1 कुरिन्थियो 12
12
आत्मिक दान
1हे बायहो, मारी ईच्छा नाह कि तुमु आत्मिक वरदाना विषयी मालूम एनजांण्या रेऊ. 2तुमूह मालूम हि, का जेवी तुमु अन्य जातीन एता, तेवी मुक्यू मूर्तीन पासाण जीही चालाडने माय आवतालो तीही चालताला. 3तामुळे मी तुमूह चेतावणी आपथु कि जो कूण बोगवानान आत्मान मार्गदर्शनाने बोलेहे, तो इही किथी नाहं कि यीशु शापित हि, एने कूण पवित्र आत्मा बोलणार केय शकणार नाहं का यीशु ज्योस प्रभु हि.
4आखाह आत्मान आलेग आलेग वरदान जुडील हि, पुण हे आखा वरदान आपणार आत्मा हा एकुच हि. 5सेवांहा प्रकार जुदाजुदा प्रकारे ठेराव्यू गीया हि, पुण आमु ज्यान सेवा करने तो प्रभु तर एकुच हि. 6काम तर जुलुम कियील गीया हि, पुण आखामाय आखा काम केरणार तो बोगवान एकुच हि. 7आखामाय आत्मा कायताहा कायताहा प्ररकारान प्रकट एतो जे प्रत्येकान हाजा केरीन एता. 8कोणीही आत्मान द्वारे बोगवानान ज्ञानासे जुलुम एईन बोलणेन हाजू आपील गीयी हि, तर कोणीही तान आत्म्याच्याद्वारे विद्येचे वचन जोदेत. 9एने कोणीही तान आत्मा द्वारे विश्वासाचे वरदान आपील गीया, हि तर कोणीही हजो केरणेन क्षमता आपील गीयी हि तान आत्मा द्वारे. 10एने कूण दिहीरा माणहा आश्चर्यपुरो शक्ती; आपील गीया हेते, तर कोणीही दिहीराह परमेश्वारा फायरीन बोलणेन शक्ती आपील गीयी हि; एने कोणीही हजो आत्मा पारखणे शक्ती आपील हि, कोणीही जुदाजुदा भाषा बोलणेन शेक्ती आपील हि तर कोणीही भाषातर अर्थ केयीन व्याख्या काडणेन शेक्ती आपील हि. 11पुण हा तो एकुच आत्मा हि जो ज्याह योग्य होमजथी, आपतेन येतो आवो आखा वातूह पुरो करने.
एक शरीर एक अंग
12जाणू आमरीफायरीन आखाज शरीर तर एक हि, पुण तामाय आलेग हि, एने जर अवयव मोकता एतालून पुण तामायरीन शरीर एकुच बोणावली, तोहोलोच मसीह हि. 13कारण जर आमु यहूदी रेणा हि जर यूनानी, दास रेणा रेंय केव्ही हाजो एकुच शरीरान आलेग आलेग अवयव, बोणावणे केरता आपु आखाआ एकुच आत्मा द्वारे बाप्तिस्मा आपील गीयो हि, एने तीह भागवण्याकेरता आमु आखा एकुच आत्मा आपील गीयो हि.
14ऐवी देखू, माणुह शरीर काल्लोबी एकुच अवयवांनी बण्याल्ये नसतू पुण तामाय जादा अवयव रेणू. 15जर पाय केनार मी, “आथ नाहं तेभी, तामुळे मारो शरीरोरी काय भी संबध नाहं” तर काय तो शरीरान अवयव रेहू नाहं? 16याच प्रकारे जर कान केनार, “मी डोलो नाहं, तामुळे मी शरीरान नाहं” तर काय ज्यानकेरता तो शरीरान नाहं? 17जर एक देह आखा शरीर रेणा हि तर कारीन होमलील हि? जर कान जोस आखा शरीर रेणा हि तर कारीन हांह लियेल येतो? 18केरीन खेरीते बोगवानान जोहलो योग्य समजील तोहोलो प्रत्येक अवयवाह शरीराम तोहलीच जागो आपील. 19जर शरीरामरीन आखा अवयव एक हारकाज एय गीयो हि, शरीर का रेणा हि? 20पुण परिस्थिती ओहलो हि कि अवयव आलेग आलेग रेणू, पुण शरीर एकुच हि. 21डोलो आथाह हे केहू शकत नाहं कि, “माहु डोला गिरीज नाहं” केव्ही ओहलाच मुंडे पायांना हे केहू शकत नाहं कि, “माहु तुमरी गिरीज नाहं.” 22याच्यावेगळे शरीरान ज्या अवयवान आपु दुर्बळ होमजथी ते, जादा गर्जेन रेणू; 23एने शरीरान ज्या अवयवांना आपु थोडो मानपानाचे होमजथी ताफाय आपु जुलुम लक्ष्य आपथु; एने आपणा लिकाडील अवयव जादा शालीनता मेलावीन लेनो. 24केरीन आमरा प्रर्दशनीय अवयवांना आवो प्रकारान उपचाराची गिरीज रेथे नाहं. पुण बोगवानान आमरा शरीरान रचना इही केरीन केरील हि ज्यान मुळे ता अवयवांना जे थोडो हाजी हेते ते जादा मानपान मेलविल. 25म्हणजे शरीरामरीन कां काय भी थोडो हुदवळीत मां, पुण शरीरान अवयव परस्पर एकमेकान हारका रुपान लक्ष्य मेलणेन जुवी. 26जर शरीरान एक अवयवाह दुख एता, तर ताहेऱ्यो शरीरान दिहरा अवयव पुण दुखी ऐतेह; तर काल्लोबी एक अवयवा मानपान बोडाई तर तान आनंदमाय आखा अवयव आनंद केरणू.
27इही केरीन तुमूह आखा माणहे मसीहान शरीर हेते, एने जुदाजुदा रुपान तान अवयव हि; 28ओलख नाहं तर बोगवानान कलीसिया माय आलेग-आलेग माणहा मेलील हि: पेल्ला प्रेरिताना, दिहरा भविष्यवक्ता, तिसरे मास्तर, ओवतो आश्चर्य काम केरणारा ओवतो हजो केरणारा एने आभार माननारा ओवतो व्यवस्था केरणाहारा एने जुदाजुदा भाषा बोलणारा. 29काय आखा प्रेरित हि? काय आखा भविष्यवक्ता हि? काय आखा शिक्षक हेते? काय आखा सामर्थ्यान काम केरणारा हेते? 30काय आखा हजो केरणारा वरदान जुडील हि? काय आखा आखा प्रकारची भाषा केतेह? 31काय आखा भाषातर केरणू? तुमूह वोडावीत मोठला वरदानान इच्छेमाय रीवू.
पुण मी तुमूह उंजू पुण आखा पेक्षा हाजो सिडिक किथे.
موجودہ انتخاب:
1 कुरिन्थियो 12: NLXNT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.