Malaquías 4
4
Táan u náadzal u kiinil u taal Yuumtzil
1Yuumtzil u Yuumil tuláacal páajtalile' cu ya'alic: Le kiin t'aba'an bey jun p'éel chujcabo' táan u náadzal, le j ca'anal icho'ob yéetel loolob máaco'obo', bíin eleco'ob bey sojol ichil káak t'aba'ane'. Bíin tóoca'aco'ob tumen le kiin bíin talaco'. Ma' bíin p'áatac mix ba'al ti'obi'. 2Ba'ale' a ti'al te'ex máaxe'ex ca tziquiquene'exe', bíin jóopbalnac bey u juul kiin cu taasic toj óolale'. Te'exe' bíin síit'naque'ex bey mejen wacaxo'ob cu jóokolo'ob tu x kalab che'obe'. 3Ti' le kiin quin nu'ucbesico' bíin a xanabcha'ate'ex le j loolob máaco'ob je'el bix u ma'ay lu'ume'.
4Ka'ajac ti' te'ex le a'almaj t'aan tin dzaj ti' in palitzil Moisés tu pu'uquil Horebo'. ¡Lelo'ob ca'acho' in tzol t'aano'ob yéetel in tzol xiquino'ob u najmal u yu'ubaj t'anta'alo'ob tumen Israel!
5Ile'ex: Bin in ca'aj u túuxt aj bóobat Elías, táanil ti' u kiinil u kuchul Yuumtzil, sen nojoch yéetel sen sajbe'entzil. 6Leti'e' bíin u beet u ca'a biscuba'ob taataob yéetel u paalalo'ob. Wa ma' tu beetico'ob beyo' bíin talaquen in jadzo'ob yéetel in xu'uls jumpuli' u lu'umo'ob.
موجودہ انتخاب:
Malaquías 4: MAYABI
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Texto Maya © Sociedades Bíblicas Unidas, 1992