Zaburu 128
128
Rahumatina to Mobhawana Bhanua
128:1-6
1Laguna ziara.
Amasanaamo o mia momaekana i KAWASANA OPU,
tee adhadhi aose parintana.
2Ingkoo bheukande minaaka i hasilina kanguleana bukumu;
ingkoo bheumasanaa, tee o dhadhimu bheamalape.
3Bhawinemu bheamembali mboomo puuna angguru mosuburu
i nuncana bhanuamu,
tee manga anamu mboomo tunana puuna zaitun
i saripina mejamu.
4Satotuuna, mboo sumaimo rahumati bheadhawuaka
to mia momaekana i KAWASANA OPU.
5Maasangia o KAWASANA OPU abarakatiko minaaka i Sion.
Maasangia ingkoo ukamata Yerusalem inda akakurangaaka opeopea
saʼumurua dhadhimu.
6Maasangia ingkoo ukamata manga opu-opuamu minaaka i manga anamu!
Amasanaamo miana Israel!
موجودہ انتخاب:
Zaburu 128: KMW
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Ongoing © Wycliffe Bible Translators, Inc