อาซาคารา 5
5
ลอง เฌาพรา บยัะ ซีลอย แปะ
1โอว วี มางัห ยอด, โอว วี ยึร ซีลอย แปะ อี บึณ แคง เบลณ. 2อามู อามาด เฌาพรา ตึอน วี ดีหมอด โอว ต็อห, “มาเซ ปี ยึร แม?” โอว มืร วี ต็อห ดี อัน, “โอว ยึร ซีลอย แปะ อี บึณ แคง เบลณ. นา โต็ง อัน กอย โอย ฆึร กานีห. นา ตาง กอย ฆึร ดี พัน กานีห.”
3อัน ตึอน วี กาลาง ดี โอว ต็อห, “แคง ซีลอย แปะ ตี แฮะ แดม โฆรห ดืง ปี โลว คัม เฆ แคง มืง บอ มืง. อู บลาก แฮะ แดม ลอง เฆ ดูอี อี ซีมา ปรา บอกาเฆลียด, เฆ โลว คัม อี แวน เฆ. ปอ บลาก อึณ แฮะ แดม ลอง ดอน อี กาโลว ดี ดืง. เฆ โลว คัม อี แวน เฆ.
4เฌาพรา อี อึบ โตต ดอน โมยว ปี วี ต็อห, โอว แตห โฆรห ดืง ตี ฌัม แคง กาง ดอน อี อี แฮะ ปรา โกรว อี บอ แคง กาง ดอน อี ดืง ต็อห, แตห เฌาพรา โทม, ยี กาลาง โฆรห ตู หมาน. โฆรห ดืง ตี ดี กอย แคง กาง เฆ แตห อึณ กอ ชึม โตต บอ ร็อง บอ มาว แตห อึณ กาปยาต ลึร โตต.”
5แฮะ ฮอต ปาย ตี อามู อามาด เฌาพรา อี กาลาง โฆรห ดี โอว, อัน บอ ตัห กาตัด โอว บอ ต็อห, “ดอ ตี นี, แตห แม วี ยอด โมยว อี แฮะ โบว แบน แคง เบลณ.”
6โอว มืร วี ดีหมอด ต็อห, “อึณ มูห มาเซ?” โอว แฮะ ฮอต ต็อห ปาย ตี, อัน วี ต็อห ดี โอว, “อึณ มูห คอน อี เฆา ดีฆาว. อึณ มูห หมาบ เฆ ดูอี บอกาเฆลียด อี กอย แคง มืง บอ มืง.”
7คอน ตี, เฆ แฮะ ดึห มีเจต โบง แบน ซีบลึก อัน. เฆ บอ วึห ซีบลึก ตี, อึณ มึห อีบึณ อู วี กอย นา แคง.
8อามู อามาด เฌาพรา วี ต็อห, “อีบึณ ตี มึห จืร อี ต็อห ฮาย กาเซา.” อัน บอ ฌูน อีบึณ ตี แตห อัน วี กอย แคง คอน ตึอน. แฮะ ฮอต บอ กาบีด ซีบลึก อัน.
9วาย อัน ตี โอว ปี วี ยึร อีบึณ อา วี บึณ ตัห โดง กอย โอว. ฆาย แฮะ บลัห เพียง ฆาย โดบ คูน. เพียง ฆาย ตี บอ ปี เพียง โนกกอน. ฆาย บอ โฆรบ โฮะ คอน ตึอน แคง เบลณ.
10โอว วี ดีหมอด อามู อามาด เฌาพรา ต็อห, “ฆาย โฆรบ คอน ตี ว็อะ นา เหมา?”
11อัน วี ต็อห, “ฆาย โฆรบ ฮาว คอน ตี ดี มืง บาแบ, แตห ฆาย ซัม โฮว ปี กรึบ เฆ. อีบึณ อา วี ตึอน, เซ แฮะ ฮอต ซัม โฮว เฆ ดี เบลห คอน ตี โดง กอย อัน แคง โฮว ตี.”
موجودہ انتخاب:
อาซาคารา 5: pce
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021, Wycliffe Bible Translator, Inc. All rights reserved.