जकर्याह 6
6
च्यार रथां का दर्शन
1मन्नै फेर आँख ठाई, अर के देख्या के दो पहाड़ां कै बीच तै च्यार रथ चाल्ले आवैं सैं; अर वे पहाड़ पीतळ के सै। 2पैहले रथ म्ह लाल घोड़े अर दुसरे रथ म्ह काळे, 3तीसरे रथ म्ह धोळे अर चौथे रथ म्ह चितकबरे अर बादाम्मी#6:3 प्रका. 6:2,4,5,8; 19:11 घोड़े सैं। 4फेर मन्नै उस दूत तै जो मेरे ताहीं बताण लागरया था, पूच्छया, “हे मेरे स्वामी, ये के सैं?” 5दूत नै मेरे तै कह्या, “ये अकास की च्यांरु हवा#6:5 च्यांरु हवा यानिके च्यांरु दिशा या आत्मा सै जो सारी धरती के प्रभु कै धोरै हाजिर रहवै सै, पर इब लिकड़ आए सैं। 6जिस रथ म्ह काळे घोड़े सैं, वो उत्तर देश की और जावै सै, अर धोळे घोड़े पश्चिम की और जावैं सै, अर चितकबरे घोड़े दक्षिण देश की और जावैं सै। 7अर बादाम्मी घोड़यां नै लिकड़कै चाह्या के जाकै धरती पै फेरा मारै#6:7 घोड़यां नै लिकड़कै चाह्या के जाकै धरती पै फेरा मारै उनकी शक्ति का उल्लेख हक अर दूतकार्य के विस्तार के अनुरूप सै जिसकै खात्तर उननै इच्छा प्रगट करी के वे अपणी इच्छा तै सारी धरती पै आवागमन करैं।।” अंत म्ह दूत नै कह्या, “जाकै पृथ्वी पै चक्कर लगाओ।” फेर वे पृथ्वी पै चक्कर मारण लाग्गे। 8फेर उसनै मेरे ताहीं पुकारकै कह्या, “देख, वे जो उत्तर के देश की और जावैं सै, उननै ओड़ै मेरे प्राण ताहीं ठण्डा करया सै।”
यहोशू ताहीं ताज पिराहण का हुकम
9फेर यहोवा का यो वचन मेरे धोरै पोहच्या: 10यहोवा नै कह्या, “गुलाम्मी के माणसां म्ह तै, हेल्दै, तोबियाह अर यदायाह तै कुछ ले अर उसे दिन तू सपन्याह के बेट्टे योशियाह के घर म्ह जा जिस म्ह वे बाबेल तै आकै उतरे सैं। 11उनके हाथ तै सोन्ना-चाँदी ले, अर मुकुट बणाकै उननै यहोसादाक के बेट्टे यहोशू महायाजक के सिर पै धर; 12अर उसतै न्यू कह, ‘सेनाओं का यहोवा न्यू कहवै सै, उस माणस नै देख जिसका नाम शाख सै, वो अपणी जगहां म्ह उगकै यहोवा के मन्दर नै बणावैगा।#6:12 यशा. 4:2 13ओड़ै यहोवा के मन्दर नै बणावैगा,#6:13 यशा. 11:10 अर महिमा पावैगा, अर अपणे सिंहासन पै विराजमान होकै राज करैगा#6:13 अपणे सिंहासन पै विराजमान होकै राज करैगा वो तत्काल ए राजा एवं पुरोहित हो जावैगा, जिसा कह्या गया सै, तू सदा कै खात्तर मलिकिसिदक की रीति पै पुरोहित होवैगा।। अर उसके सिंहासन कै धोरै एक याजक भी रहवैगा, अर दोनुआं कै बीच मेल की सलाह होवैगी।’ 14अर वे मुकुट हेलेम, तोबियाह, यदायाह, अर सपन्याह के बेट्टे हेन नै मिलैं, अर वे यहोवा के मन्दर म्ह याद कै खात्तर बणे रहवैं।”
15“फेर दूर-दूर के माणस आ आकै यहोवा का मन्दर बणाण म्ह मदद करैंगे, अर थम जाणोगे के सेनाओं के यहोवा नै मेरे ताहीं थारे धोरै भेज्या सै। अर जै थम मन लगाकै अपणे परमेसवर यहोवा के हुकमां का पालन करो तो या बात पूरी होवैगी।”
موجودہ انتخاب:
जकर्याह 6: BGC
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.