2 ยฮ 1
1
คาน
1โอว อี มูห ดา ตาง, โอว แดม แปะ นี ตึย ดี นาง อี มูห ดูอี ปี ร็อห เฌาพรา. โอว แดม บอ ดี ฆอน อัน เฆ ดอน อี. เบ มูห ดูอี ปี ร็อก โอว อาคาคัร. อาว วัน มี โอว แฮะ ร็อก เบ, บอ เฆ อี นับ นา มูห นา หมาน ดอน อี แฮะ ร็อก เบ. 2เย ร็อก เบ โกบ แฮะ มึห เย นา มูห นา หมาน แคง น็อห เย. อึณ ดี บอ กอย ปาย ตี เซเซ.
3แตห เฌาพรา อี มูห ฆูณ เอ บอ เฌา เยซู อี มูห ฆอน เฌาพรา กาเว เอ บอ เฆฌู เอ. แตห อัน เฌา ดัว บอ น็อห เฆียด ดี เอ. แตห เอ ร็อก บอ โบง นา มูห นา หมาน เซเซ.
4โอว แฮะ ยึร, เฆ ฆอน แม นาง มัง อี แฮะ โดบ นา มูห นา หมาน, โบง โดบ ปี จัร เฌาพรา อี มูห ฆูณ เอ. โคว, โอว แฮะ โคย กาเซา. 5ดอ ตี นี โอว แดม ดี แม นาง, แตห เบ ลาย ร็อก. อาตี, อาว มูห ดารา กามาย ปี แดม โอว. เฌาพรา แฮะ จัร เอ ลาย ร็อก อู ซีณ ดอ โฆว อัน. 6เซ แม ร็อก ปาย ตี, อึณ แตห แม โบง โดบ โฆรห ปี ดัม อูน เฌาพรา. โฆรห ตี เอ แฮะ ดึอม โทม อู ซีณ ดอ โฆว อัน. อึณ ต็อห, แตห เอ ร็อก เซเซ.
7ดูอี อี ซีมา กาโลว แฮะ กืน. เฆ แฮะ กอย ดอน นา ดอน โปละ แดง กาดาย นี. ดูอี ฌึร ตี, เฆ ตู หณึม, เฌา เยซู แฮะ ตัห แบน ดูอี. บอ ดูอี วี ซีมา กาโลว บอ แบน รันซู อี กาบัห ดี เฌา เยซู ตึอน, อัน มูห ดูอี ฌึร ตี. 8โคว อัน ตี แตห เบ ซาดีก โดว เบ, แกวะ แตห ปี โบง เบ ชึม หราย ปีเยณ. แตห เบ ปึอน อาฆยึร อัน, แตห อึณ กอ เฌะฌูง. 9อาเซ ยี โบง ปี อึง อัน, ตู โทม ตู ดึห ปี มาโนว เฌา เยซู, อึณ ปี เฌาพรา ตู กอย แคง น็อห อัน. อาเซ โทม ปี มาโนว เฌา เยซู, อัน แฮะ มึห เฌาพรา, มึห บอ เฌา เยซู แคง น็อห อัน. 10เซ อึณ มึห ดูอี อี ตัห โดง กอย เบ, เซ อัน ตู กาลาง ปี ปี มาโนว โอว นี, แกวะ รวห อัน, แกวะ บาง อัน ลึบ แคง กาง เบ. 11โคว, เซ เบ รวห ดูอี วี ตี, อึณ ปี บอ เบ แฮะ แบน ฆึก อัน, โบง อี ฮาย อี มืก โดบ อัน. 12โอว ปี บอ แฮะ มึห ปี ดี แดม กืน ตึย ดี เบ มืร, โอว ตู ซี ดึห อึม มึก แดม ดี เฌ. โอว ซี ฮาว ฌัม โดง กอย เบ, แตห เอ ปึอน ดี ลาย กามวน, แตห น็อห ดาคึย เอ กอ โนะ ลูต.
13เฆ ฆอน วา แม นาง, อี มูห ดูอี ปี ร็อห เฌาพรา, เฆ แฮะ นัมโหลห แม นาง.
موجودہ انتخاب:
2 ยฮ 1: pce
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2021, Wycliffe Bible Translator, Inc. All rights reserved.