दानिय्येल 10
10
गौरवशाली माणस का दर्शन
1फारस देश के राजा कुस्रू के राज्य के तीसरे साल म्ह दानिय्येल पै, जो बेलतशस्सर भी कुह्वावै सै, एक बात प्रगट करी गई। अर वो बात सच थी के बड़ा युद्ध होवैगा। उसनै इस बात ताहीं जाण लिया, अर उसनै इस देखी होई बात की समझ आगी।
2उन दिनां म्ह, मै दानिय्येल, तीन हफ्त्या ताहीं शोक करदा रह्या#10:2 दानिय्येल, तीन हफ्त्या ताहीं शोक करदा रह्या मै खुद नै पीड़ित कर रह्या था। यानिके उसनै इस बखत नै एक असामान्य उपवास का बखत राख्या, वो दुखी अर बेचैन था। । 3उन तीन हफ्त्या के पूरे होण तक, मन्नै ना तो स्वाद खाणा खाया अर ना माँस या दाखमधु अपणे मुँह म्ह राख्या, अर ना अपणे शरीर म्ह कुछ भी तेल लगाया। 4फेर साल के पैहल्ड़े महीनै के चौबीसवें दिन म्ह जिब मै हिद्देकेल नाम नदी कै किनारे पै था, 5फेर मन्नै आँख ठाकै देख्या, के सण का कपड़े पैहरे होए, अर ऊफाज देश के कुन्दन तै कमर बाँधे होए एक माणस खड्या सै। 6उसका शरीर फीरोजा की तरियां, उसका मुँह बिजळी की तरियां, उसकी आँख्यां जळदे होए दीपक की तरियां, उसकी बांह अर पैर चमकदे होए पीतळ के जिस्से, अर उसके वचनां के शब्द भीड़ के शब्द के जिस्से थे। 7उसनै सिर्फ मन्नै दानिय्येल ए नै देख्या, अर मेरे साथी माणसां नै उसका कुछ भी दर्शन ना होया; पर वो घणाए थरथराण लाग्गे, अर छिपण कै खात्तर भाजगे। 8फेर मै एक्ला रहकै यो अदभुत दर्शन देखदा रह्या, इसतै मेरा बल जान्दा रह्या; मै डर ग्या, अर मेरे म्ह कुछ भी बल ना रह्या। 9तोभी मन्नै उस माणस के वचनां का शब्द सुण्या, अर जिब वो मेरे ताहीं सुण पड्या फेर मै मुँह के बल गिर ग्या अर गहरी नींद म्ह धरती पै औंधे मुँह पड्या रह्या।
फारस अर यूनान कै बारै म्ह भविष्यद्वाणियाँ
10फेर किसे नै अपणे हाथ तै मेरी देह नै छुया, अर मेरे ताहीं ठाकै घुटन्या अर हथेळियां कै बल थरथरान्दे होए बैठा दिया। 11फेर उसनै मेरे ताहीं कह्या, “हे दानिय्येल, हे घणे खास माणस, जो वचन मै तेरै तै कहूँ सूं उसनै समझ ले, अर सीध्धा खड्या हो, क्यूँके मै इब्बे तेरे धोरै भेज्या गया सूं।” जिब उसनै मेरे ताहीं या बात कह्या, फेर मै खड्या तो होग्या पर थरथरान्दा रह्या। 12फेर उसनै मेरे ताहीं कह्या, “हे दानिय्येल, ना डर, क्यूँके पैहले ए दिन नै जिब तन्नै समझण-बूझण कै खात्तर मन लगाया अर अपणे परमेसवर के स्याम्ही अपणे आप नै दीन करया, उसी दिन तेरे वचन सुणे गये, अर मै तेरी प्रार्थना कै कारण आ ग्या सूं। 13फारस के राज्य का प्रधान इक्कीस दिन ताहीं मेरा सामना करदा रह्या; पर मीकाएल जो खास प्रधानां म्ह तै सै, वो मेरी मदद कै खात्तर आया, इस कारण मै फारस के राजायां के धोरै रह्या, 14अर इब मै तेरे ताहीं समझाण आया सूं, के आखरी कै दिनां म्ह तेरे माणसां की के हालत होवैगी। क्यूँके जो दर्शन तन्नै देख्या सै, वो कुछ दिनां कै बाद पूरा होवैगा।”
15जिब वो माणस मेरे ताहीं इसी बात कर चुक्या, फेर मन्नै धरती की ओड़ मुँह करया अर चुप रहग्या। 16फेर सुर्गदूत की सन्तान की तरियां किसी नै मेरे होठ छुए, अर मै मुँह खोलकै बोलण लाग्या। अर जो मेरे स्याम्ही खड्या था, उसतै मन्नै कह्या, “हे मेरे प्रभु, दर्शन की बात्तां कै कारण मेरे म्ह पीड़ा-सी उठी, अर मेरे म्ह कुछ भी बल न्ही रह्या। 17इस करकै प्रभु का दास, अपणे प्रभु के गैल किस तरियां बात कर सकै सै? क्यूँके मेरी देह म्ह ना तो कुछ बल रह्या, अर ना कुछ साँस ए रह गई#10:17 ना कुछ साँस ए रह गई यानिके वो पूरी तरियां हार कै धराशायी था। वो परमेसवर के धोरै तै आणआळे के स्याम्ही बोलण लायक न्ही था।।”
18फेर माणस की तरियां किसी नै मेरे ताहीं छूकै फेर मेरी हिम्मत बँधाई। 19अर उसनै कह्या, “हे प्यारे माणस, ना डर, तेरे ताहीं शान्ति मिलै; तू मजबूत हो अर तेरी हिम्मत बणी रहवै।” जिब उसनै यो कह्या, फेर मन्नै हिम्मत बाँधकै कह्या, “हे मेरे प्रभु, इब कह, क्यूँके तन्नै मेरी हिम्मत बँधाई सै।#10:19 यशा. 41:10” 20फेर उसनै कह्या, “के तू जाणै सै के मै किस कारण तेरे धोरै आया सूं? इब मै फारस के प्रधान#10:20 फारस की रक्षा करण आळा सुर्गदूत तै लड़ण नै बोहडुंगा; अर जिब मै लिकड़ुंगा, फेर यूनान का प्रधान आवैगा#10:20 यूनान की रक्षा करण आळा सुर्गदूत। 21अर जो कुछ सच्ची बात्तां तै भरी होई किताब म्ह लिख्या होया सै, वो मै तेरे ताहीं बताऊँ सूं; उन प्रधानां के बिरुध्द, थारे प्रधान मीकाएल#10:21 इस्राएल की रक्षा करण आळा सुर्गदूत नै छोड़, मेरे गैल पक्का रहण आळा अर कोए भी न्ही सै।”
موجودہ انتخاب:
दानिय्येल 10: BGC
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.