رومپا 3
3
خُدے ایمان ۔
1چی تینے یہُودی پاجیگ اینچیسپوے پھانتھوگس یودتے اینّوگا، یا لقپہ ہلژخمہ چوچیسپوا چی رینجیگ یودتے اینوگ؟ 2اونا، پھانتھوگس مانگپو یودتے اینوگ۔ تانگپورانگ خُدے کھونگرانگی کاگون یہُودی پاگونلا ستادا زادس۔
3کالتیس تیگونّی ٹونے کھاچیگّا ایمان میدنا چی کھونگونلا ایمان میدچیسپوے، خُدانگ ایمان میدکھان گیورّانوگا؟ 4مانے گیورّا مانوگ۔ تشانگما زونجان اِین نانگ ، خُدے کھونگرانگی وعدہ گونّیکا ٹانگپو جوگسانوگ، کازوگ ہلژخمہ شوقبُو بوے نانّگا ڈِیستے اینوگ،
”نیرانگی مولکھان تشانگما ٹانگپو اینکھان ستانین،
یانگ نیرانّگا ٹھیمسکھونگی نانّگا گیال تھوبین۔#3:4 زابور شوقبُوئ 51۔ 4 “
5اِین نانگ کھاچیگی زیرثیدچیس اینوگ، ”نگاتانگی دِیگپے لاسگونّی خُدے ٹانگپو اینکھانبو مانّگا سالپو چوستے ستانّادنا، تینے کھونگی نگاتانگونلا چھادپا سالچیسپو میوسپاجیگ مانوگا؟“ (تیگون، میجیگی سامتشول نانگجین زیرتے اینوگ) 6تانتان مانوگ۔ کالتیس میوسپْا اینپینّا، تینے خُدے دُنیائی می گونلا ٹھیمسچاد کازوگی زادِین؟ 7کھاچیگی زیرگیو تانگستے زیرثیدچیس اینوگ، ”کالتیس نگے نگانپا چوچیسپوے، خُدے ٹانگپو اینکھانبو مانّگا سالپو تھونگتے، کھونّگا سپال تھوبّادنا، تینے چیا خُدے نگا دِیگپاچان اینکھانبوے پھیا شیچیسّی ٹھیمسچاد زادّانوگ؟“ 8یانگ کھاچیگی، ”زانگپو مانّگا جونگچیسّی پھیا نگانپا ریگ چوشیگ“ زیردوگ زیرتے نگاجے گیابگالّا زون تانّگانوگ۔ تیزوگ زیرکھانگونلا خُدے چھوگسنے شیچیسّی چھادپا تھوبچیسپو اوسپا اینوگ۔
می سوجیگّانگ ٹانگپو مانوگ۔
9تینے دورلدوستے چی نگاتانگ یہُودی پاگون جانماگونّی سانگ گیالّا این زیر تھوباینّا؟ مان، مانے زیر میتھوب۔ چیازیرنا نگاجے یہُودی پا تانگ یہُودی مانکھان تشانگما، دِیگپے وانگی یوگا یودکھانبو ستانتشارتے این۔ 10کازوگی ہلژخمہ شوقبُو بوے نانّگا خُدے مولّا زادس،
”سوجیگّانگ ٹانگپو مانوگ، چیگچیگّانگ۔
11سوجیگیانگ ہاگوچیسّی سونڈوس ماچوا اینوگ،
سوجیگیانگ خُدے ٹانگپو شیسنیین میدتے اینوگ۔
12تشانگمے خُدا گیابگیورچیسپوے تشانگما رینمید گیورتے اینوگ۔
سوجیگیانگ زانگپو چوا مانوگ، چیگچیگیانگ۔ #3:12 زابور شوقبُوئ 14۔ 1 نے 3 تانگ 53۔ 1 نے 3 تانگ لوبپون زیرکھانّی شوقبُوئ 7۔ 20
13کھونگونی سپیراگون، بیتے یودکھانّی رومکھانگی
نانگنے یونگکھانّی ٹینگان ژوگس اینوگ۔
کھونگونی لچیگون زونّی گنگستے یودتے اینوگ۔ #3:13 زابور شوقبُوئ 5: 9
توگرولّی کھالپاگنے توگ بودّانوگ۔ #3:13 زابور شوقبُوئ 140۔ 3
14کھونگونی کھا، نگان تابچیس تانگ پھوگچیسّی سپیرے گنگستے اینوگ۔ #3:14 زابور شوقبُوئ 10۔ 7
15کھونگون ٹھاق پھینگارینگسّانوگ۔
16ٹھیسّتور چوچیس تانگ ردوگپو تانگچیس گُون
کھونگونی ستینگرانگنے یونّگانوگ۔
17کھونگونلا جیدے لامبو شیسّا مانوگ۔ #3:17 حضرت یسعیاہ شوقبُوئ 59۔ 7، 8
18خُدے جیگس کھونگونی نانّگا مانے میدتے اینوگ۔“ #3:18 زابور شوقبُوئ 36۔ 1
19تانتانلا شریعت پو، شریعت تھوبکھانّی میگونّی پھیا اینوگ۔ شریعت سالچیسّی گیونتشانبو نی میگونلا سکیون چوچیسنے گھاگچیس، یانگ دُنیا گانگما خُدے سکوندونلا نونگسچان اینکھانبو ستانچیسپو اینوگ۔ 20چیازیرنا سوجیگّانگ ٹھیمسّیکا نانگجین چوچیس چیگپونے خُدے سکوندونلا ٹانگپو گیورّا مانوگ۔ شریعتی نگاتانگون تسامشیگ دِیگپاچان اینکھانبو سالپو چوستے ستانّانوگ۔
ایمان گیُودتے ٹانگپو گیورچیس۔
21اِین نانگ تا خُدے نگاتانگونلا کھونگی سکوندونلا شریعت گیُودتے مانپا، ٹانگپو گیورچیسّی ژانلامبو ستانّا زادس، کازوگ حضرت مُوسیٰؔ تانگ پیغمبر گونّی سپیچھاگونّی نانّگا وعدہ زادتے اینوگ۔ 22حضرت عیسیٰ مسیح نانّگا ایمان گیُودتے، نگاتانگون خُدے سکوندونلا ٹانگپو تھیازادتے اینوگ۔ یانگ نگاتانگ سوریگ اِین نانگ چانگ کھیاد میدپا اینوگ۔
23می تشانگمے دِیگپا چوستے اینوگ، یانگ خُدے نگاتانگی پھیا شان ّی تھوگسدود یودکھانّی تشاد تشوگپا نگاتانگ لیب ماتھوبّا اینوگ۔ 24اِین نانگ خُدے، نگاتانگونلا اوسپا مانکھانّی شزدے گیُودتے ٹانگپو تھیا زادس۔ کھونگی تیبو چوا زادس، نام حضرت عیسیٰ مسیح گیُودتے نگاتانگون نگاتانگی دِیگپے تشییوگنے تھارچوگا زادس۔ 25خُدے حضرت عیسیٰ سی دِیگپے پھیا چھودپے تشولّا پھولّا زادس۔ حضرت عیسیٰ سی سکوثوگ چھودپا پھولتے ٹھاقپھوا زادکھانبویکا ایمان چوکھانّی میگون خُدے سکوندونلا ٹانگپو تھیا زادّانوگ۔ ای چھودپابوے خُدے اوسپا زادکھانبو ستانّانوگ، نام کھونگی سنگونلا دِیگپا چوکھانگونلا چھادپا ماسالا ثانتے ژوگس۔ 26زودپا ثانٹے جاستے خُدے تیبو چوا زادس، اِین نانگ تا داگسا کھونگی نگاتانگونّی دِیگپے پھیا حضرت عیسیٰ سی قُربانلا پھولّا زادس۔ تیزوگ چوا زادچیسپوے، خُدے کھونگرانگ ٹانگپو اینکھان تانگ حضرت عیسیٰ سی نانّگا ایمان چوکھانگون ٹانگپو چوا زادکھانبو ستانّا زادس۔
27تینے چی گیونتشانبوے پھیا، نگاتانگی پھوسو چوین؟ چانگی پھیانگ چو مینیان، چیازیرنا نگاتانگ دِیگپا میدکھان تھیا زادچیسپو نی ٹھیمسلا کھانیانچیس مانپا، ایمان چوچیسپویکا راگلاستے اینوگ۔ 28سونگپاسانگ نگاتانگون خُدے سکوندونلا شریعت کھانیانچیسپوے ٹانگپو تھیا مازادّا، ایمان چوچیسپوے ٹانگپو تھیا زادس۔ 29چی، خُدے یہُودی پا چیگپوے خُدے جُوگستے اینّوگا؟ کھونگ یہُودی مانکھان گونّیانگ خُدے جُوگستے مانوگا؟ اونا، کھونگ اینوگ۔ 30خُدا چیگ جُوگستے اینوگ، یانگ کھونگی میگون ایمان چیگپو گیُودتے کھونگرانگی سکوندونلا ٹانگپو تھیا زادّانوگ، لقپہ ہلژخمہ چھوکن اندویا ماچھوکن اندو۔ 31چی تینے نگاتانگونّی ایمان بو کھاگچان سیسپا، شریعت پو رجیدنانگ ڈیگتے اینّوگا؟ مانے مانوگ۔ نگوسپوا ایمان یود پاسانگ، نگاتانگی رانگژینلا، شریعت پو ڈانڈا ڈوب چوگّانوگ۔
Ladakhi Bible by The Love Fellowship is licensed under Creative Commons Attribution-ShareAlike 4.0 License.