Hebru 4
4
Jesu i hanu le ad Josua.
1Nongen aden, i da gin vong le asu, su ibdi logna hengang gle asu, i de gin los bui, i dandon. Hian iou ghanguruen i, iou gob mburer gleri debosan homo de homo ademu na glos, de ibdi gor hengang gle aden bui. 2Nongen ber lang hian gin meher ndro du, dege i gin meher ndro su, i gina le ndro su, su da gin hirong i dahed, su de gin somui le nongen bugane. 3Iou ge, iou da gin boro ndoui aden ge iou ibdi logna hengang me adu, dege Jehova gin bai: Io gin daui nemo le belengan, io gin bai: Mbue su danoni logna hengang asu sidegesi, dandu, Jehova gin hengang le mburer aden be i gin hinen longu masi bomud. 4I gin vong bersi, be i gin hanguruen sabbath, i gin bai: Jehova gin hengeng le bing manondrdolo le mburer aden gane. 5Hanu iou gin hirong i, i vong, i bai: Mbue su ghengang le logna hengang ordo. 6Su holel dansu ibdi logna hengang gle asu, aga ndangen, su ge ber goru, nongen ber lang gin meher ndro su, delengasu le nongen ogo hian bui, dansu de hengang bugane. 7Malabo Jehova i ha bosoui rang si houen, aga eruar. I ha bosoui le bohon ad David, i vong, i bai: Dege iou gin hirong i hanu, eruar, be mu hirong ngasen ordo, mbue ir ndounen bergolmu. 8Be Josua gin dulieni su le logna hengang asu ndangen, Jehova de ha bosoui le rang si ber muren gle hengang bui. 9Dandu, logna hengang ir belengen su lao ad Jehova, be su hengang le mburer asu. 10Ar homo gin ibdi logna hengang ad Jehova, i hengang le mburer aden, dege Jehova gin hengang le mburer aden dagara lie.
11Iou ha leng bo mburer gleri, io ha leng ibdi logna hengang gle adu, debosan homo de homo i los, debosan homo adu dege su ber goru, de delengasu le nongen ad Jehova bui. 12Nongen ad Jehova i mamaren ge, i ndoa ge, i maren manden i dege mordo borla i sindrdi, i sehi bergoln e meluan, mandrn ma ndueien ber ndrun, i bo gord le hanguruen ad bergoln. 13Homo de danen gorni heb longu le bormarn ad Jehova bui, i danen longu masigane, i danen ilndri i, bersi muren i gob gord me ndro du le longu adu masigane. 14Homo gorbo i gina le lundielang, aga Jesu, Ndur Jehova, aga Ndurhian asu Prister ndangen, iou da gin boharni ngarn aden, iou ha leng boro ndoui aden sidegesi. 15I homo ber boan, i danen ibdi gahaloseli me ndro du, i danen, mandru adu i da heb ndoa bui. Beld Satan gin seslaini i le longu hendr e hendr momen, dege i seslaini du lie, i de gin los le longu momen bui. 16Iou ha leng hilou le ndro i gle logna aden ge, iou ha leng mugmug le sal adu, be iou hanguruen golnisden aden, i ibdi gahaloseli me ndro du, i golnisden du, i osbani du le rang adu momen, be iou ha soling ndro i.
موجودہ انتخاب:
Hebru 4: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956