डळी क डाहला न कहातियान क ओवलियाद क, हेन्दरा कुळो आरू पितरो क घोराना क ओनसारे, 35तीस साल सी लिन पोचास सालन उमोर क , जतरा मिलापवाऴा तम्बू क सेवा करने करिन भर्ती हयला हुता, हेनू आखा क गिन लेदा; 36आरू जो आपना-आपना कुळ क ओनसारे गिनाया, हुये दुय होजाय साढ़े सत सौ हुता। 37कहातियो क कुळों मासी जोतरा मिलापवाळा तम्बु मा सेवा करनेवाळा गिनाया, हुये ओतरात होता, जो हुकुम योहोवा न मूसा क लारे आप्यो हुतो हेरेत ओनसारे मूसा आरू हारून न एनूक गिन लैदु। 38गेर्शोनियो मा सी जे आपना कुळों आरू पितरो क घोराना क ओनसारे गिनाया, 39यानी तीस साल सी लागाड़िन पोचास साल लोगुन उमोर क , जे मेळभेंट वाळा तम्बू क सेवकाई कोरने क टुऴा मा भोरती हुया होता, 40जेनदरी गिनती हेनदरे कुळों आरू पितरो क घोराना क ओनसारे दुय होजार छव; सौ तिस होती। 41गेर्शोनियो क कुळों मासी जोतरा मिलापवाळा तम्बू मा सेवा कोरनेवाळा गिनाया, हुये ओतरात हुता; योहोवा क हुकुम क ओनसारे मुसा आरू हारून न ओको गिन लेदो। 42ओळतेन मरारियो क कुळो मासी जो आपना कुळो आरू पितरो क घोरानो क ओनसारे गिनाया, 43यानी तिस साल सी लिन पोचास साल लोगुन क उमोर क, जे मिलापवाळा तम्बु क सेवकाई कोरने क भर्ती होयो हुतो, 44ओकी गिनती ओका कुळो क ओनसारे तीन होजार दुय सौ हुती। 45मरारियो क कुळों मा सी जेनूक मूसा आरू हारून न , योहोवा क हेरे हुकुम क ओनसारे ज मूसा क लारे मिळी होती, गिन लेदा हुये होतरात हुता। 46लेवीयों मासी जेनूक मूसा आरू हारून आरू इसराएली डाहला न हेनदरा कुळो आरू पितरो क ओनसारे गिन लेदा, 47यानी तीस साल सी लीन पचास साल लोगुन क उमोर वाळा, जोतरा मेळभेंट वाळा तम्बू क सेवकाई कोरने आरू बोझ उठाने क काम कोरने क हाजिर हुयनेवाळा हुता, 48हेनू सब क गिनती आठ हजार पाच सौ अस्सी हुती। 49ये आपनी-आपनी सेवा आरू भार हाकलने क लिय योहोवा क कयने पोर गोया। जो हुकूम योहोवा न मुसाक आप्यो हतो हेकोत् ओनसारे हेनकी गिनती हुयी।
The Dhankavi Bible © The Word for the World International and Dhankavi Mandli, Khargon, Raykhed, Nandurbar, Maharashtra 2025