रोमियो 4

अब्राहामान उदाहरण

1ज्ञान केरता आमु काय केहू आमारो शारीरिक आबोक अब्राहाम काय प्राप्त एय गीयो? 2कारण कि केध्दीह अब्राहाम कामांन खेरो ठेरिनील गीयो येतो तर ताह खत केरणेन केरता जागो एती, पुण बोगवानान सुमोर नाहं. 3पवित्र शास्त्र काय किथीह? ज्याच कि “अब्राहामाने बोगवानापुर विश्वास किरील एने ज्याच तान केरता धार्मिकता माय मोजाय गीयो.” 4कामकेरनारा मोजरी आपणे दान नाहं पुण हक्क सोमजील जाथू. 5पुण जो काम केरतीन नाहं भक्तीहीनच्या धर्मी ठरिनीनारापुर विश्वास करने, तान विश्वास तान धार्मिकता माय मोजील जाथू. 6ज्याह बोगवान बिना कामान धर्मी ठरर्विलो, ताह दाविद पुण धन्य केणे: 7“धन्य हि ते ज्यान अधर्म क्षमा एय गीयो हेते, एने ज्यान पापा पोर बागेरीन किरील हि. 8धन्य हि ते माणुह ज्याह बोगवान पापी ठेरावीन नाहं.” 9तेवी ज्यो धन्य वचन, काय खतना एनारान केरता हि? खतना रीथीह हि तान केरता पुण? “आमु हे किथी हि अब्राहामान तान विश्वास धार्मिकता माय मोजाय गीयो.” 10तर ते केवी मोजील गीया? खतना च्या दशेमाय ला, बिना खतना च्या दशेमाय खतना च्या दशेमाय? नाहं पुण बिना खतना च्या दशेमाय. 11तान सुंतेचे चिन्ह जुडील कि ता विश्वासान धार्मिकतान शिक्का एय जाइज तान बिना खतनान दशेमाय विश्वास केरणू काहाकाय कि ते पुण धर्मी ठेरती; 12एने ता खतना केरणारा आबोक ओहलो, जे नाहं केवळ खतना किरील हि, पुण आमरा आबोक अब्राहामान ता विश्वासान अनुसरून पुण चालणु जो ताह बिना सुंतेच्या दशमाय किरील एतो.

विश्वासान द्वारे प्रतिज्ञान जुडणो

13काहाकाय हे प्रतिज्ञा आपील कि तो ज्यान जगान वारिस एय, नाहं अब्राहामाह ता वंश ला पुण व्यवस्था द्वारे आपील गिली एती, पुण विश्वासान धार्मिकता हेर्यो जुडी. 14काहाकाय कि व्यवस्था वारिस हि तर विश्वास वाया एने अभिवचन प्रतिज्ञा ठेरणू. 15व्यवस्था तर क्रोधाला कारणीभूत ठरतलो, एने न्या व्यवस्था नाहं तिथ तान उघाड्ल्यु पुण नाहं. 16ज्योच कारणाने प्रतिज्ञा विश्वास केरणू आधारित हि कि कृपान रीतीपूर हि, कि ता तान आखा वाडवडील व्यवस्था होवो, नाहं तर ते केवळ तान केरताच अब्राहामान हारका विश्वासणारे हि; तोच तर आपणो आखान आबोक हि, 17जोहलो लेखील हि, “मी तुवाह दिहरी जातीपूर आबोक ठेरावील हि, ता बोगवानान सुमोर ज्यापूर तान विश्वास किरील, एने ज्याह मुरील मायरीन जीवतालू किरील, एने ज्या वातू हीच नाहं तान नाव इही लेणे कि मानीन ली तोज हि, 18तान निराशा माय पुण आशा मेलीन विश्वास किरील जानकेरता कि तान वचनामाय किरील तारो वंश इही एय, तो जादा दिहरी जातीन आबोक हि.” 19तो तर शंभर वर्षाचा एतो आपणा मुरील शरीर एने सारा मुरील दशा होमजाडीन पुण विश्वास निर्बल किरील नाहं. 20एने नाहं अविश्वासी एय बोगवानान प्रतिज्ञा पुर शंका केरील नाहं पुण विश्वासामाय दृढ एय बोगवानान महिमा किरील, 21एने निश्चित सोमजील कि ता वातील तान प्रतिज्ञा हि ते ताह पुरो केरणेन केरता पुण समर्थी हि. 22ज्या कारणाने तो तान केरता धार्मिकता माय मोजाय गीयो. 23एने हे वचन, विश्वास तान केरता खेरापण मोजील गीयो, नाहं केवळ तान केरताच लेखील गीया. 24नापून आमरे केरता पुण जानकेरता विश्वास, खोरापणमोजील जातीमाय, म्हणजे आमरे केरता जो तापोर विश्वास करने तान केरता आमरा प्रभु यीशुह मोरील मायरीन जीवतालू किरील. 25ते आमरा अपराध केरता देरीन देयील गीयो, एने आमु धर्मी ठरिनिलाकेरता जीवतालू पुण किरील गीयो.

موجودہ انتخاب:

रोमियो 4: NLXNT

سرخی

کاپی

موازنہ

شئیر

کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in

Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.

नाहाली کے بارے میں مزید معلومات حاصل کریں

रोमियो 4