อาโฮวซียา 14

ลอง อาโฮวซียา ซาคึร อาดา ดูอี อีซาเรลัะ

1อึย เบ ดูอี อีซาเรลัะ, แตห เบ วี ตัห โดบ เฌาพรา อี มูห เฌาพรา ปี กรึบ เบ. นา ตู หมึอม ปี โบง เบ, อึณ แฮะ วี แตห เบ ดีปลาด เกห.

2แตห เบ ตัห โดง กอย เฌาพรา, แตห เบ ต็อห, “แม เฌา, เย หมาณ, แตห แม ฆ็อห แวน หมาบ เย. แตห แม เฌา โทม โฆรห ปี ซาคึร เย. เซ ฮี ปาย ตี เย มืร ดี วี อืบ มยูก แม เฌา บอ ดาง ฆูง เฆฌู ดี แม.

3คูนดีคัม มืง อาซูรียา ตู ปึอน คยอด เย. เฆ ดา ซึก เย มืร ตู ปึอน ฆ็อง แร เย. คา นี ฮาว เย มืร ฮู แดะ อารึบ ราง ปอ อึณปัว ต็อห, ‘เฆ มูห เฌาพรา ปี กรึบ เย.’ อึย แม เฌาพรา, แม เฌา บอ นับ ดี ร็อก กาเว ดูอี อี ตู มึห โดง ดี บึง.”

4เฌาพรา ปี วี ต็อห, “โอว ดี วี แตห เฆ แบน ดูอี ดี โดบ ซีคยา โอว. โอว ดี ร็อก เฆ เซเซ. โคว, น็อห รู โอว ดี เฆ แฮะ ฮอต เบระ.

5โอว ดี โบง ดี เฆ ดูอี อีซาเรลัะ, แตห อึณ ปี อึม ดีงาน. เฆ ดี บอ บรัห ปี โปห คัมซอน. เฆ ดี บอ ปี เรียห เฮ อี โลง ลึก แคง กาดาย ปี เฮ อารีด อี กอย ดี นอน เลบานูน.

6รา เฮ ตี ดี บอ แกร ดี มึห กืน. เฆ ดี บอ มึห ซาเร บอ ชีด บอ หมึอม ยอด ปี เฮ นามัน. เฆ ดี บอ อูห หงูน ปี เฮ อารีด อี กอย ดี นอน เลบานูน.

7ดูอี ปี อึบ โอว ดี บอ เวณ กอย ซีคยา แคง มืง บรีม เฆ. เฆ ดี บอ วี แบร กืน ปี โหงว บอ มึห เบล มางูน อี มึก กาเซา. อี เฮา ดี บอ อืบ เฆ, แตห อึณ ปี เฆ อืบ อึม มางูน อี เลห แคง นอน เลบานูน.

8อึย เบ ดูอี อีซาเรลัะ, วาย อัน ตี แกวะ แตห เบ กรึบ อารึบ ราง ดอ เหมา. ปาย ตี โอว ดี วี ยอด แมน ลึมลา เบ. โอว ปี เฮ อี เงียน เซเซ. โอว มืร แตห เบล เลห แคง เฮ ตี, แตห เบ บอ ปึอน ดี โฮม เซเซ.”

9แตห วี อี มึห อางยาน นับ ลอง ดาง ปี แดม อูน ตี. แตห วี อี หล็อก แหลม กาหลูห ดี น็อห ลอง อัน ตี. ดูอี อี มึห น็อห ซืร น็อห หมาน, เฆ ดี บอ โดบ เฌาพรา อี มึห น็อห ซืร น็อห หมาน. เฆ อี โบง นา ฮาย นา มืก, เฆ ดี บอ ตัห ดูห บอ กาฟัห เกห โดบ อึณเตณ ปี อึง เฆ.

موجودہ انتخاب:

อาโฮวซียา 14: pce

سرخی

کاپی

موازنہ

شئیر

کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in

บับ เฌาพรา อี บรีม บอ อี กามาย - รูจีง ดาอาง کے بارے میں مزید معلومات حاصل کریں