Hebru 1
1
Jesu i hanu le asu Provet ma asu Angelo
1Goru Jehova gin vong me ndro du bersi e bersilie le bohosu Provet, le longu hendre e hendre ber lang. 2Muren i gin vong me ndro du le bohon ad Ndurn, i da ibdi memrad aden masi ber lang, i da gin mengseni longu masi ber lang ma ber boan. 3I ogo, i sameluan ber engerang aden, bern ad Ndorlaben, aga bern aden, i bogulue longu masi ber boan ma ber lang le nongen aden ndoun ndoun. Be i gin hinen mburer aden boen, be i gin surhi longu momen ber gor masi le ndrai aden, i lugdo le nemen sengen ad Jehova, Ndorlaben ber belengan. 4I ndoa hanu le asu Angelo masigane, dagara ngarn aden i manden hanu le ngarsu Angelo masi.
5Jehova gin vong le ndro sie asu Angelo: Uo nduro, io ge, io gin ilgi uo range ie? Ma bersi dege ogoro: Io Damem, uo ge, uo Nduro. 6I vong i bai le rang, be i beg rendegien ndurn aden homo le boan bersilie: Su Angelo ad Jehova masi, su gdohor le ndro i, su gob lodu ndro i. 7I ha bosoui longu le asu Angelo dege ogoro: I hinen su Angelo su dege ior, su lao dandendegei aden su dege moan. 8I vong i bai le ad Ndurn: Logna adem o Jehova, i ndoa sidegesi, ndes adem i monen ge, aga ndes ad King ndangen. 9Uo voamiso longu hian monen ge, ndrnem i mah le longu masi momen, le bern asu momen, su da bieni Jehova. O Jehova, Ndorlaben adem gin daui ndrelgei helian gle borbalen, i ha mugmug leri, sie i dege uo? 10Bersi i vong i bai: Uo, Ndorlaben, uo gin mengseni gor boan nandugian, lang ma longu masi do dari, aga mburer ber nemem. 11Longu masi na glos, uo ge, uo do da sidegesi, su na ge sagen, dege salo sagen. 12Uo gulmuni su, dege homo i lugmuni salo aden. Uo garbelueni su. Uo ge, uo dege goru sidegesi. Rang adem i de gbomud bugane. 13Ndorlaben i vong le ndro sehe Angelo bersi heb nongen dege ogoro: Lugdo im nemo sengen, io beg ndounen su ndremda rah adem, ndegem gle ndro su. 14Su Angelo masi su lao dandendegei aden ge, uo gin rendegien su, su gob mburer le ndro su lao adem helian, su gibdi gor lundielang bersi muren.
موجودہ انتخاب:
Hebru 1: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956