อาเอเซเคน 2
2
ลอง เฌาพรา แดะ อาเอเซเคน แบน ดา อี บยาน โฆรห อัน
1อัน เฌา วี ต็อห ดี โอว, “อึย ฆอน ดูอี, แตห แม ยีต จ็อง, โอว ดี กาลาง โฆรห ดี แม.” 2ดอ กาลาง อัน โฆรห ตี, น็อห พึอม เฌาพรา มืร แฮะ ลึบ แคง น็อห โอว. อึณ บอ บยีต แตห โอว ยีต. โอว ปี วี ยึร โฆรห ปอ อึณปัว ต็อห,
3“อึย แม ฆอน ดูอี, โอว จัร แม ฮาว กาลาง ดี เฆ ดูอี อีซาเรลัะ. ดูอี เฆ ตี แฮะ มูห อาโมยว อี กาบัห ดี โอว. กอ ฌัม อาตึร เฆ แฮะ วี โบง กาบัห ดี โอว ปี แปะ แฮะ ดึอม โบง ฆูณ ดัง เฆ. 4เฆ มืร แฮะ ปี โปลม ดีฆัต น็อห เฆ, อาว ฮู โรวเซ โอว. โคว, โอว อี มูห เฌาพรา อี อึบ โตต ดอน โมยว, โอว จัร แม กาลาง ต็อห, 5ดูอี อี ออน ดี โบง กาบัห ดี โอว ตี, เฆ ดี โทม ตู โทม โฆรห โอว อาว ลืก, แตห เฆ นับ แล แฮะ มึห ดูอี บยาน โฆรห เฌาพรา ตัห โดง กอย เฆ. 6อึย แม อี มูห ฆอน ดูอี, แกวะ แตห แม โยว เฆ บอ โฆรห ปี กาลาง เฆ. เฆ ปี บอ โบง ดี แม, แตห อึณ กอ ปี แม แฮะ กอย กาแต มาอาต บอ มา แมงเงา มืร, แกวะ แตห แม โยว ดูอี อี อึง ดี โบง กาบัห ดี โอว. 7โกบ มูห เฆ ดูอี อี อึง ดี โบง กาบัห ปาย ตี เฆ ดี โทม ตู โทม โฆรห โอว อาว ลืก. แตห แม ฮาว กาลาง แล โฆรห โอว ดี เฆ. 8แม ฆอน ดูอี, อี มูห แม, แตห แม โทม โฆรห ปี กาลาง โอว ดี แม นี. แกวะ แตห แม มึห น็อห ซี กาบัห ปี เฆ. แตห แม อาง โมต แม, โฮม ปี ดี โฮม ปี ดัว โอว แม โฮม.”
9แฮะ ฮอต, โอว วี ยึร แด อู บลาก โซ็ง ดี โอว. แคง แด ตี แฮะ มึห ซีลอย แปะ อู พืน. 10อัน เฌา บอ บลัห ซีลอย แปะ ตี นา อาต โอว. อึณ บอ แฮะ แดม อูน บอ นา ปัน นา อาต. อึณ บอ มูห โฆรห อี ยาม อี หงูน, โฆรห อี แบน น็อห ตู ดาคึย อี แบน กลึร แบน เหงา. อึณ บอ มูห โฆรห อี ดี แบน นา จีจีว ดีโลย.
موجودہ انتخاب:
อาเอเซเคน 2: pce
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021, Wycliffe Bible Translator, Inc. All rights reserved.