हबक्कूक 1
1
1भारी वचन जिस ताहीं हबक्कूक नबी नै दर्शन म्ह पाया।
2हे यहोवा मै कद ताहीं तेरी दुहाई देन्दा रहूँगा#1:2 मै कद ताहीं तेरी दुहाई देन्दा रहूँगा भविष्यवक्ता उरै व्यक्त करै सै के पैहले तै ए घणा लाम्बा बखत हो चुक्या सै अर उस लाम्बे बखत कै दौरान वो परमेसवर ताहीं पुकारै सै लेकिन कोए परिवर्तन न्ही होया।, अर तू न्ही सुणैगा? मै कद ताहीं तेरै स्याम्ही “उड़दंग”, “उड़दंग” चिल्लान्दा रहूँगा? के तू उद्धार न्ही करैगा? मन्नै इस हिंसा तै बचा। 3तू मेरे ताहीं अनर्थ काम क्यूँ दिखावै सै? अर के कारण सै के तू उड़दंग नै देखदा ए रहवै सै? मेरै स्याम्ही लूट-पाट अर उड़दंग होन्दे रहवै सैं; अर झगड़ा होया करै सै अर वाद-विवाद बढ़दा जावै सै। 4इस करकै नियम-कायदे ढील्ले होगे अर न्याय कदे भी न्ही प्रगट होन्दा। दुष्ट माणस धर्मी नै घेर लेवै सैं; इस करकै न्याय का खून हो रह्या सै#1:4 खून हो रह्या सै यानिके बिगड़ रहया सै या बदल रहया सै।।
5यहोवा नै अपणे माणसां तै कह्या, “जात्ति-जात्ति की और ध्यान लगाकै देक्खो, अर घणाए हैरान हो। क्यूँके मै थारे ए दिनां म्ह इसा काम करण पै सूं के जिब वो थारे तै बताया जावै तो थम उसपै बिश्वास न्ही करोगे।”#1:5 प्रेरि. 13:41 6देक्खो, “मै कसदियाँ#1:6 कसदियाँ के माणस मूल रूप तै बाबेल के माणस थे पर हबक्कूक के बखत ताहीं इसका मतलब और बड़ा हो गया जिननै आज बाबेलवासी कह्या जावै सै। नै उभारण पै सूं, वे जुल्मी अर उतावळी करण आळी जात्ति सैं, जो परायां की रहण आळी जगहां के राजनैतिक अधिकारी होण कै खात्तर धरती भर म्ह फैलगे सैं।#1:6 प्रका. 20:9 7वे भयानक अर डरावणे सैं, वे आप्पे अपणे न्याय की बड़ाई अर प्रशंसा का कारण सैं। 8उनके घोड़े सिपाही चीत्यां तै भी घणी रफतार तै चाल्लण आळे सैं, अर साँझ नै शिकार करण आळे भेड़ियाँ तै भी घणे खुंखार सैं; उनके सवार दूर-दूर कूदते-फाँदते आवै सैं। हाँ, वे दूर तै चले आवै सैं; अर शिकार पै झपटण आळे उकाब की तरियां झपट्टा मारै सैं। 9बाबेल के सारे के सारे सिपाही उड़दंग करण कै खात्तर आवै सैं; स्याम्ही की और मुँह करे होए वे सीध्धे बढ़े चले जावै सैं, अर गुलाम्मां नै रेत के किणक्यां की तरियां बटोरै सैं। 10राजयां नै वे मजाक म्ह उड़ावै अर हाकिमां का मखौल करै सैं; वे सारे मजबूत गढां नै निकम्मा जाणै सैं, क्यूँके वे दमदमा बाँधकै उननै जीत लेवै सैं। 11फेर वे हवा की तरियां चाल्दे अर मर्यादा छोड़कै दोषी ठहरै सैं, क्यूँके उनका जोर ए उनका देवता सै।”
12हबक्कूक नै परमेसवर तै शिकायत करी के हे मेरे प्रभु यहोवा, हे मेरे पवित्र परमेसवर, के तू अनादिकाल तै न्ही सै? इस करकै हम न्ही मरण के। हे यहोवा, तन्नै उन ताहीं न्याय करण कै खात्तर ठहराया सै; हे चट्टान, तन्नै उल्हाणा देण कै खात्तर उन ताहीं बिठाया सै। 13तेरी आँख इसी शुद्ध सैं के तू बुराई नै देख ए न्ही सकदा, अर उड़दंग नै देखकै चुप न्ही रह सकदा; फेर तू धोक्खेबाजां नै क्यूँ देखदा रहवै, अर जिब दुष्ट निर्दोष नै निगळ जावै सै, फेर तू क्यूँ चुप रहवै सै? 14तू क्यूँ माणसां नै समुन्दर की मछलियाँ की तरियां अर उन रेंगण आळे जन्तुआं की तरियां बणावै सै जिनपै कोए शासन करण आळा न्ही सै#1:14 जिनपै कोए शासन करण आळा न्ही सै मार्गदर्शन करण आळा, हुकम देण आळा, रक्षा करण आळा कोए न्ही उसे तरियां परमेसवर की देख-रेख अर प्रावधान तै वंचित माणस का यो चित्रण सै।। 15बाबेलवासी उन सारे माणसां नै बंसी तै पकड़कै ठा लेवै अर जाळ म्ह घसीटदा अर महाजाल म्ह फँसा लेवै सै; इस कारण वो आनन्दित अर मगन सै। 16इस करकै वो अपणे जाळ कै स्याम्ही बलि चढ़ावैं अर अपणे महाजाल कै आगै धूप जळावै सै; क्यूँके इन्हे के जरिये उसका भाग मजबूत होवै, अर उसका भोजन चिकणा होवै सै। 17के वो जाळ नै खाल्ली करण अर जात-जात के माणसां नै लगातार निर्दयता तै घात करण तै हाथ न्ही रोकैगा?
موجودہ انتخاب:
हबक्कूक 1: BGC
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.