मत्ती 28
28
अध्याय 28
येसुन जीव उठनो
(मरकुस 16:1-8; लुका 24:1-12; योहान 20:1-10)
1शब्बाथोन दाहळान ओवतेन हाप्तान पेहेले दाहळे भोवभोकवे मरीयम मगदलीनी एने दुसरी मरीयम मोळवाट्यो काजे देखणे आव्या. 2एने देखू, एक मोटलो भुंकप होयो, काहाकि प्रभून एक दूत सोरगसी उतऱ्यु एने साते आवीन चू दोगळा काजे ढोबवाव देदु, एने तीना पोर बोस गोयू. 3तेरो रूप विजवी सारखो एने तेरा छिंदरा बर्फान तोसा धोव्वा होता. 4तेरा बिकसी राखवाव्या काप उठ्या, आखा मोरलान तोसा होय गोया. 5सोरग दूत बायरा काजे कोयू, “मा बिहू, मे जानतलु कि तुमु येसु काजे जिनाक ख्रुस पोर चोळावला होता हेरने बाज रोया. 6चू न्या नि होय, बाकीन तेरा वचनोन अनसारे जीव उठ रोयू, आवू, यु जागू देखू, जा प्रभूक मेकला होता, 7एने मामार जायीन तेरा चेला काजे कोयू कि चू मोरलामा गोथू जीव उठ्यू, एने चू पेहेले तुमुक गलील काजे जाय रोयू चा तेरो दर्शन जोळसे. देखू, मे तुमु काजे कोय देदु.”
8चे बिक एने मोटली खुशी साते कबरमा गोथा निकवीन तेरा चेला काजे खोबर कोयने दोवळीन गोया. 9देखू येसु हिनुक भेटायु एने कोयू, “सलाम” चे साते आवीन एने तेरा पाय धोरीन तीना काजे नोमोन कोऱ्या. 10तेत्यार चे येसु तीनु काजे कोयु, “मा बिहु; मारा भाशो काजे जायीन कोयू कि गलील काजे जात रोये, चा मेसेक देखसु.”
राखवाव्यान खोबर
(मरकुस 16:14-18; लुका 24:36-49; योहान 20:19-23)
11चे जाणेत बाज रोया होता कि राखवाव्या मा गोथू एक नगरमा आवीन पुरो हाल प्रधान पुजारू काजे कोयीन सोमवाळ्यु. 12तेत्यार चे डाह-डाहा साते एखठा होयीन एकी कोऱ्या एने सिपायळा काजे जादा चांदी आपीन कोया, 13“यो कोयजू कि राती आमु सुवरोया होता, ती तेरा चेला आवीन तीनाक चुरीन लीगोया. 14एने ओगर जी वात सुभेदारोन कानटा पोर पूगी, ती आमु हिनाक सोमजाड देसू एने तुमुक सोंकोट सी वाचाड लेसू.” 15आखरी चे रुप्या लीन जोसो सिकाळाय गोयलो होतो, तोसाच कोऱ्या जी वात आज तोक यहुदियामा हिमी बी चाल रोयी.
येसुन देखाय जाणो एने आखरी आग्या
(मरकुस 16:14-18; लुका 24:36-49; योहान 20:19-23)
16ग्यारा चेला गलीलमा तिना बोयडा पोर गोया, जोसू येसु तीनुक कोयलु होतु. 17चे हेरो दर्शन लीन हिनाक नोमोन कोऱ्या, बाकीन काहना काहनास काजे शंका होयू. 18येसु तिंदरेनचा आवीन कोयू, “सोरग एने कोवीन आखो होक मेसेक आपाय गोयलो छे. 19इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु. 20एने चे आखा वाते जो मे तुमु काजे आग्या आपलु छे, मानने सिकाळ एने देखू, मे जोगोन आखरी तोक कायम तुमरे साते छे.”
موجودہ انتخاب:
मत्ती 28: BFBNT
سرخی
شئیر
موازنہ
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.
