रोमियो 9
9
बोगवान एने तान निवाडील माणहा
1मी मसीहा माय खेरो किथे, मी ठोगलु नाह बोलीह हि मारा सदा विवेक बुद्धीने पुण पवित्र आत्मा माय गवाही आपतेन हि, 2कि माहु मोठू शोक हि, एने मारा मोन सदा दु; खत रेणेन, 3काहाकाय कि मी न्या ताहवोर इच्छितो कि आपणो विचारोहो जे शरीरान बायहो मारा कुटुबमेरयू हि, जीवेच; च मसीहा फायरीन शार्पित एय गीया. 4ता इस्राएली हेते, दंत्तकपणान हक, महिमा, वाचा, व्यवस्था एने उपासना, एने वचन ताणुच हेते 5पूर्वजही तापोर हि, एने मसीहपण शरीरान बोहे ज्याचमाय होयआखाज परम बोगवान पिडीने पिडी धन्य होवो. आमेन.
6पुण हे नाहं कि बोगवानान वचन टाकीन जाहो, जानकेरता कि जे इस्राएल चे वंश हेते ता आखा इस्राएल वंश नाहं; 7एने नाहं अब्राहामान वंश ला कारणाने आखा तान सोरा ठेरना, पुण “ईसाहाक याफायरीन तारो वंश केवाडने.” 8म्हणजे शरीरान सोरा बोगवानान सोरो नाहं, पुण प्रतिज्ञान सोरा आशेमाय मोजने जातेह. 9काहाकाय कि प्रतिज्ञा वचन ज्याच हि: “मी आवो वेलान अनुसार आवी एने साराह सोरो एय.” 10एने केवळ ज्याच नाहं, तर रीबिका पुण एकहो म्हणजे आमारो आबोक ईसाहाक याफायरीन पेटावाली एती, 11एने ऐवी ताहवोर नाहं सोरो जन्मले एता, एने नाहं तान हाजो वाईट किरील एता; जानकेरता कि बोगवानान योजना जो ताह निवाडीन लेणेन अनुसार हि, कर्मकेरणार कारणाने नाहं पुण हदणाराआ कारणाने हि, बोणावीन रेंय: 12केरीन तीह केणेम आवील का, “मोठलो आतल्यान सेवा केरी.” 13जोहलो लिखील हि, “मी याकूबावर प्रेम किरील, पुण एसावाला अप्रिय मानणनये.”
14ज्यानकेरता आमु काय केहू? काय बोगवाना उखेर अन्याय हि? एखातवार नाहं. 15कारण कि तो मुसाला किथे, “मी ज्या कुणापोर दया केरूह इच्छितो तापोर दया करने, एने ज्या कुणापोर कृपा केरूह इच्छितो तापोर कृपा केरूह.” 16सेवट हे नाहं कि इच्छिकरणार कि नाहं, नाहणे का पुण दया करणार बोगवानान वात हि. 17कारण कि पवित्र शास्त्रामाय फारोला कियील गीया, “मी तुवाह जानकेरता उबरीयेल किरील हि कि तुमरे माय आपणा सामर्थ्य देखाडीन, एने मारो नावान पोरचार आखा पृथ्वीपोर होवो.” 18ज्यानकेरता हे तापोर इच्छितो, तापोर दया करने, एने ज्याह इच्छितो ताह कठोर केरीन आपथु,
बोगवान राग एने तान दया
19सेवट तू माहु केह, “तो पोशा का दोष लागाडणे? कूण तान इच्छाकेरिन सामना केरूह?” 20हेमाहू, तू कूण हि जो बोगवानान सामना करने? काय तीयारकोरील वस्तु केहू शकेल कि घोड्विनारू, “माहु इही का बोणाविल हि?” 21काय तुमूह मातडयामाय अधिकार नाहं कि एकुच वात एक खाम्बला आदराहाटी एने दिहरान अनादरासाठी बोणाविल? 22तर तामाय काल्ली आश्चर्याची वात हि कि, बोगवानान आपणो राग देखडणे केरता एने आपणा सामर्थ्य प्रगट करीन ईच्छा क्रोधाने आतल्या सोरा जे विनाशान केरता तियार किरील गीया एता, मोठू धीराने खेरो, 23एने जो दया न, केरता तान महिमा केरता पेलूच तियार किरील, आपणो महिमाच्या हाजा केरीन ईच्छा प्रगट केरील. 24म्हणजे आमरे पोररीन तान केरता तान केवळ यहूदीयाम नापून दिहरी जातीमाय पुण हादाड्या गीया. 25जाणेन ता होशे च्या पुस्तकामाय पुण किथे, जी मारी प्रजा नाहां एती ताह मी आपणी प्रजा केरणूतेवीह जी प्रिय नाहां एती तीह प्रिय केह. 26एने इही एय कि ज्या जगामाय ताह हे कियील एता कि तुमूह मारी प्रजा नाहं हि, तान जागीपोर ते जीवतालो बोगवानान सोरा कियील जाहो. 27एने यशाया इस्राएल विषयी आयडीन केणे, जर इस्राएल ने सोराची संख्या समुद्राम वालू ओलिक रेंय तेभी पुण तामायरीन जारीकुच वोचती. 28केरू कि प्रभु आपणा वचन पृथ्वीपोर पुरो केरीन धार्मिक तेणे ताह तात्काळ सिद्ध केरूह. 29जाणे यशायाने पेल्ला पुण कियील एता, काही सेनाधीशाचा प्रभु आमरे केरता काही वंश नाहं सुळील हि, त्राम्ही सदोमाच्या सारकोस होऊन जाईल असतो एने गमोराहारको बनलो असतो.
इस्राएल ने अविश्वास
30पासाण आमु काय केहू? ज्याच कि दिहरी जाती जे धार्मिकतान होदणे केरतीन नाह एता, धार्मिकता प्राप्त केरील अर्थात ता धार्मिकतेला जो विश्वासामाय हि, 31पुण इस्राएलान, जो धार्मिकतान व्यवस्थाह होदतेन ता व्यवस्था पर्यंत पोचेल नाह 32तीन केणेन केरता? ज्याकेरता कि ते विश्वासान नाहं पुण माहु ते कर्मकेरिन होदणे केरतीन एता, तास ता ठोकराचे देगडापूर ठोकर बुंदे. 33जसे लिखील हि, “देखू मी सियोनामाय एक जेठ लागणार दिगुड, एने ठोकर खाणार चट्टाण मेली, एने जो कूण तान उपेर विश्वास केरूह, तो लाजवाईल एय नाहं.”
موجودہ انتخاب:
रोमियो 9: NLXNT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.