नहूम 1
1
परमेसवर का अपणे बैरियाँ पै छो
1नीनवे#1:1 नीनवे नहूम की भविष्यवाणी भी घणी कठोर अर भयानक सै योना की चेतावनी सुणकै नीनवे के रहण आळयां नै मन फिराया था लेकिन वे फेर पाप म्ह गिरगे थे कै बारै म्ह भविष्यवाणी। एल्कोशवासी नहूम शहर के दर्शन की किताब।
2यहोवा जळण राक्खण आळा अर बदला लेण आळा परमेसवर सै; यहोवा बदला लेण आळा अर जळजळाहट करण आळा सै; यहोवा अपणे धोक्खा देण आळयां तै बदला लेवै सै, अर अपणे बैरियाँ का पाप न्ही भूलदा। 3यहोवा देर तै छो करण आळा अर बड़ा शक्तिमान सै#1:3 बड़ा शक्तिमान सै दिव्य शक्ति कै गैल दैवीय सहनशीलता भी जावै सै परमेसवर धीरजवन्त सै उसका धीरज दुर्बलता का न्ही उसके ताकत का प्रतीक सै; वो दोषी नै किसे तरियां निर्दोष न्ही ठहरावैगा। यहोवा बवंडर अर आँधी म्ह होकै चाल्लै सै, अर बादळ उसके पैरां की धूळ सैं।
4उसके झिड़कण तै महानद सूख जावै सैं, वो सारी नदियाँ नै सूखा देवै सै; बाशान के खेत अर कर्मेल के बाग कुम्हळान्दे अर लबानोन के फूलां की हरियाली जान्दी रहवै सै। 5उसकी उपस्थिति तै पहाड़ काँम्ब उठ्ठै सैं अर पहाड़ियाँ गळ जावै सैं; उसके प्रताप तै धरती बलके सारा संसार अपणे सारे रहण आळयां समेत थरथरा उठ्ठै सै।
6उसके छो का सामना कौण कर सकै सै? अर जिब उसका छो भड़कै सै, फेर कौण ठहर सकै सै? उसकी जळजळाहट आग की तरियां भड़क ज्या सै, अर चट्टान उसकी शक्ति तै पाट पाटकै गिरै सैं। 7यहोवा भला सै; संकट के दिन म्ह वो मजबूत गढ़ ठहरै सै, अर अपणे शरणागतां नै याद राक्खै सै। 8पर वो उमड़दी होई धारा तै उसकी जगहां का अन्त कर देगा, अर अपणे बैरियाँ नै खदेड़ कै अन्धकार म्ह भगा देगा। 9थम यहोवा कै खिलाफ के कल्पना कर रहे सो? वो थारा अन्त कर देवैगा; विपत्ति दुसरी बार पड़ण न्ही पावैगी। 10क्यूँके चाहे तेरे दुश्मन काण्डयाँ तै उळझे होए हों, अर शराब के नशे म्ह चूर भी हों, तोभी वे सूक्खी खूँटी की तरियां भस्म करे जावैंगे। 11हे नीनवे, तेरै म्ह तै एक दुष्ट लिकड़या सै, जो यहोवा कै खिलाफ कल्पना करै अर नीचता की योजना बणावै सै।
12यहोवा अपणे लोग्गां तै न्यू कहवै सै, “चाहे वे#1:12 अश्शूर के रहण आळे सारी तरियां तै ताकतवर हों, अर घणे भी हों, तोभी पूरी तरियां तै काट्टे जावैंगे अर जीरो हो जावैंगे। मन्नै तेरे ताहीं दुःख दिया सै, पर फेर न्ही देऊँगा। 13क्यूँके इब मै उसका जूआ तेरी गर्दन पै तै उतारकै तोड़ गेरूँगा, अर तेरा बन्धन पाड़ गेरूँगा।”
14यहोवा नै तेरे बारै म्ह न्यू हुकम दिया सै “आग्गै तै तेरा खानदान ना चाल्लै; मै तेरे देवालयां म्ह तै ढळी अर गढ़ी होई मूर्तियाँ नै काट गेरूँगा, मै अश्शूर के खात्तर कब्र खोदूँगा, क्यूँके तू जीण के लायक न्ही सै।”
15देक्खो#1:15 प्रेरि. 10:36; रोम. 10:15; इफि. 6:15, पहाड़ां पै शुभ समाचार का सुणाण आळा अर शान्ति का प्रचार करण आळा आ रह्या सै! इब हे यहूदा, अपणे त्यौहार मना, अर परमेसवर ताहीं करे होए अपणे वायदे नै पूरा कर, क्यूँके वो दुष्ट फेर कदे तेरे बिचाळै होकै ना चाल्लैगा, वो पूरी तरियां तै नाश होया सै।
موجودہ انتخاب:
नहूम 1: BGC
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.