PAIMBA 26
26
Paimba to Isaraeli anu karadua ngkaninya
26:1-65
1 #
Pai. 1:1-46
Ri kaliumo ngkapari setu, i Pue mompau ri Musa pai i Eleasari ana i Haruni, 2“Komi sangaya-ngaya da mawianaka paimba muni waʼa nto Isaraeli malulu tinanya sambaʼa-sambaʼa seʼe. Pura-pura tuama anu tinuwu ruampuyu ntaʼu waindeku, anu mangkotomo mewali surodado, sangaya-ngaya da ndaʼuki.” 3-4I Musa pai Eleasari mawianaka songka setu. Napeboo ntau seʼe pura-pura waʼa ntuama anu tinuwu ruampuyu ntaʼu waindeku napasambaka ntau seʼe ri rato Moabi, ri sambote ngkoro Yarade, mosu ri kota Yeriko.
Inceʼimo waʼa nto Isaraeli anu mesuwu ungka ri tana Masiri:
5Ungka ri lemba i Rube, ana uyue i Yako, tina i Heno, Palu. 6Hesironi pai Karimi. 7Poromu ntuama ungka ri waʼa ntina setu 43.730 tau. 8Ana i mPalu inceʼemo i Eliaba, 9pai waʼa ana i Eliaba inceʼemo i Nemueli, i Data pai Abira. I Data pai Abira setu napilisimo ntau sondo, paikanya tau seʼe mompasambaʼa-mbaʼa pai waʼa ntau anu malulu i Kora da mangaewa i Musa pai Haruni pai mancapu i Pue.
10Liu-liu mekunganga tana maomo tau seʼe painaka mate tau seʼe sangkani-ngkani pai Kora pai waʼa anu malulu siʼa sindara api mangaʼopisaka 250 tau tuama. Pewalinya setu mewali patiendo ri banca Isaraeli. 11Paikanya waʼa ana i Kora bareʼe ndapepate.
12Ungka ri lemba i Simeo: Tina i Nemueli, i Yamini, Yakini, 13i Sera pai i Saulu. 14Waʼa ntuama ungka ri waʼa ntina setu poromunya 22.200 tau.
15Ungka ri lemba i Gati: Tina i Seponi, i Hagi, i Suni, 16-17i Osini, i Eri, i Arodi pai i Areli. 18Waʼa ntuama ungka ri waʼa ntina setu poromunya 40.500 tau.
19-21Ungka ri lemba i Yahuda: Tina i Sela, i Peresi, i Sera, Hesironi pai Hamuli. Radua ana i Yahuda, inceʼemo i Eri pai Onani, matemo ri tana Kanaʼa. 22Waʼa ntuama ungka ri waʼa ntina setu poromunya 76.500 tau.
23Ungka ri lemba i Sakari: Tina i Tola, Pua, 24-25i Yasuba pai i Simoroni. Waʼa ntuama ungka ri waʼa ntina setu poromunya 64.300 tau.
26Ungka ri lemba i Sebulo: Tina i Seredi, i Eloni pai i Yahaleeli. 27Waʼa ntuama ungka ri waʼa ntina setu poromunya 60.500 tau.
28Ungka ri muli i Yusupu, anu mampotumpu radua ana tuama; Lemba i Manase pai lemba i Eparai.
29Ungka ri lemba i Manase: i Makiri, ana i Manase, inceʼemo papa i Gilea; pai waʼa ntina anu tondaya seʼi inceʼemo waʼa muli i Gilea. 30Tina Ieseri, i Heleki, 31tina i Asirieli, i Sekemi, 32i Semida pai i Heperi. 33Tina i Selapeha ana i Heperi bareʼe ananya tuama, podo ana anu weʼa. Toʼo ntau seʼe inceʼemo i Mahila, i Noa, i Hogela, Milika pai i Tirisa. 34Waʼa ntuama ungka ri waʼa ntina setu poromunya 52.700 tau.
35Ungka ri lemba i Eparai: Tina i Sutela, i Bekeri pai i Tahani. 36Tina i Erani inceʼemo muli Sutela. 37Waʼa ntuama ungka ri waʼa ntina setu poromunya 32.500 tau. Incetumo waʼa ntina mulai i Yusupu.
38Ungka ri lemba i Benyami: Tina i Bela, i Asibeli, i Ahirami, 39tina i Sepupami pai Hupami, 40Tina i Aredi pai i Naama inceʼemo muli i Bela. 41Waʼa ntuama ungka ri waʼa ntina setu poromunya 45.600 tau.
42Ungka ri lemba i Daa: Tina i Suhami. 43Waʼa ntuama ungka ri tina setu poromunya 64.400 tau.
44Ungka ri lemba i Aseri: Tina i Yimina, i Yisiwi pai Beria. 45Tina i Heberi pai i Malikieli inceʼemo muli i Beria. 46I Aseri mampotumpu sambaʼa ana anu weʼa toʼonya i Sera. 47Waʼa ntuama ungka ri waʼa ntina setu 53.400 tau.
48Ungka ri lemba i Natali: Tina i Yahaseeli, i Guni,
49I Yeseri pai Silemi. 50Waʼa ntuama ungka ri waʼa ntina setu poromunya 45.400 tau.
51Pura-pura tuama nto Isaraeli poromunya 601.730 tau.
52 #
Pai. 34:13, Yos. 14:1-2 I Pue mompau ri Musa, 53“Potilakamo tana setu ri waʼa lemba banca Isaraeli malulu kabangke lembanya sambaʼa seʼe. 54-56Wianakamo inceʼe mampoliu pantende dadu. Ri lemba anu bangke sangaya-ngaya da nuwaika tilanya anu bangke, pai ri lemba anu kodi da nuwaika anu kodi.”
57Lemba i Lewi tepatunda ungka ri tina i Geresoni, i Kehati pai i Merari. 58Ri muli ntau seʼe tesua tina i Libini, i Heberoni, i Mahali, i Musi pai i Kora. I Kehati inceʼemo papa i Amarami. 59I Amarami mamporongo i Yokebe, ana i Lewi. I Yokebe setu ndapoana ri tana Masiri. I Amarami pai Yokebe reʼe radua ananya tuama inceʼemo i Haruni pai i Musa, pai sambaʼa ananya anu weʼa, i Miria. 60#Pai. 3:2 I Haruni mampotumpu aopo ana tuama: i Danapi, i Abihu, i Eleasari pai Itamari. 61#Tad. 10:1-2, Pai. 3:4 I Nadapi pai i Abihu mate sindara napampanyombaka ntau seʼe apu anu bareʼe ndapokono i mPue Ala. 62Waʼa ntuama ungka ri lemba i Lewi anu tinuwu sambuya waindeku poromunya 23.000 tau. Tau seʼe ndaʼuki ntepatani pai waʼa ntau anu kasambaʼa-mbaʼa bancanya, maka tau seʼe bareʼe marata tila ri pantila tana nto Isaraeli.
63Incetumo poimba anu napowia i Musa pai Tadumpanyomba Eleasari kono waʼa ntina nto Isaraeli, ri pawianaka poimba ri rato Moabi ri sambote ngkoro Yarade mosu ri kota Yeriko. 64Ungka ri waʼa ntau owi naʼuki i Musa pai Haruni ri pada bone Sinai, bareʼemo reʼe mau sambaʼa anu tuwu. 65#Pai. 14:26-35 Maka roomo ndatoʼo i mPue, tau seʼe pura-pura da mate ri pada bone. Pai tau seʼe pura-pura mate, sangadika i Kalebi ana i Yepune pai i Yosua ana i Nuu.
