Osé 3
3
Tshùaben laṅte Osé
1Tshùaben tshob me ndù: Me bèn ntshob wù mo' yoṅ i ndù o kô yen mènnzwi là z'a be ngaghù màndà, nshun i nke nkô i nke njôg bo yi ntùm kat là. Kô i be ndaṅndaṅ mba me Tshùaben num nkô bon Israél, mba mba bo be nkaṅ wut ntam njam tsemo' ba nsi, nke kô makela' nkun nà.
2Me nsi bèn jun nzwi àm fà nkàb ntshob tàn gham, ghù ntsi nsa ntôge. 3Me tshob yi ndù: A bwô ndù o tswe nke mbéb àm num tsemo' lé'njù yàme, o ke nsi kale, o ke nsi be nzwi sàm mandum. Me nsi be yàm be ndaṅndaṅ mbwe o ke béb o. 4Tshù bon Israél nsi tswe yàme ke mfen, ke nkame, ke ton ba nyàm tse bo zwi là nde'te Nsi yi, ke neto, ke Efod, ke térafim.
5Yen nà nsi be tôge bon Israél bèn njam. Bo nsi diag Tshùaben Nsi yub mba mfen yub David; bo nsi kaṅ wut tam njam Tshùaben a ke mfà tshu tse mebwô bo.
La Sainte Bible en Bamiléké-Medùmba © Alliance Biblique du Cameroun, 1993. All rights reserved.