2 Watesalonike 1
1
1Mimi Paulo, pfamodza na Sila na Timoteo, hwakumworeani nywinywi wantu wa tsanganiko ḍya Muungu Baba na Ḅwana jwehu Yesu *Kirist̯o, ḍiḍyo Tesalonike.
2Muungu Baba na Ḅwana jwehu Yesu Kirist̯o nawamuvodhye na kumumpa naghea nto.
Hukumu ya Muungu idzeyokudza
3Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i. 4Ndiyo maana naswi, hunadziona nanywi kwa wantu wa matsanganiko yangine ya Muungu. Hunakaa hukiwasumwiiya namuna mugijiyevyo kumuserefat̯a Muungu na kuit̯isa, hat̯a ingawa mwakukuntiswani d̯ina muno kwa dzambo ḍya faro yenu. 5Wantu wadzaona tswee kwamba, Muungu anamuhukumu kula muntu dza evyonamala. Nywinywi hi saasambi mwakufwani kuit̯isa mad̯inani kwa dzambo ḍya hu Uhaju wa Muungu. Na kwa dzambo ḍyevyohivyo, Muungu nae anamut̯ala kuwa wantu mwiwonamala kuunjia uhajuwe. 6Na kwa kwamba Muungu si Muungu eyenanyima muntu hachiye, jeje kadzawaipfisa na mad̯ina hawaḍe wonse weokumukuntisani d̯ina nywinywi. 7Makisa swiswi nanywi kadzazihunwiiya hizi hizi d̯ina na hunapata kusoha. Haya yadzahendeka ngera za Ḅwana jwehu Yesu adzepfot̯upuka kuyawa mbinguni. Jeje na malaikawe wenye nguvu, wadzasuka kuyawa dzuu 8wakiwa waringwa ni maḅiliḅili ya moho. Kadzawahukumu hawaḍe wonse wasiomumanya Muungu na weonayadziza haya *Maagu Mema ya Ḅwana jwehu Yesu. 9Wadzahukumigwa hukumu isiyosia wakit̯anywa kuye na Ḅwana na maremboye makuu. 10Haya yanahendeka nsiku ya Ḅwana adzeyokudza, kudzayanga maremboye kwa wantuwe wamuhikiziyeo. Wao wadzamumakia na kumushad̯a kwa dzambo ḍya maremboye. Nanywi pia mudzamushad̯a hiyo hiyo nsiku kwa kwamba muyahikiza haya huyamusumwiiyeyo dzuuye.
11D̯ubva naswi, hunamuyombea kwa Muungu kut̯wa, apate kumuhwaa dza wantu muishiyeo haya maisha amuhaniiyeyo muishi. Na pia, hunamuyombea ili Muungu kwa nguvuze amuwezese kuhenda kula dzema mwiḍyonatsaka kuhenda kwa dzambo ḍya kumuserefat̯a Ḅwana Yesu. 12Hunamuyombea ili kwamba, muḍihendeze sari ḍya Ḅwana jwehu Yesu ḍishad̯we na kukuzwa, nanywi pia mupate kushad̯wa kwa dzamboḍye. Na haya yonse yanawezekana kwa t̯ei ya Muungu na Ḅwana jwehu Yesu Kirist̯o.
موجودہ انتخاب:
2 Watesalonike 1: pkb
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2004, Bible Translation and Literacy
2 Watesalonike 1
1
1Mimi Paulo, pfamodza na Sila na Timoteo, hwakumworeani nywinywi wantu wa tsanganiko ḍya Muungu Baba na Ḅwana jwehu Yesu *Kirist̯o, ḍiḍyo Tesalonike.
2Muungu Baba na Ḅwana jwehu Yesu Kirist̯o nawamuvodhye na kumumpa naghea nto.
Hukumu ya Muungu idzeyokudza
3Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i. 4Ndiyo maana naswi, hunadziona nanywi kwa wantu wa matsanganiko yangine ya Muungu. Hunakaa hukiwasumwiiya namuna mugijiyevyo kumuserefat̯a Muungu na kuit̯isa, hat̯a ingawa mwakukuntiswani d̯ina muno kwa dzambo ḍya faro yenu. 5Wantu wadzaona tswee kwamba, Muungu anamuhukumu kula muntu dza evyonamala. Nywinywi hi saasambi mwakufwani kuit̯isa mad̯inani kwa dzambo ḍya hu Uhaju wa Muungu. Na kwa dzambo ḍyevyohivyo, Muungu nae anamut̯ala kuwa wantu mwiwonamala kuunjia uhajuwe. 6Na kwa kwamba Muungu si Muungu eyenanyima muntu hachiye, jeje kadzawaipfisa na mad̯ina hawaḍe wonse weokumukuntisani d̯ina nywinywi. 7Makisa swiswi nanywi kadzazihunwiiya hizi hizi d̯ina na hunapata kusoha. Haya yadzahendeka ngera za Ḅwana jwehu Yesu adzepfot̯upuka kuyawa mbinguni. Jeje na malaikawe wenye nguvu, wadzasuka kuyawa dzuu 8wakiwa waringwa ni maḅiliḅili ya moho. Kadzawahukumu hawaḍe wonse wasiomumanya Muungu na weonayadziza haya *Maagu Mema ya Ḅwana jwehu Yesu. 9Wadzahukumigwa hukumu isiyosia wakit̯anywa kuye na Ḅwana na maremboye makuu. 10Haya yanahendeka nsiku ya Ḅwana adzeyokudza, kudzayanga maremboye kwa wantuwe wamuhikiziyeo. Wao wadzamumakia na kumushad̯a kwa dzambo ḍya maremboye. Nanywi pia mudzamushad̯a hiyo hiyo nsiku kwa kwamba muyahikiza haya huyamusumwiiyeyo dzuuye.
11D̯ubva naswi, hunamuyombea kwa Muungu kut̯wa, apate kumuhwaa dza wantu muishiyeo haya maisha amuhaniiyeyo muishi. Na pia, hunamuyombea ili Muungu kwa nguvuze amuwezese kuhenda kula dzema mwiḍyonatsaka kuhenda kwa dzambo ḍya kumuserefat̯a Ḅwana Yesu. 12Hunamuyombea ili kwamba, muḍihendeze sari ḍya Ḅwana jwehu Yesu ḍishad̯we na kukuzwa, nanywi pia mupate kushad̯wa kwa dzamboḍye. Na haya yonse yanawezekana kwa t̯ei ya Muungu na Ḅwana jwehu Yesu Kirist̯o.
موجودہ انتخاب:
:
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© 2004, Bible Translation and Literacy