Na Sailm 111
111
Salm 111.
Confitebor tibi.
1Tabharfaidh mé buíochas leis an Tiarna ó iomlán mo chroí: i measc na gcreidmheach os íseal, agus i gcruinniú an phobail.
2Is mór iad oibreacha an Tiarna: bíonn iarraidh orthu ag an drong a chuireas dúil iontu.
3Is inmholta inonóraithe a shaothar: maireann a fhíréantacht de shíor.
4Rinne Tiarna trócaireach na ngrást a oibreacha iontacha ar an gcuma: go mba cheart cuimhne a choinneáil orthu.
5Thug sé bia don dream darb eagal é: ba chuimhin leis a chonradh go deo.
6Thaispeán sé cumhacht a oibreacha dá phobal: go dtuga sé oidhreacht na bpágánach dóibh.
7Is iad an fhírinne agus an ceart iad oibreacha a lámh: is fíor iad a aitheanta go léir.
8Seasann siad go daingean choíche agus go deo: is de réir fírinne agus cirt a dhéantar iad.
9Chuir sé fuascailt chuig a phobal: dʼordaigh sé a chonradh go deo; is naofa oirmhinneach a Ainm.
10Tús eagna eagla an Tiarna: is dea‑thuisceanach a ndéanann dá réir; maireann a mholadh go deo.
موجودہ انتخاب:
Na Sailm 111: OC1965
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© Cumann Gaelach na hEaglaise (Irish Guild of the Church) 1965