Petrus II 3
3
Nongen le longu i na gmeher muren.
1Heb nongen ogo io hondre le ndro mu, aga peper ordo maruo. Mu ndere hian, io gin hondre le ndro mu malabo dege io gin hondre le ndro mu goru, io ha lengi, mu ghanguruen nongen ordo, debosan i glos molhege. 2Io ha lengi mu ghanguruen nongen asu Provet helian ber goru, mu ghanguruen nongen asu Apostel ademu, aga nongen ad Jesu Kristo, i Ndorlaben adu. 3Ghanguruen longu hendre ogo: Bersi muren be rang ad Ndorlaben i da baghege, su ndramed momen su gmeher, su ha vong nongen momen ge, nanenongen le ndro mu, su da bo longu momen dege su ha lengi. 4Su vong, su bai: Jesu Kristo i da oho, mu da vong mu bai i gmeher lie? Longu masi dege goru, le rang asu damen ber goru, longu masi ber rang i dege nandugian, be Ndorlaben gin hinen lang e boan. 5De dansu hanguruen heb monen bui, dansu i bui, lang e boan ber goru i do da, i ber ndran ge, bohon ad Jehova gin mengseni ber ndran. 6Boen gor boan gin lol le ndran manden. 7Lang e boan ber range bohon ad Jehova gin mengseni, i na glos lie. Moan manden na ge dilmui i le rang manden ad Ndorlaben, be Ndorlaben i gob gord le ndro su ndramed momen. 8Hian, ghanguruen longu hendre ogo mu ndere hian: Rang si, i dege uru masobu le ndro Ndorlaben, uru masobu, i dege rang si ge ad Ndorlaben. 9Ndorlaben i de melmal le nongen aden bui, dege su holel su hanguruen, su bai: I melmal ge, de hegen i bui. Ndorlaben i mbueren homo na glos, ir belengen mu eluen, i ha lengi, mu masi garbelueni bern ademu. 10Rang ad Ndorlaben i gmeher, dege ndremda behena i meher lobing. Muren lang i los, Ndorlaben i ndumbue i. Moan manden i dilmui longu masigane ber boan, longu ber mburer asu ndremda ber boan.
11Be danmu longu ogoro, hian, ha dogi monen ge, bern ademu i monen gane. 12Ha belengeni rang ad Jehova i gmeher roud, muren lang e boan na glos, moan manden i dilmui i sumburdi. 13Iou belengeni lang houen e boan houen, dege bohon ad Ndorlaben gin bai: I ha leng hengen me ndro du, longu masigane i hian monen. 14Mu ndere hian, ar mu belengeni longu ogo masi, hian e bieni longu masi segdan, longu masi momen ge, ha dogi le mandri ad Ndorlaben. 15Be Ndorlaben ir belengen du, aga i hian ge me ndro du, dege ndere adu Paulus i gin hondre le ndro mu. Nongen aden i hian ge. 16Sidesi i ha vong monen le longu ogo masigane, longu hendre e hendre i beruan le hanguruen monen gleri, su holel de dansu leri hian bui, su ghinen le nongen ad Paulus, dege su hinen sidesi le nongen helian ad Ndorlaben, su belueni, su boharni gleri dege su ha lengi. 17Mu ndere hian, aga danmu, hian gobgulue meluamu, debosan su ndramed ogo momen su rui mu gle momen lie. Boen mu gbieni ndoui ad Jehova, mu na glos. 18Hian, mu gmenda gle golnisden ad Ndorlaben adu, muren danmu Jesu Kristo gle hian ge. Engerang ber gor lundielang i aden, malabo e sidegesi. Amen.
موجودہ انتخاب:
Petrus II 3: LLENT
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Published by the British and Foreign Bible Society 1956