Jakobus 4
4
Mbue hinen bern momen.
1Desa mu bo bahun, desa mu bo iil sidegesi? Hangungerou momen i da le sengen ademu, i ogo, i bo iil sidesi. 2Mu hangungerou sidesi, de danen ibdi memrad ademu bui, ndrnemu i mah, bergolmu i irgu sidesi. Heb longu de meher de la ndro mu bui. Mu da bo bahun ge, mu bo iil sidesi, heb memrad ademu bui, mu de bo raring bui. 3Ar mu raring, Ndorlaben de hengen heb le ndro mu bui, hanguruen ademu i de heb monen bugane, ar mu soling ndro Ndorlaben. Mu hangungerou longu hendre e hendre, beg ibdi i le ademu, boen mu ha soling, aga heb monen bui. 4De danmu Jehova bui, de danmu i bui, ar homo i ibdi longu ber boan gle gous aden, i bo iil le ndro Jehova ie? Ar homo i gous asu ndramed ber boan ge, voaniso longu ber boan, i ndremda rah ad Jehova. 5Mu hanguruen hi derbe, aga nongen molhege, i da le Buk Helian: Meluan i ha lengi manden, bergolmu i um aden ge. 6Boen i danen hengen le ndro mu memrad ber lang le golnisden aden ge. Homo gin hondre: Jehova i bo iil le ndro su, su hanguruen hian manden le bergolsu, i golnisden su, dansu, hanguruen manden le asu bui. 7Am ndro Jehova, godurhu le ndro i, gob iil le ndro Satan, muren i gu vob. 8Am bage ndro Jehova, Ndorlaben i gal ndro mu lie. Mu ndramed momen e surhi nememu, hinen bergolmu rosan, mu ndramed, mu da hanguruen longu marndr ge sidesi le bergolmu. 9Hanguruen rang ademu momen, i da ndro mu, mu gina momen ri, bergolmu i gosusngo ri, ha reng ha dang. Mbue gu mugmug, mbue hal, garbelueni mugmug ademu, garbelueni hal ademu ha reng ha dang. 10Godurhu le ndro Ndorlaben, boen i danen somui le ademu.
11Mu ndere hian, mbue ha bosoui longu hendre e hendre momen ad ndern, ar homo i bosoui longu momen le ad ndern, ar homo i dieni ndern, i bo iil le ndro nongen ad Jehova, i dieni nongen ad Ndorlaben. Ar homo i dieni nongen ad Ndorlaben, i de hinen nongen ad Ndorlaben bui, i bo gord ge le ndro ndern. 12Homo ge i ndremda gord, i ge, i danen rumburdi hom ndramed, i danen dieni i na gmed. Uo ge, uo sie, be uo beg dieni homo i da baghege ndro uo.
13Longu hendre lie: Aga heb nongen le ndro mu, mu da bai: Eruar, de moh, iou beg dogi le gor hoger e hoger, iou gsou le gor ogo le kristmas si de maruo, iou beg bo mburer, iou beg hedi memrad e moni gle mburer adu, boen iou beg mul. 14De danmu bui sehe longu i gmeher moh, mu hi derbe heb eluen bui muren? Ndangen mu dege gusmoan dandu ilndri i heb murai ge, boen i gineao gane. 15Aga i hian ge, ar mu vong: Be Ndorlaben i ha lengi, iou ghinen moh longu ogoro de longu ogoro, be iou de ginmad bui. 16Malabo mu da hanguruen longu mabosanged, mu da beg hinen i bersi muren, hanguruen ogoro i heb monen bui, momen ge. 17Ar homo i danen, Ndorlaben i ha lengi i gob mburer hian, i gob longu hian, i de hinen i bui, aga longu momen aden.
موجودہ انتخاب:
Jakobus 4: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956