Israelfɔ Ɩlʋ 149
149
Aha Ánɩ́ Bʋtamakpa Mʋ Ɔma Numnyam
1Mlɩkanfʋ Nana Bulu!
Mlɩwa ɩlʋ pɔpwɛ ha mʋ,
amlɩkanfʋ mʋ aha ánɩ́ bʋtamakpa mʋ ɔma ɔpasuatɔ.
2Israelfɔ, ɩwɩ ɩsankɩ mlɩ mlɩ Ɔbwɛpʋ ɩwɩ.
Sionfɔ, mlɩnya mlɩ Owie ɩwɩ ansigyi.
3Mlɩtsa, amlɩda nsankuo ɔtsantsan.
Mlɩwa ɩlʋ, amlɩkpɩnkɩ akatsa kanfʋ mʋ ɩda.
4Tsufɛ Nana Bulu ansɩ tegyi mʋ aha ɩwɩ.
Ɔtɔpʋ nkpahɔ dɩda ɩwɩasɩ abapʋ.
5Mlɩá mlɩtamakpa mʋ ɔma, mlɩnya ansigyi,
tsufɛ alawa mlɩ numnyam.
Mlɩwa ansigyi ɩlʋ mlɩ ɔklansʋ.
6Bulu-kanfʋ ɩhɩɛ dɩnka mlɩ ɔnɔsʋ,
ɔdayi ɩya anyɔ itsia mlɩ ɩbɩtɔ,
7mɛnɩ mlɔ́pʋka ɔmá-ɔmá ɩkɔ,
bɩtɩ aha ɩsʋ.
8Mlɔ́wa amʋ́ awie kplakitsi,
wa amʋ́ aha ánɩ́ numnyam bʋ amʋ́sʋ datɔ-ɩkan.
9Mlɔ́pʋ asʋn ánɩ́ bɔwanlɩn tswɩ bɩtɩ amʋ́ ɩsʋ.
Ɩnɩgyi aha ánɩ́ bʋtamakpa mʋ ɔma fɛ́ɛ́ numnyam nɩ.
Mlɩkanfʋ Nana Bulu!
موجودہ انتخاب:
Israelfɔ Ɩlʋ 149: nko
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation