Lukas 3
3
Bohernou ad Johanes.
1Sesar Tiberius, ndurhian asu Rom, i da le logna aden le uru masongul e lima, Pontius Pilatus, i ndorlaben ber gor Judea, Herodes i ndurhian ber Galilea, ndern Philipus ndurhian ber Idurea e Dragonidis, Lisias ndurhian ber Abilene. 2Hanas sor Kaivas sor ndurhian ber gor Jerusalem, le rang ogo. Nongen ad Jehova gin meher ndro Johanes, ndur Sagarias, i da marboga. 3I dogi le gor hoger e hoger, i bohernou le ndro su le longu ber lang, su garbelueni bern asu, boen Ndorlaben i esbui longu asu momen giao. Boen beg surhi su. 4Dege Provet Jesaia gin hondre dugian: Ngasen i da marboga, i da loholo i bai: Hinen sal ad Ndorlaben gmonen. 5Dogun e bahali, i da le sal aden giao, sal aden gmonen gane. 6Su ndramed masigane su gilndri longu ber lang. 7I vong le ndro su ndramed, su da gin dogi le ndro i, su beg i surhi su, nongen ogoro: Mu ndurmoad, sie gin henunuen mu, mu ndoa le vob le gord ad Jehova? 8Ghinen mburer ademu monen ge, garbelueni bern ademu. Mbue hanguruen le bergolmu, gonan, Abraham i damdu. Io vong le ndro mu: Jehova i danen ilgi le ad Abraham ndurn gle bad ogo. 9Malabo mordo i da le ngondrn gei. Gei heie e heie, sengen aden momen, su gsindrdi i giao, su gbieni i le moan. 10Malabo su ndramed su ndemani i: Iou gob sa malabo? 11I vong le ndro su i bodeie: Salo adem maruo, hengen le ndro i salo si be salo aden bui. Dagara le gan anmu. 12-13Su ndremda moni, su gin meher, su beg i surhi su, su ndemani i: Ndorlaben iou gob sa? I bodeie: Mbue behena, ghedi moni asu monen ge. Su polisboi, 14su la ndro i, su ndemani i: Iou gob sa ie? I bode: Mbue ndounen homo, mbue behena, moni ad Kiap i vonei gle ndro mu. 15Su ndramed masi, su da gin hanguruen le bergolsu, Johanes i sie, i Mesias de bui. 16Johanes i vong le ndro su masi, i bai: Io surhi mu ge le ndran, homo na gmeher i ndoa ge hanu me ordo, io de vonei i bui, io dari sumianegen giao, i ogo i gsurhi mu gle Meluan, ma gle moan. 17Vag i da le nemen i ghinen giras lobohonum. I hedi gorn hian gle um, gohugulum i gbieni i le moan manden, moan de somad bui. 18I da gin henunuen su dagara, ma i bosou le ndro su longu hendre e hendre ber gor lundielang. 19Ndurhian Herodes i da gin hinen longu momen mabosanged, Johanes i vong ndoun le ndro i manua Herodias nambulen ad ndern Philipus, i gin ibdi i le nambulen. 20Herodes i hinen longu momen manden lie, i gin daui Johanes le kalabus.
Johanes surhi Jesu.
21Bersi muren, be Johanes gin surhi su ndramed, i gin surhi Jesu lie. Be i gin surhi i boen. Jesu i raring, lundielang i deh. 22Meluan Helian i voh dege bal si, i la ndro Jesu. Ngasen si i da lang, i vong i bai: Uo nduro, goloisden uo. Vooiso adem ge.
Ngarsu damen ad Jesu.
23Jesu ogo be i gin henunuen su uru aden madilingul, i ndur Josev, su gin hanguruen, 24Josev i ndur Eli, i ndur Madas, i ndur Levi, i Melgi, i ndur Janai, i ndur Josev, 25ndur Madadias, i ndur Amos, i ndur Nahum, 26i ndur Esli, i ndur Nagai, i ndur Maad, i ndur Madad ias, i ndur Semein, i ndur Josev, i ndur Joda, 27i ndur Joganan, i ndur Resa, i ndur Serubabel, indur Sealdiel, i ndur Neri, 28i ndur Melgi, i ndur Adi, i ndur Rosam, i ndur Elmodam, i ndur Er, 29i ndur Josua, i ndur Elieser, i ndur Eliakim, 30i ndur Melea, i ndur Mena, Simeon, i ndur Juda, i ndur Josev, i ndur Jonam, i nudur Eliakim, 31i ndur Melea, i ndur Mena, i ndur Matata, i ndur Natan, i ndur David, 32i ndur Isai, i ndur Jobed, i ndur Boas, i ndur Sela, i ndur Nason, 33i ndur Aminadab, i ndur Admin, i ndur Arni, i ndur Hesron, i ndur Peres, i ndur Juda, 34i ndur Jakob, i ndur Isaak, i ndur Abraham, i ndur Tarah, i ndur Nahor, 35i ndur Serug, i ndur Regu, i ndur Peleg, i ndur Eber, i ndur Selah, 36i ndur Kenan, i ndur Arbagsad, i ndur Sem, i ndur Noah, i ndur Lameg, 37i ndur Metusala, i ndur Henog, i ndur Jared, i ndur Mahalalel, i ndur Kenan, 38i ndur Enos, i ndur Set, i ndur Adam, Adam homo ad Jehova.
موجودہ انتخاب:
Lukas 3: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956
