ᕒᐅᒪᓇ 11
11
1 #
ᐱᓬᐃᐱᔭᓇ 3:5
ᓂᐟ ᐃᑖᐧᐣ ᒫᑲ, ᑭ ᐁᐧᐱᓀᐤ ᒋ ᑭᓭᒪᓂᑐ ᐅᐟ ᐊᔨᓯᔨᓂᒪ? ᓇᒪᐃᐧᔭ ᑭᑕ ᑭ ᐃᐦᑭᐣ. ᒋᑫᒫ ᓂᔭ ᒥᓇ ᓂᐟ ᐃᐢᕒᐁᐃᓬ ᐊᔨᓯᔨᓂᐃᐧᐣ, ᐅᐟ ᐊᐋᐧᓯᒥᓴ ᐁᑊᕒᐁᐋᒼ ᐅᐦᒋ, ᐅ ᐱᐢᑭᑐᑌᐃᐧᓯᐃᐧᐣ ᐯᐣᒋᒥᐣ ᐅᐦᒋ. 2ᓇᒪᐃᐧᔭ ᐅᐦᒋ ᐁᐧᐱᓀᐤ ᑭᓭᒪᓂᑐ ᐅᐟ ᐃᔨᓂᒪ ᑳ ᑭ ᓂᑳᓂᑭᐢᑫᔨᒫᐟ. ᐊᐦᐳ ᓇᒪ ᒋ ᑭ ᑭᐢᑫᔨᑌᓈᐋᐧᐤ ᑭᐦᒋ ᒪᓯᓇᐦᐃᑫᐃᐧᓂᕽ ᑳ ᐃᑎᐦᐟ ᐃᓬᐋᐃᒐ? ᑳ ᑭ ᐃᓯ ᑲᑭᓯᒧᑐᑕᐋᐧᐟ ᑭᓭᒪᓂᑐᐊᐧ ᐃᐢᕒᐁᐃᓬᐊ ᐅᐦᒋ, 3#1 ᑭᐦᒋ ᐅᑭᒫᐊᐧᐠ 19:10,14ᑌᐯᔨᐦᒋᑫᔭᐣ, ᑭ ᓂᐸᐁᐊᐧᐠ ᑯᑭᐢᑭᐁᐧᐦᐃᑫᒪ, ᑭ ᑲᐃᐧᒧᓇᑎᑳᑕᒪᐧᐠ ᑭ ᐸᑭᑎᓈᓱᐃᐧᓈᐱᐢᑲᐧ: ᐁᑯᓯ ᓂ ᐯᔭᑯ ᐃᐢᑯᐃᑲᐃᐧᐣ, ᓇᑐᓇᒪᐧᐠ ᒫᑲ ᓂᔭ ᓂ ᐱᒫᑎᓯᐃᐧᐣ. 4#1 ᑭᐦᒋ ᐅᑭᒫᐊᐧᐠ 19:18ᑖᓂᓯ ᒫᑲ ᐁᓯ ᓇᐢᑫᐧᐊᐧᓯᒥᑯᐟ ᑭᓭᒪᓂᑐᐊᐧ? ᓂ ᑭ ᐃᐢᑯᓇᒫᓱᐣ ᑌᐸᑯᐹᐧᐤ ᑭᐦᒋ ᒥᑖᑕᐦᑐᒥᑕᓇᐤ ᐊᔨᓯᔨᓂᐊᐧᐠ, ᐁᑳ ᑳ ᑭ ᐅᐦᒋ ᐅᒋᐦᒋᑲᐧᓂᐢᑕᐋᐧᒋᐠ ᐯᐊᓬᐊ. 5ᐁᑯᓯ ᐃᓯ ᒫᑲ ᐊᓄᐦᐨ ᒣᑳᐧᐨ ᒥᓇ ᐊᔮᐊᐧᐠ ᐁ ᐃᐢᑯᓂᐦᒋᐠ ᐁ ᐃᑕᐢᑌ ᑭᓭᐊᐧᑎᓯᐃᐧᓂ ᐊᐧᐁᐧᔦᔨᒋᑫᐃᐧᐣ. 6ᒫᑲ ᑭᐢᐱᐣ ᑭᓭᐋᐧᑎᓯᐃᐧᐣ ᐅᐦᒋ, ᓇᒪᐃᐧᔭ ᒥᓇ ᐊᑐᐢᑫᐃᐧᓇ ᐅᐦᒋ: ᑭᐢᐱᐣ ᐁᑯᓯ, ᑭᓭᐋᐧᑎᓯᐃᐧᐣ ᓇᒪᔦᐤ ᑭᓭᐋᐧᑎᓯᐃᐧᐣ. 7ᑫᑲᐧᐩ ᒫᑲ? ᐊᓂᒪ ᐃᐢᕒᐁᐃᓬ ᑳ ᓇᑐᓇᕽ ᓇᒪᐃᐧᔮ ᑭ ᒥᐢᑲᒼ; ᒫᑲ ᐊᐧᐁᐧᔦᔨᒫᑲᓇᐠ ᑭ ᒥᐢᑲᒪᐧᐠ, ᒫᑲ ᐊᓂᑭ ᑯᑕᑲᐠ ᓇᒪᐃᐧᔭ ᑭ ᓴᐃᐧᐢᑳᑲᐧᐠ: 8#ᑎᔪᑕᕒᐊᓇᒥ 29:4; ᐊᐩᓵᔭ 29:10ᑖᐱᐢᑯᐨ ᑳ ᐃᑕᓯᓇᐦᐃᑳᑌᐠ, ᑭᓭᒪᓂᑐᐊᐧ ᑭ ᒥᔨᑲᐧᐠ ᓂᐹᐃᐧ ᐊᐦᒑᐦᑲᐧ, ᒥᐢᑭᓯᑲᐧ ᐁᑳ ᑭᑕ ᐋᐧᐸᐦᑕᐦᑭᐠ, ᒥᓇ ᒥᑕᐊᐧᑲᔭ ᐁᑳ ᑭᑕ ᐯᐦᑕᐦᑭᐠ ᐱᔨᐢ ᐊᓄᐦᐨ ᑳ ᑭᓯᑳᐠ. 9#ᓂᑲᒧᓇ 69:22,23ᑌᐱᐟ ᒥᓇ ᐃᑌᐧᐤ, ᑭᔮᒼ ᐅ ᒥᒋᓱᐃᐧᓈᑎᑯᐋᐧᐤ ᑭᑕ ᓇᑳᐧᑎᑲᐧᐠ, ᒥᓇ ᑭᑕ ᑕᓱᓱᐊᐧᐠ, ᒥᓇ ᑭᑕ ᐱᓱᑫᓯᓇᐧᐠ, ᒥᓇ ᑳᐃᐧ ᑭᑕ ᑎᐸᐦᐊᒫᑯᐃᐧᓯᒋᐠ: 10ᑭᔮᒼ ᐅᐢᑭᓯᑯᐊᐧᐊᐧ ᑭᑕ ᐊᐧᓂᑎᐱᐢᑭᑖᐋᐧᐣ, ᐁᑳ ᑭᑕ ᐋᐧᐸᐦᑕᐦᑭᐠ, ᒥᓇ ᓇᐊᐧᑭᐢᑯᔨᐠ ᒧᓴᐠ. 11ᓂᐟ ᐃᑖᐧᐣ ᒫᑲ, ᑭ ᐱᓱᑫᓯᓇᐧᐠ ᒋ ᑭᑕ ᐸᐦᑭᓯᐦᑭᐠ? ᓇᒪᐃᐧᔭ ᑭᑕ ᑭ ᐃᐦᑭᐣ: ᒫᑲ ᐅ ᐱᓱᐊᒫᐃᐧᓂᐋᐧᐤ ᐅᐦᒋ ᐱᒫᒋᐦᐅᐃᐧᐣ ᐅᑎᐦᑎᑲᐧᐠ ᒉᐣᑕᐃᓬᐊ, ᑭᑕ ᐃᓴᐋᐧᓇᑫᔨᒧᐃᑯᒋᐠ. 12ᑭᐢᐱᐣ ᒫᑲ ᐁ ᐸᐦᑭᓯᐦᑭᐠ ᐁᑯᑕ ᐅᐦᒋ ᐁᐧᔪᑎᓯᐃᐧᐣ ᐊᔮᐤ ᐊᐢᑭᕽ, ᒥᓇ ᐅ ᐊᐧᓂᒋᑫᐃᐧᓂᐋᐧᐤ ᐅᐦᒋ ᐁᐧᔪᑎᓯᐊᐧᐠ ᒉᐣᑕᐃᓬᐊᐠ ᑖᓂᔨᑯᕽ ᐋᐧᐃᐧᐢ ᐋᐊᐧᓯᒣ ᐅ ᒫᒪᐁᐧᔭᑎᐃᐧᓂᐋᐧᐤ?
13ᑭᔭᐋᐧᐤ ᒫᑲ ᑳ ᐃᑎᑕᑯᐠ ᑳ ᒉᐣᑕᐃᓬᐃᐃᐧᔦᐠ. ᒋᑫᒫ ᓂᔭ ᐁ ᐅᐟ ᐊᐹᐢᑎᓬᐃᒥᒋᐠ ᒉᐣᑕᐃᓬᐊᐠ, ᓂ ᑭᐢᑌᔨᑖᑯᑖᐣ ᓂᐟ ᐊᑐᐢᑫᐃᐧᐣ: 14ᑭᐢᐱᐣ ᓈᐣᑕᐤ ᐃᓯ ᑭ ᓯᑭᐢᑲᐊᐧᑭᐠ ᐃᓴᐋᐧᓇᑫᔨᒧᐃᐧᓂᕽ ᐊᓂᑭ ᑳ ᐃᐧᒋᐃᐧᔮᓯᒪᑭᐠ, ᒥᓇ ᐋᑎᐦᐟ ᑭᑕ ᑭ ᐱᒫᒋᐊᑭᐠ. 15ᒋᑫᒫ ᑭᐢᐱᐣ ᐁ ᐁᐧᐱᓂᐦᒋᐠ ᐁᑯᑕ ᐅᐦᒋ ᐋᐧᑯᐋᐧᒋᑖᓂᐊᐧᐣ ᐊᐢᑭ, ᑖᓂᓯ ᐋᐧᐃᐧᐢ ᑫ ᐃᑭᕽ ᐅᑎᓂᐦᑖᐧᐃᐧ, ᐱᑯ ᐱᒫᑎᓯᐃᐧᐣ ᓂᐳᐃᐧᓂᕽ ᐅᐦᒋ? 16ᑭᐢᐱᐣ ᒫᑲ ᓂᐢᑕᒼ ᐅᐱᑭᒋᑫᐃᐧᐣ ᑲᓈᑕᐣ, ᐁᑯᓯ ᐃᓯ ᒥᓇ ᒫᒪᐃᐧ ᐅᐱᑭᒋᑫᐃᐧᐣ: ᒥᓇ ᑭᐢᐱᐣ ᐁ ᐅᒉᐱᑭᐃᐧᐟ ᑲᓈᑕᐣ, ᐁᑯᓯ ᐃᓯ ᒥᓇ ᐁ ᐸᐢᑫᑎᑲᐧᓇᑭᓯᐟ. 17ᒫᑲ ᑭᐢᐱᐣ ᐋᑎᐦᐟ ᐁ ᐸᐢᑫᑎᑲᐧᓇᑭᓯᐟ ᑳ ᑲᐢᑲᑎᓂᑳᑌᐋᐧᑫᐧ, ᐁᑯᓯ ᑭᔭ ᐁ ᐱᑲᐧᒋ ᓱᒥᓈᑎᑯᐃᐧᔭᐣ, ᑳ ᑭᔨᑲᐃᐧ ᐊᑯᑲᑎᑲᐃᐧᔭᐣ, ᐁᑯᓯ ᐁ ᐃᐧᒋ ᐅᐦᑎᓇᒧᒪᒋᐠ ᐁ ᐃᓯ ᐃᐧᔨᓈᐧᑎᑯᐃᐧᐟ ᐅᒉᐱᑭᕽ ᐅᐦᒋ ᐋᓬᐃᑊ ᒥᓂᓵᑎᐠ; 18ᐁᑳᐃᐧᔭ ᑲᑭᐦᒋᒧᐢᑕ ᐸᐢᑫᑎᑲᐧᓇ: ᒫᑲ ᑭᐢᐱᐣ ᑲᑭᐦᒋᒧᔭᓂ ᓇᒪᐃᐧᔭ ᑭᔭ ᑳ ᐱᒥᑭᑖᔭᐣ ᐅᒉᐱᕽ, ᒫᑲ ᐅᒉᐱᕽ ᑳ ᐱᒥᑭᐃᑯᔭᐣ ᑭᔭ. 19ᑭ ᑲ ᐃᑖᐧᐣ ᒫᑲ, ᐸᐢᑫᑎᑲᐧᓇ ᑭ ᑲᐢᑲᑎᓂᑳᑌᐊᐧ, ᓂᔭ ᑭᑕ ᑖᐸᔨᑲᐃᐧᔮᐣ.
20ᐁᑯᓯ; ᒫᑲ ᐅᐟ ᐋᓀᐧᑕᒧᐃᐧᓂᐋᐧᐤ ᑳ ᑭ ᐅᐦᒋ ᑲᐢᑲᑎᓂᐦᒋᐠ, ᐁᑯᓯ ᑭᔭ ᑭ ᓂᐸᐃᐧᐣ ᑖᐯᐧᔦᔨᑕᒧᐃᐧᐣ ᐅᐦᒋ. ᐁᑳᐃᐧᔭ ᑭᐢᑌᔨᒥᓱ, ᒫᑲ ᐊᐢᑖᓯ: 21ᒋᑫᒫ ᑭᐢᐱᐣ ᑭᓭᒪᓂᑐ ᓇᒪᐃᐧᔭ ᒪᓈᒋᑖᐤ ᑲᔭᑌ ᐸᐢᑫᑎᑲᐧᓇ, ᑭᔭ ᒥᓇ ᓇᒪᐃᐧᔭ ᑭ ᑲ ᒪᓈᒋᐃᐠ. 22ᐋᐧᐸᐦᑕ ᒫᑲ ᐅ ᒥᔮᐧᑎᓯᐃᐧᐣ ᒥᓇ ᐅᐟ ᐋᑳᐧᑎᓯᐃᐧᐣ ᑭᓭᒪᓂᑐ: ᐊᓂᐦᐃ ᑳ ᑭ ᐸᐦᑭᓯᓂᔨᐟ, ᐁ ᐋᑳᐧᑎᓯᐢᑕᐋᐧᐟ; ᒫᑲ ᑭᔭ ᐁ ᐃᓯ ᐋᐧᐸᐦᑕᐃᐢᐠ, ᑭᓭᒪᓂᑐ ᐅ ᒥᔮᐧᑎᓯᐃᐧᐣ, ᑭᐢᐱᐣ ᐅᑎ ᑭ ᑖᐱᑕᐃᐧ ᐊᔮᐣ ᐅ ᒥᔮᐧᑎᓯᐃᐧᓂᕽ: ᑭᐢᐱᐣ ᒫᑲ ᓇᒪᐃᐧᔭ, ᑭᐢᑕ ᑭ ᑲ ᒪᓂᐁᐧᐸᐅᑲᐃᐧᐣ. 23ᐁᑯᓯ ᐃᐧᔭᐋᐧᐤ ᒥᓇ, ᑭᐢᐱᐣ ᐁᑳ ᑕᐦᑭᓀ ᐊᔮᑖᐧᐃᐧ ᐅᐟ ᐋᓀᐧᑕᒧᐃᐧᓂᐋᐧᕽ, ᑭᑕ ᑖᐸᔮᐊᐧᐠ ᒥᓇ: ᒋᑫᒫ ᑭᓭᒪᓂᑐ ᑲᐢᑭᑖᐤ ᒥᓇ ᑭᑕ ᑖᐸᔮᐟ. 24ᒋᑫᒫ ᑭᐢᐱᐣ ᑭᔭ ᐁ ᑭ ᐅᐦᑎᓂᑲᐃᐧᔭᐣ ᐱᑲᐧᒋ ᐋᓬᐃᑊ ᒥᓂᓵᑎᑯᕽ ᑲᔭᑌ ᑳ ᑭ ᐃᓯᐃᑯᐃᐧᓯᐟ, ᐁᑯᓯ ᐁ ᑭ ᒥᐢᑯᑕᔨᑲᐃᐧᔭᐣ ᒥᔪ ᐋᓬᐃᑊ ᒥᓂᓵᑎᑯᕽ ᐁᑳ ᑲᔭᑌ ᐁ ᑭ ᐃᓯᐃᑯᐃᐧᓯᔭᐣ: ᑖᓂᔨᑯᕽ ᐋᐧᐃᐧᐢ ᐅᑭ, ᑲᔭᑌ ᐁᑯᑕ ᑳ ᑭ ᐸᐢᑫᑎᑲᐧᓇᑭᓯᒋᐠ, ᑫ ᑭ ᑖᐸᔨᒋᐠ ᐃᐧᔭᐋᐧᐤ ᐅᐟ ᐋᓬᐃᑊ ᒥᓂᓵᑎᑯᐋᐧᕽ?
25ᒋᑫᒫ ᓇᒪᐃᐧᔭ ᓂ ᓇᑕᐁᐧᔨᑌᐣ, ᓂᒋᐋᐧᒥᑎᐠ ᑭᑕ ᐁᑳ ᑭᐢᑫᔨᑕᒣᐠ ᐅᒪ ᒪᒫᑖᐃᐧ ᑫᑲᐧᐩ, ᑫᑲ ᓈᐣᑕᐤ ᐃᓯ ᐱᑯᓇᑕ ᑭᑕ ᐃᔨᓂᓯᐊᐧᑫᔨᒥᓱᔦᐠ, ᐅᒪ ᐸᑭ ᒪᐢᑲᐃᐧᑌᐁᐃᐧᐣ ᐁ ᐸᑲᒥᐢᑳᑯᒋᐠ ᐃᐢᕒᐁᐃᓬ, ᐃᐢᑯ ᐅ ᒫᒪᐁᐧᔭᑎᐃᐧᓂᐋᐧᐤ ᒉᐣᑕᐃᓬᐊᐠ ᑭᑕ ᐱᐦᑐᑫᒋᐠ; 26#ᐊᐩᓵᔭ 59:20,21ᐁᑯᓯ ᒫᑲ ᑲᐦᑭᔭᐤ ᐃᐢᕒᐁᐃᓬ ᑭᑖ ᐱᒫᒋᐊᐤ: ᑖᐱᐢᑯᐨ ᑳ ᐃᑕᓯᓇᐦᐃᑳᑌᐠ, ᓵᔭᓂᕽ ᑭᑕ ᐯ ᐅᐦᒋᐤ ᐅᐸᐢᐱᐃᐁᐧᐤ; ᐁᐊᐧᑯ ᐅᐦᐱᒣ ᑫ ᐃᑎᓯᓇᒫᐧᐟ ᐅ ᒪᒑᔨᐃᐧᓂᔨᐤ ᒉᑲᐸ: 27#ᐊᐩᓵᔭ 27:9ᐁᐊᐧᑯ ᐅᒪ ᑳ ᐃᓯ ᐊᓱᑕᒪᐊᐧᑭᐠ, ᐃᐢᐱ ᐅᑎᓇᒪᐧᑭ ᐅ ᒪᒋᐃᑎᐃᐧᓂᐋᐧᐊᐧ. 28ᒥᔮᐧᒋᒧᐃᐧᓂᕽ ᐃᓯ, ᐸᑳᐧᑖᐊᐧᐠ ᑭᔭᐋᐧᐤ ᐅᐦᒋ; ᒫᑲ ᐊᐧᐁᐧᔦᔨᒥᐁᐧᐃᐧᓂᕽ ᐃᓯ, ᓵᑭᐦᐋᐊᐧᐠ ᐅᑖᐃᐧᐋᐧᐊᐧ ᐅᐦᒋ. 29ᒋᑫᒫ ᓇᒪᐃᐧᔭ ᐊᓭᐸᔨᐅᐃᐧᐣ ᐃᐦᑕᑲᐧᐣ ᐅ ᒣᑭᐃᐧᓂᕽ ᒥᓇ ᐅ ᓇᑐᑫᒧᐃᐧᓂᕽ ᑭᓭᒪᓂᑐ. 30ᒋᑫᒫ ᑖᐱᐢᑯᐨ ᑭᔭᐋᐧᐤ ᑲᔮᐢ ᑳ ᑭ ᐃᓯ ᐋᓀᐧᑕᐋᐧᔦᐠ ᑭᓭᒪᓂᑐ, ᒫᑲ ᐁᑲᐧ ᑳ ᐃᓯ ᐊᔮᔦᐠ ᑭᓭᐋᐧᑐᑖᑯᐃᐧᐣ ᐅᐟ ᐋᓀᐧᑕᒧᐃᐧᓂᐋᐧᐤ ᐅᐦᒋ, 31ᐁᑯᓯ ᐅᑭ ᒥᓇ ᐃᐧᐢᑕᐋᐧᐤ ᑭ ᐋᓀᐧᑕᐢᑭᐊᐧᐠ, ᐊᓂᒪ ᑭᓭᐋᐧᑎᓯᐃᐧᐣ ᑭᔭᐋᐧᐤ ᑳ ᐋᐧᐸᐦᑕᐃᑲᐃᐧᔦᐠ, ᐃᐧᔭᐋᐧᐤ ᒥᓇ ᐁᑲᐧ ᑭᑕ ᐊᔮᒋᐠ ᑭᓭᐋᐧᑐᑖᑯᐃᐧᐣ. 32ᒋᑫᒫ ᑭᓭᒪᓂᑐ ᑭ ᒫᒪᐊᐧᑭᒣᐤ ᑲᐦᑭᔭᐤ ᐋᓀᐧᑕᒧᐃᐧᓂᕽ, ᑭᑕ ᑭ ᓴᐁᐧᔨᒫᐟ ᑲᐦᑭᔭᐤ.
33 #
ᐊᐩᓵᔭ 55:8
ᐋ ᑖᓂᔨᑯᕽ ᑎᒥᔨᐤ ᐁ ᐃᓯ ᐁᐧᔪᑕᓂᔨᐠ ᐅᐟ ᐃᔨᓂᓯᐃᐧᐣ ᒥᓇ ᐅ ᑭᐢᑫᔨᑕᒧᐃᐧᐣ ᑭᓭᒪᓂᑐ! ᑖᓂᔨᑯᕽ ᐁᑳ ᐊᐃᐧᔭ ᑭᑕ ᑭ ᒥᐢᑲᒥᔨᐟ ᐅᔭᓱᐁᐧᐃᐧᓇ, ᒥᓇ ᐅ ᒣᐢᑲᓇᐊᐧ ᐁᑳ ᐊᐃᐧᔭᐠ ᑭᑕ ᑭ ᒥᐢᑲᐋᐧᑖᐟ! 34#ᐊᐩᓵᔭ 40:13ᒋᑫᒫ ᐊᐁᐧᓇ ᑫᐢᑫᔨᑕᒫᐧᐟ ᐅ ᒥᑐᓀᔨᒋᑫᐃᐧᓂᔨᐤ ᑳ ᑎᐯᔨᐦᒋᑫᔨᐟ? ᐊᐦᐳ ᐊᐁᐧᓂᐦᐃ ᑳ ᐃᐧᒋᐦᐃᑯᐟ ᐅᔭᓱᐁᐧᐃᐧᓂᕽ? 35#ᒍᑊ 41:11ᐊᐦᐳ ᐊᐁᐧᓂᐦᐃ ᐃᐧᔭ ᓂᑳᐣ ᑳ ᒥᔨᑯᐟ, ᐁᑯᓯ ᑳᐃᐧ ᒥᓇ ᑭᑕ ᑎᐸᐦᐊᒫᒥᐦᐟ? 36#1 ᑲᕒᐃᐣᑎᔭᓇ 8:6ᒋᑫᒫ ᐃᐧᔭ ᐅᐦᒋᐸᔨᐊᐧ, ᒥᓇ ᐃᐧᔭ ᐅᐦᒋ, ᒥᓇ ᐃᐧᔭ ᐃᓯ ᐊᔮᐊᐧ ᑲᐦᑭᔭᐤ ᑫᑲᐧᔭ. ᐃᐧᔭ ᒫᑲ ᑭᑕ ᐊᔮᐤ ᑭᐢᑌᔨᑖᑯᓯᐃᐧᐣ ᑳᑭᑫ. ᐋᒣᐣ.
موجودہ انتخاب:
ᕒᐅᒪᓇ 11: KKMs
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This Bible text is a corrected edition of the 1908 Western Cree Bible; it is in the public domain.