रोमियो 16

व्यक्तिगत अभिवादन

1मी तुमु फिबी केरता, जी आमरी बोणिक हि एने किखीतातील कलीसियान सेविका हेते, विनंती केरणे. 2कि तुमूह, जीही कि पवित्र माणहाह जुवी, ताह प्रभु माय स्वीकार केरू; एने ज्याह कायताहा वातीमाय ताह तुमरी गिरीज हि, तान मदत कराकारण ते पुण जादा माणहाह एने माहु पुण उपकार करणारी रेणी.

3प्रिस्का एने अक्विला यास मसीह यीशु माय मारा मोदतकेरने हि, सलाम केवो. 4तास मारो जीवाकेरिन आपणो जीव धोकाम टाकील एतो; एने फक्त मीच नाहं, तर दिहरी जातीन कलीसिया देखी तानकेरीन धन्यवाद केरणू. 5ता कलीसियान पुण सलाम जे तान घेरामाय हि मारा प्रिय अपैनात जो मसीहा केरीन आशियातीला पेल्लो फोल हि सलाम. 6मरियम ला जिने तुमरीकेरता जुलुम श्रम लीईल सलाम. 7अन्द्रोनिक एने युनियातील जे मारो घेरामाय हि, एने मारो हेरी कैद एय गीयो एता एने प्रेरिता माय नामांकित हि, एने मारो पेल्ला मसीहा माय एता, सलाम. 8आल्पियातला, जो मसीहा माय मारो प्रिय हि, सलाम. 9उर्बानला, जो मसीहा माय आमारो मोदतकेरने हि, एने मारो प्रिय स्ताखुला सलाम. 10अप्पिलोसला जो मसीहा माय खेरो निकलील, सलाम अरिस्त बुलच्या घेरामायवाला, सलाम. 11मारा कुटुंब हेरोदेसियान न्या सलाम. नरकिस्सुस घेरामायवाला जे प्रभु माय हि, ताह सलाम. 12तृफेना एने तृफोसा न्या जे प्रभु माय श्रम केरणू सलाम प्रिय पर्सीसहिला जिने प्रभु माय जादा श्रम किरील, सलाम. 13रुफुस ज्याह जो प्रभु माय निवडावेह हि एने तान आईक, जी मारी आहाक हि, दुईजानाह सलाम. 14असुक्रीत एने फ्लागोन, हर्मेस, पत्रबास, हर्मास यान एने तान बरोबर जे बाहाक हि ताह सलाम. 15फिलगन एने युलिया एने निरीय एने तान बोणिक, एने ओलुपास एने तान हेगता आखा पवित्र माणहाह सलाम. 16एकमेकाह पवित्र चुंबनाने सलाम केरू. तुमु मसीहान आखा कलीसिया सलाम.

आखरी निर्देश

17ऐवी हे बायहो, मी तुमूह विनंती करने कि, जे माणहे आवो चूडीविलो विरुद्ध जी तुमूह लीईल हि, आकठो एने ठोकर लावणार ऐतेह, तां पोर लक्ष्य मेलू एने ताफायरीन सेटो रीवू. 18कारण इही माणहे आमरा प्रभु मसीहान नाहं, पुण आपणो पेटाकेरिन सेवा केरणू; एने गुल्यो एने लोभा भाषणाने भोळ्याभाबड्यांची मोन बोहकावणु. 19तुमरी आज्ञा मानणु चर्चा आखा माणहामाय पासारील हि, तान केरता मी तुमरो विषय माय आनंद करने, पुण माहु लागीह कि तुमूह हाजा केरता शहाणे पुण वाईटान केरता हाजो बोणावीन रीवू. 20शान्तिन बोगवान शैतानाह तुमरे पाया बुंदे जेल्दीस चेंदाड देय. आपणा प्रभु यीशु मसीहान कृपा तुमरे हेरी रेंय,

21मारो मोदतकेरने तीमुथियुसाहला, एने मारा घेरल्या लुक एने यासोन एने सोसिपतेर ज्या तुमूह सलाम केणु. 22ज्यो पत्र लेखीन आपणार तर्तीय चा, पुण प्रभु माय तुमूह सलाम. 23गयुस जो मारो कलीसियान आतिथ्य केरणार हि, तान पुण तुमूह सलाम. नोगरामाय कारभारी ईरास्तुस, एने बाहाक क्वर्त ज्यान तुमूह सलाम. 24आमरो प्रभु यीशु बोगवानान अनुग्रह तुमु पुर एती रेय.

बोगवानान स्तुती

25ऐवी जा तुमूह मार सुवार्ता म्हणजे यीशु मसीहान पोरचारा नुसार स्थिर केर शकणे, ता रहस्यान प्रकाशमाय अनुसार जा पिडीन-पिडी लिकाडील मिलील एता, 26पुण ऐवी प्राप्त एय सनातन बोगवानान आज्ञा भविष्यवक्तान पुस्तकामाय आखी जाती केदा का विश्वासानी ऐवी मानणारे एय जा, 27तान एक मात्र ज्ञानी बोगवान यीशु मसीहान द्वारे पिडीन-पिडी महिमा एते रेंय. आमेन.

موجودہ انتخاب:

रोमियो 16: NLXNT

سرخی

کاپی

موازنہ

شئیر

کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in

Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.

नाहाली کے بارے میں مزید معلومات حاصل کریں

रोमियो 16