प्रेरितान कामे 22
22
गेर्दीम पौलुसान सन्देश
1“हे बायहो एने वडीलानो, कि जो ऐवी पोशा उत्तर करने कि, जो मी ऐवी तुमरे सामने मेलथू.” 2तां ज्यो होम्लील का तो ताहेर्यो इब्री भाषा माय बोलीह, तेवी ता ठावका एय गीया तेवी तो ताह कियील: 3“मी ते यहूदी शिक्षण हिकील हि, जो किलकीयान तार्शीस माय जेल्मो लियील; पुण ज्या नगरामाय गमलीएल पायान आहने बोहीन शिक्षण लियील का, एने पूर्वजान व्यवस्था भी ठीक रीती से हिकाडील एतो; एने बोगवानान केरीन ओहली धुन लागाडील इतू, जीही आज तुमु लागाडील हेते 4मी माणहे एने बायकू दुईजानाह बांधीन बंदिखानाम टाकीन आवो पंथाला न्याओर त्रास आपील कि ताह मोरणेन शिक्षा पुण आपील. 5स्वताह महायाजक एने आखा डाय डाया भी गवाही हेते का” तामाय मी बायहो नावापुर चिठ्या लीन दमिष्कामाय निकलीन जातालु का, जा ताहरी जातालु, का ता हेते ताह दण्ड जुडणे जुवी केरीन मी ताह बांधीन यरूशलेम माय लीन आऊ.
हृदय-परिवर्तनान वर्णन
6जेवी मी चालणे दमिष्कान आहनी पोचना तेवी इही एय गीयो का दिहीरा प्रहरान जवळपास एकुच वारीन मोट्लोच उजालो आकाश मायरीन मारे चारू बाजूमाय चोमकील. 7एने मी जोमनिपुर पोडील एने हा शब्द होमलील, “हे शाऊल, हे शाऊल, तू माहु काहा त्रास आपथु?” 8मी उत्तर आपील, हे प्रभु, तू कूण हीच? तान माहु कियील, मी यीशु नासरी हि ज्याह तू वेखळणे. 9मारो हेरीच प्रकाश तर देखाणे, पुण जो मारहे-यो बोलीह एतो तान शब्द होमलील नाहं. 10तेवी मी केह, हे प्रभु, मी काय केरू? प्रभुन माहु कियील, उठीन दमिष्कान जा, एने जे काही तुवाह केरणेन केरता ठेराव्यू गीया हि कियील जाहो. 11ताहेरया ता उजालान तेजामाय माहु काही देखा नाहं हेरीन आथ देरीन तो दमिष्कामाय आवा. 12तेवी हनन्याह नावान व्यवस्था नुसार चालूह एक भक्त माणुह जे ताहारी रेणारे आखा यहूदी माणहामाय नाव लौकिक एतामारा आहने आवा. 13एने उबरीयेल रेयीन माहु केयेल का, हे बाहाक शाऊल, याहारू देखू, तान वेलान मारा डोला उगडीन गीया एने मी ताह देखील. 14तेवी तान कियील आमरा पूर्वजान बोगवानान माहु जानकेरता ठेराव्यू हि कि तू तान ईच्छान जाणहु शकणार एने ता धर्मी माणहाह देखणार एने तान मुया केरीन वातू होमलू. 15काहाकाय का तू तान फायरीन आखा माणहान ओगाण ता वातील गवाही एती ज्या तू देखीन एने होमल्या हेते. 16ऐवी का टाइम लागाडणे? उठ, बाप्तिस्मा ले, एने तान नाव लीन आपणो स्वतान पापाह धोवीन टाक. 17ताहे-या मी पोशा यरूशलेम माय आवीन मंदिरामाय प्रार्थना केरतीन एतूतेवी बेशुद्ध एईन गीयो. 18एने तो देखील कि तो माहु किथे, जेल्दी केरीन यरूशलेम माय जेल्दी निकलीन जा कारण कि ते मारो विषय माय तारी गवाही नाहं मानणार. 19मी ते कियील, हे प्रभु, ते तर आपु ओलकतेह कि मी तारपोर विश्वास केरणारा बंदिगृहात टाकथू एने प्रत्येक आराधनालय मारकुट केरतीन एतो. 20एने जेवी तारा गवाही स्तीफणुसाह देईन रक्त वोयाडताला तेवी भी मी तांच उबरील इतू, एने जी वातीमाय मी सहमत हि, एने ताह मारणारान मी फाडकान राखवाली केरतालु 21एने तान माहु कियील, निकलीन जा काहाकाय कि मी तुवाह दिहरी जाती उगे सेटो मोकलुहु. 22ते आवो वातू ताहवोर तान होंबलेह रेणा तेवी उचो शब्दांनी आयड्या, इही माणाहान अंत केरुतान जीवतालो रेणे उचित नाहं. 23ताहे-यो तो आयडते एने फाडका जगारनु एने आकाशामाय वालो मातड्यो उडावणे एता. 24तर पलटण च्या सरदाराने कियील, ज्याह घडी माय लीन जा एने चाबूक मारीन ओलेख कि मी ओळखणे कि माणहे कायताहा कारणाने तान विरोधामाय इही आयेडतेन एता. 25ताहे-यो तास ताह वाद्यांन बाधील तेवी पौलुसुसाने ता सुभेदार जो आहने उबरील एतो कियील, काय हे उचित हि कि तुमूह एक रोमी माणहाह एने तो पुण बिना दोषी ठेराव्यू, चाबूक मारील? 26सुभेदाराने हे होयलू पलटावणेन सरदारान आहने आवीन कियील, तू हे काय करने? हा तर रोमी माणुह हि. 27तेवी पलटणे सरदाराने तान आहने आवीन कियील, “माहु किजी, काय तू रोमी हि? तान कियील, होव” 28हे होयलू पलटणे सरदाराने कियील, मी रोमो ला पद जुलुम रुपये आपील मिळवणे हि पौलुसुसाने कियील, “मी तर जन्मारीन रोमी हि.” 29तेवी जे माणहे ताह ओळखनेपोर एता ते तान जागे रीन बाजूमाय एय गीया एने पलटणाचा सरदार पुण हे सेमजीन कि हा रोमी हि एने मी ताह बाधील हि, केरीन बियीन गीयो.
महासभान सामने पौलुस
30दिहरे एक दिह तान हाजो हाजो जाणेन ईच्छा का यहूदी ज्यापोररीन का दोष लागडते, तान बंधन उगडीन आपील; एने मुख्य याजक एने आखा महासभेमाय एक्ठाच एयनेण आज्ञा आपील एने पौलुसाह बुंदे लीन जाइन तान ओगांण उबरीयेल केरीन आपील.
موجودہ انتخاب:
प्रेरितान कामे 22: NLXNT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.