मरकुस 11

यरूशलेमा में यीशु रा सुआगत

(मत्ती 21.1-11; लूका 19.28-40; यूहन्ना 12.12-19)

1जेबा यीशु होर तेऊरे चेले यरूशलेमा नेड, जैतून पहाडा रे बैतफगे होर बैतनिय्याह रे ग्राए पूजे तेबा तेऊ आपणे चेले मेंज़ा का दुई चेले ऐडा बोली करे भेजी, 2सामने रे गराएँ नाहा, होर तखे पूज़दे एक गाधे रअ शोहरु, जासू में एवरे तणी कोहे नांई वैठदअ, तमा बहानुदअ भेटणअ। तेऊ खोली आणा। 3अगर तमाबे कोई कुछ बोल्ले, यह किबे लाऊ खोलणअ? तमे ऐडा बोले, कि प्रभु एतकी जरूत साहा, होर तेऊ यह छेकअ इंदा वै भेज़णअ।

4त्याहे तखे नांही करे तेऊकी दुआरा बागे गाधे रअ शोहरू भेटअ, त्या तेऊ खोलदे लागे। 5त्याह में जोह तखे खड़े थी, ऐखा त्याह वे बोलदे लागे, यह कैह लाऊ करणा, गाधे रअ शोहरू किबे लाऊ खोलणअ? 6जेड़ा यीशु त्यावै बोलू दा थी, तेडा त्याहे त्याहवै बोलू! तेबा त्याहे लोके त्याहवे नाहंणे दिना। 7त्याहे गाधे रअ शोहरू यीशु सेटा आणी करे तेऊ पैंदे झिकड़े पाई होर सह तेऊ पैंदे वैठअ। 8तेबा बऊ लोका आपणे झिकड़े बाता छीआई होर खेचा मेंज़ा का पाच़ा री हरी शाणी बाता छीआई 9जोह तेऊ ज़ेह होर पीछे हाडदे लागे, त्याह ज़ोरे -ज़ोरे बोलदे लागदे, होशाना! धन्य साहा सह जोह परमेश्वरा रे ना का इन्दा। 10हमारे बाबा दाऊदा रा राज्य ईहंदा लागादा साहा! धन्य साहा सरग होशाना 11जेबा यीशु यरूशलेमा में पूजअ होर देहुरे वै नाठअ च़हू तरफा हेरी करे बारह चेले संघे बैतनिय्याह वै नाठअ किबेकी निहारा आउआ, थी होई।

बिना फला रअ अंजीरा रअ बूटअ

(मत्ती 21.18,19)

12दूजे धिहाड़े त्याहे बैतनिय्याह का निकते तेबा त्याह भोछ लागी। 13सह दुरा का अंजीरा रअ बूटअ हेरी करे नेड़ा बै नाठअ की खाणेबे कुछ भैटे पर तखे तेऊ पाचा रे सिबाए किछे नांई भेटा किबेकी तेऊरा एबरे फलअ दिणे रा वक्त नांई आऊया थी, 14यह हेरी करे तेऊए बूटे वै बोलू, एता बाद तेरे फलअ कासी कधी जुगे -जुगे नांई खाणअ। होर तेऊरे चेले शुणदे लागदे थी।

देहुरे का व्यापारी बागे काडणे

(मत्ती 21.12-17; लूका 19.45-48; यूहन्ना 2.13-22)

15तेबा यीशु होर तेऊरे चेले यरूशलेमा वै आए, होर सह देहुरे वै नाठअ; होर तखे जूणा बेचण आल़े होर लउण आले थी, त्याह तखा का बागे काहडी, होर ढब्वै बदल़णे आले रे मांजे शोटी होर कबूतर बेचण आले री खुर्शी भी शोटी पाई, 16होर देहुरे का किछे भी समान आडणे होर निणे नांई दिना। 17होर समझाई करे त्याह वै बोलू, क़ैह ऐडा नांई आन्दा लिखुदा कि परमेश्वरा रअ घर सभी जाति आले बै प्रार्थना रअ घरअ हूणअ? पर तमे यह चोरा रअ घर बनाऊदअ साहा। 18जेबा याह गला प्रधान याजक होर शास्त्री शुणी तेबा त्याह तिऊ मारने रे मोके लोडदे लागे। किबेकी सवै लोका तेयूरी गला शुणी करे हेरान होई, किबेकी त्याह तेऊका डरी थी, 19तेऊकी जेबा राच होई, तेबा त्याह नगरा का बागे निकते।

शुके अंजिरा रे बूटे का शिक्षा

(मत्ती 21.20-22)

20तेऊकी त्याह दोती तेबा तेसी नाहदे लागदे, तेबा त्याहे सह अंजीरा रअ बूटअ जड़ा का शुकदअ हेरू। 21पतरसा सह याद आई, होर तेऊए तेऊवै बोलू, हे गुरु, यह अंजीरा रअ बूटअ हेरू जासुवै तांइए श्राप दिना, सह शुकअ 22यीशु तयाबे उतर दिंना, परमेश्वरा पैंदे बुशाह डाह। 23हाँउ तमा का सच़ी बोलदा कि जूण ऐसा जोता बे ऐडा बोला, तूह ढुल़ होर समुन्द्रे पडअ होर आपणे मने शक नांई डाह, होर बुशाह डाह की ज़ेडा बोलदा सह तेऊवै तेहडा हूणा। 24ऐतकी तणी हाऊं तमावै बोला की जो कुछ तमे प्रार्थना करी करे मांगले बुशाह डाह की तमा सह भेटणा। 25जेबरे तमे खड़े होई करे प्रार्थना करे, जेबा थारे मने कासु वै रोष साहा तेऊवै माफ करे किबेकी थारे पिता जोह सरगे साहा थारा पाप क्षमा करे। 26होर जेबा तमा दूजे रे पाप माफ नांई करले तेबा थारे पाप स्वर्गा रे पिता भी माफ नांई करणे।

यीशु रै आधिकरा पैंदे स्वाल

(मत्ती 21.23-27; लूका 20.1-8)

27त्याह तेऊकी यरूशलेमा वै आए, जेबरे सह देहुरे ओरी पोरी हाणदअ लागदअ थी, तेबा प्रधान याजक होर शास्त्री होर बडे याजक बजुर्ग तेऊ सेटा वै आए होर पुछदे लागे, 28तूह एउ कामा कासु अधिकारा संघे करदा? होर यह अधिकार ताहबे कुणी दिनादा की तूह ऐउ कामा करे? 29यीशु त्याह वै बोलू, महा भी तमा का एक गला पुछणी, महा वै उतर देया हाऊं भी खोजल़अ की यह काम कासु अधिकारे संघे करा। 30यूहन्ना रा बपतिस्मा कैह स्वर्गा की तरफा का, कि मणशा री तरफा का, महा वै उतर देया। 31तेबा त्याह आपु मे गला करदे लागे कि हामे ऐडा बोले की स्वर्गा री तरफा का, तेबा तेऊ बोल़णा, तमा तेऊ पैंदे बुशाह किवै नांई करू? 32होर जेवा हामे ऐडा बोले की मणशा री तरफा का, तेबा लोका डरा थी, किबेकी सभे जाणा की यूहन्ना सची भविष्यद्वक्ता थी। 33तेबा त्याह यीशु बे उतर दिंना, हामे नांई जाणदे। यीशु त्याह का बोलू, माँह भी नांई खोजणा की ऐउ काम कासके अधिकारा का करा।

موجودہ انتخاب:

मरकुस 11: ISJNT

سرخی

کاپی

موازنہ

شئیر

کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in

Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.

ईनर सराजी मे नया नियम کے بارے میں مزید معلومات حاصل کریں