मत्ती 16
16
स्वर्गीय चिन्हनान मांग
(मरकुस 8:11-13; लूका 12:54-56)
1फरीसी एने सदुकी ज्या आहनी आवीन ताह पारखणे केरीन ताह कियील, “आमूह स्वर्गान काही चिन्ह देखाड.” 2तो ताह चेतावणी आपील, “हांजपोर तुमूह केणु, हवामान हाजो रेंय, कारण आकाश तांबूस हि.” 3एने वेगीस केणु, “आज वोदणु आवी सुटणार, कारण का आकाश तांबूस हि एने वेगीस हि” तुमूह आकाशान लक्षण देखीन तान स्वरूप केहू शकता, पुण काळान लक्षणे का नाहं केहू शकत? 4ओवतो दुष्टान एने व्यभिचारी माणहे चिन्ह होदतेन हि, पुण योनान चिन्हावाचून ताह उंजू काही चिन्ह नाय आपाय एने तो ताह सोडीन निकलीन गीया.
फरीसी एने सदुकीन खमीरान शिक्षा
(मरकुस 8:14-21)
5चेला गलील समुद्रान पुरलेउखीर गीया, पुण तो रूटू लेणेन विहिरीन. 6यीशु ताह कियील, “देखू फरीसीन एने सदुकीन खमीर से होम्बलीन रिज्यू.” 7ता आपसामाय चर्चा केरणे लागिल, “आमु रूटू नाह लावा केरीन तो इही किथे.” 8ज्यो ओलखिन, यीशु ताह कियील, “अरे अल्पविश्वासी, तुमूह आपसामाय काय चर्चा केरतीन हि कि आमरा फाय रूटू नाहं? 9काय तुमूह उंजू नाहं समजील? काय तुमूह ता पांच हजाराचे पांच रूटू एर नाहं, एने नाह आवी काय तुमूह कोलाक टोपला बोरील एता? 10एने तोहोलोच तो च्यार हजारान सात रोटा, एने तोहोलोच जो कि तुमूह कोलाक टोपला बोरीन उगर्या? 11तुमूह का नाहं सोमेजतेह कि मी तुमूह रूटू विषयी मी नाहं कियील, पुण जो कि फरीसी एने सदुकीन खमीर विषयी होमंबलीन रीवू.” 12तेवी चेला समजील कि ताह रोटान खमीर विषयी नाहं, पुण फरीसी एने सदुकी ज्ञान शिक्षणाशी होमंबालीन रेणेन केरता कियील एता.
पतरसान यीशु मसीह स्वीकारणू
(मरकुस 8:27-30; लूका 9:18-21)
13जेवी यीशु कैसरिया फिलीप्पुसी भागाम आवा, एने आपणो चेलाह फुसणे लागिल, माणहे माणहान सोराह काय केणु? 14चेला कियील, “कोलाक यूहन्ना बाप्तिस्मा केरणार केणु, एने कोलाक भविष्यवक्ता एलिया, एने कोलाक भविष्यवक्ता यिर्मया कियील भविष्यवक्ता कूण एक केणु.” 15तो यीशु कियील, “पुण तुमूह माहु काय केणु” 16शिमोन पतरसाने उत्तर आपील, “तू जीवतालू बोगवानान सोरो मसीह हि.” 17यीशु नी ताह उत्तर आपील, “अरे शिमोन, योना सोरा, तू धन्य हि, कारण माह एने रक्त ज्याच तर, पुण मारो आबुक तो स्वर्गाम हि, जीवात तुमूह प्रगट केरील हि. 18एने मी भी तुवाह किथु का, तू पतरस हि, एने मी ज्या देगडापूर आपणी कलीसियान बोणावूह, एने अधोलोकान फाटकान कायीच नाय चाली. 19मी तुवाह स्वर्गान राज्यान किल्यु आपथु, एने जो काही तू पृथ्वीपोर मोकलो केरही, तो स्वर्गामाय उघाडील जाय.” 20तेवी यीशुन चेला कियील चेतावणी कि, कोणीही मा कियील कि मी मसीह हि.
आपणी मोत ने विषयी यीशुन बाविष्यवाणी
(मरकुस 8:31-33; लूका 9:22)
21तो ता टायमामायरीन यीशु आपणा चेलाह केणे लागिल, “गर्जेन हि कि मी यरूशलेमाय जाइन एने डाय डाया, एने मुख्य याजक एने शास्त्री ज्ञान फायरीन मोक्तास दुख सोसावे, एने मारील जाणे, एने तीन दिहामाय जीवतालू एय गीयो.” 22ज्यापरीन पतरस यीशुह बाजूमाय लेया आवीन जुलने लागिल, “हे प्रभु बोगवान मारपोर दया केर! तारो हेरी ओहलो केध्दीह नाय केरी.” 23यीशु पासाण वोलीन पतरस कियील, “अरे शैतान, मारो ओगाणरीन सेटो लीन जा! तू तार केरता ठोकर कारण हि, कारण तू बोगवानान वातुपोर नाहं, एने माणहान वातुपोर मोन लागाळ हि.”
यीशुन पासाण चालणेन अर्थ
(मरकुस 8:34-9:1; लूका 9:23-27)
24ताहा यीशु आपणो चेलाह कियील, “जर कूण मारे पासाण आवहू ईच्छा केरता, तर स्वतान इन्कार केरूह तर आपणो क्रुस विसीन, एने मारे पासाण चालणे. 25कारण आपणो जीव वोचाडणु आवी, तो ताह गोमाडी टाकणे, एने जी कूण मारो केरता आपणो जीव टाकणारे, तो ताह जुडी.” 26जर माणुह आखो जग जिक्यो, एने आपणा जीवान नाश केर्यो, ते ताह काय लाभ? जर माणुह आपणा जीवान बोद्ले काय आपी? 27माणहान सोरो आपणा स्वर्गदूता हेर्यो आपणा आबाकने महिमा आवी, एने ता वेलापूर “तो आखाह जान तान कामान इसाबे प्रतिफोल आपी 28मी तुमूह खेरीच किथु कि जो न्या उबरीयेल हि, तामायरीन काही इही हि कि तो ताहउर माणहान सोराह तान राज्या आव तालून नय देखजी, तो ताहवोर मोरनेन अनुभव किदीहं आवूह नाह.”
موجودہ انتخاب:
मत्ती 16: NLXNT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.
