2 Watesalonike 2
2
Nsiku ya kuuja kwa Ḅwana ntaidzafika
1Wandugu, hunatsaka kumuimusya zaid̯i dzuu ya kuuja yupfii kwa Ḅwana jwehu Yesu *Kirist̯o na kutsanganika kwehu kuwa pfamodza nae. Hunamuyomba 2mutseewa wapesi wa kugija vyuuwo vya kumwaarya mat̯aro yenu ambu vya kumuhusya kwamba, Nsiku ya kuuja kwa Ḅwana jwehu Yesu isakufika iiḍe. Na hat̯a kukidza muntu, akidzaakyamba kaviyangwa ni huyu Ruhu, ambu huvimusumwiiya, ambu humworea ḅaruwa dzuu ya hiḍi hiḍi dzambo, namutsemuhikiza. 3Muntu natsemuḍyuurisa kwa njia iḍeyonse! Maanaye hiyo Nsiku ya kuuja kwa Ḅwana isidzafika, nguzi d̯ura wantu wenji wadzayatsa kumuvunzia nkuhi Muungu. Kisa kudzat̯upuka muntu muzuka adzeyedziza kuuḅa sharia iḍeyonse. Jeje ni muntu jwa kwamba kadzangizwa mohoni. 4Anadzikuzya na kumukufuru Muungu, akiwasharut̯isa na wantu kutsamuyomba Muungu wala miungu ingine iḍeyonse. Ananjia humu Hekaluni mwa Muungu, anadziweka dza Muungu na kuwamba wantu jeje ni Muungu.
5Munakumbuka kwamba nipfokuwa huko huko kwenu, haya haya niyamwambia. Sivyo? 6Na pia, mumanya chichokumuvingirani huyu muntu muzuka eyenamupfinga Muungu atset̯upuka hi hii saasambi. Jeje ngeraye ikifika, Muungu anamuyanganya. 7Hat̯a hivi hivi haya mananzi ya huyu huyu muntu muzuka yesakuḍabva kisiri-siri kuwahendeza wantu wadzize kumut̯ii Muungu. Ela hi hii saasambi yakuvunzwani nguvu, na yanagija kuvunzwa nguvu hat̯a ngera ya huyu eyekuyavunzani nguvu adzepfonujwa. 8Kisa rhefu, ndipfo pfa huyu muntu muzuka adzepfot̯upuka. Ela Ḅwana jwehu Yesu adzepfokudza, anamuyaga huyu muntu muzuka na chuuwo t̯u. Anamunanga-nanga na maremboye makuu. 9Huyu muntu muzuka akidza, anakudza na uwezo wa Shaat̯ani, wa kuhenda mambo makuu na mafara ya kumakisa, na vihambwiizo vya kukulakula wantu. 10Anakudza na kula aina ya makulekule, awakulekule hawaḍe weokwaarani wadzeohukumigwa. Wakwaarani kwa dzambo ḍya kwamba waidziza hi hachi ya kwamba indeweza kuwapfonya. 11D̯ubva Muungu nae anawahendeza wakulwekulwe viwi muno, wapate kuhikiza mambo ya nsuwe. 12Na kwa dzambo ḍya kwamba waidziza hi hachi, na wanaona kwamba ni urembo kuhenda nabvise, Muungu kadzawahukumu wonse.
Nywinywi Muungu kamutsana amupfonye
13Nywinywi wandugu mwiwo watsakwa wa Ḅwana, hunatsaka kumwambia ya kwamba, swiswi hunamala kumuyaviza ḍuḍa Muungu kut̯wa kwa dzambo ḍyenu. Muungu kamutsana hangu ḍabvu#2:13 Haya matsoro ya Kiyunani yanaweza kuwa na maana ya kwamba: Muungu kamutsana muweze kuwa kahi ya hawaḍe wantu wa d̯ura wa kupfonywa. ili aweze kumupfonya kuchiiya na kwa kudhereswa ni Ruhu Mudheru na kwa kuihikiza hi hachi. 14Muungu kamuhana kuchiiya na kwa hi Injili humusumwiiyeyo, mupate kunjia maremboni mwa Ḅwana jwehu Yesu Kirist̯o. 15D̯ubva wandugu, yagijeni na nguvu haya mayongweezo humuyongweezeyeyo hwipfokuwa huko kwenu na hayaḍe huyamworeeyo ḅaruwani.
16-17Swiswi hwakumuyombeani kwamba, Ḅwana jwehu Yesu Kirist̯o na Muungu Baba jwehu wamungize mojo na kumumpa nguvu, mugije kunena na kuhenda mema. Koro kwa dzambo ḍya kwamba Muungu kahutsaka, kahufwiya t̯ei isiyosia na kahupfa madzikwat̯yo mema ya kudzaishi nae.
موجودہ انتخاب:
2 Watesalonike 2: pkb
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2004, Bible Translation and Literacy
2 Watesalonike 2
2
Nsiku ya kuuja kwa Ḅwana ntaidzafika
1Wandugu, hunatsaka kumuimusya zaid̯i dzuu ya kuuja yupfii kwa Ḅwana jwehu Yesu *Kirist̯o na kutsanganika kwehu kuwa pfamodza nae. Hunamuyomba 2mutseewa wapesi wa kugija vyuuwo vya kumwaarya mat̯aro yenu ambu vya kumuhusya kwamba, Nsiku ya kuuja kwa Ḅwana jwehu Yesu isakufika iiḍe. Na hat̯a kukidza muntu, akidzaakyamba kaviyangwa ni huyu Ruhu, ambu huvimusumwiiya, ambu humworea ḅaruwa dzuu ya hiḍi hiḍi dzambo, namutsemuhikiza. 3Muntu natsemuḍyuurisa kwa njia iḍeyonse! Maanaye hiyo Nsiku ya kuuja kwa Ḅwana isidzafika, nguzi d̯ura wantu wenji wadzayatsa kumuvunzia nkuhi Muungu. Kisa kudzat̯upuka muntu muzuka adzeyedziza kuuḅa sharia iḍeyonse. Jeje ni muntu jwa kwamba kadzangizwa mohoni. 4Anadzikuzya na kumukufuru Muungu, akiwasharut̯isa na wantu kutsamuyomba Muungu wala miungu ingine iḍeyonse. Ananjia humu Hekaluni mwa Muungu, anadziweka dza Muungu na kuwamba wantu jeje ni Muungu.
5Munakumbuka kwamba nipfokuwa huko huko kwenu, haya haya niyamwambia. Sivyo? 6Na pia, mumanya chichokumuvingirani huyu muntu muzuka eyenamupfinga Muungu atset̯upuka hi hii saasambi. Jeje ngeraye ikifika, Muungu anamuyanganya. 7Hat̯a hivi hivi haya mananzi ya huyu huyu muntu muzuka yesakuḍabva kisiri-siri kuwahendeza wantu wadzize kumut̯ii Muungu. Ela hi hii saasambi yakuvunzwani nguvu, na yanagija kuvunzwa nguvu hat̯a ngera ya huyu eyekuyavunzani nguvu adzepfonujwa. 8Kisa rhefu, ndipfo pfa huyu muntu muzuka adzepfot̯upuka. Ela Ḅwana jwehu Yesu adzepfokudza, anamuyaga huyu muntu muzuka na chuuwo t̯u. Anamunanga-nanga na maremboye makuu. 9Huyu muntu muzuka akidza, anakudza na uwezo wa Shaat̯ani, wa kuhenda mambo makuu na mafara ya kumakisa, na vihambwiizo vya kukulakula wantu. 10Anakudza na kula aina ya makulekule, awakulekule hawaḍe weokwaarani wadzeohukumigwa. Wakwaarani kwa dzambo ḍya kwamba waidziza hi hachi ya kwamba indeweza kuwapfonya. 11D̯ubva Muungu nae anawahendeza wakulwekulwe viwi muno, wapate kuhikiza mambo ya nsuwe. 12Na kwa dzambo ḍya kwamba waidziza hi hachi, na wanaona kwamba ni urembo kuhenda nabvise, Muungu kadzawahukumu wonse.
Nywinywi Muungu kamutsana amupfonye
13Nywinywi wandugu mwiwo watsakwa wa Ḅwana, hunatsaka kumwambia ya kwamba, swiswi hunamala kumuyaviza ḍuḍa Muungu kut̯wa kwa dzambo ḍyenu. Muungu kamutsana hangu ḍabvu#2:13 Haya matsoro ya Kiyunani yanaweza kuwa na maana ya kwamba: Muungu kamutsana muweze kuwa kahi ya hawaḍe wantu wa d̯ura wa kupfonywa. ili aweze kumupfonya kuchiiya na kwa kudhereswa ni Ruhu Mudheru na kwa kuihikiza hi hachi. 14Muungu kamuhana kuchiiya na kwa hi Injili humusumwiiyeyo, mupate kunjia maremboni mwa Ḅwana jwehu Yesu Kirist̯o. 15D̯ubva wandugu, yagijeni na nguvu haya mayongweezo humuyongweezeyeyo hwipfokuwa huko kwenu na hayaḍe huyamworeeyo ḅaruwani.
16-17Swiswi hwakumuyombeani kwamba, Ḅwana jwehu Yesu Kirist̯o na Muungu Baba jwehu wamungize mojo na kumumpa nguvu, mugije kunena na kuhenda mema. Koro kwa dzambo ḍya kwamba Muungu kahutsaka, kahufwiya t̯ei isiyosia na kahupfa madzikwat̯yo mema ya kudzaishi nae.
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2004, Bible Translation and Literacy