ᕒᐅᒪᓇ 10
10
1ᓂᒋᐋᐧᒥᑎᐠ, ᓂᑌᐃᕽ ᐅᐦᒋ ᓂ ᐸᑯᓭᔨᒫᐤ ᒥᓇ ᓂ ᒪᐃᐧᒧᐢᑕᐋᐧᐤ ᑭᓭᒪᓂᑐ ᐁᐊᐧᑯᓂᐠ ᐅᐦᒋ, ᑭᑕ ᑭ ᐱᒫᒋᐦᐅᒋᐠ. 2ᒋᑫᒫ ᓂᐟ ᐋᒋᒫᐊᐧᐠ ᐁ ᐋᑲᒣᔨᒧᐢᑕᒪᐋᐧᒋᐠ ᑭᓭᒪᓂᑐᐊᐧ, ᒫᑲ ᓇᒪᐃᐧᔭ ᑭᐢᑫᔨᑕᒧᐃᐧᓂᕽ ᐃᓯ. 3ᐃᐧᔭ ᐁᑳ ᐁ ᑭᐢᑫᔨᑕᐦᑭᐠ ᑭᓭᒪᓂᑐ ᐅ ᑲᐧᔭᐢᑭᑖᑎᓯᐃᐧᐣ, ᐁ ᓇᑐᓇᑭᐠ ᒫᑲ ᐃᐧᔭᐋᐧᐤ ᑭᑕ ᐋᔮᑕᐢᑖᒋᐠ ᐅ ᑲᐧᔭᐢᑭᑖᑎᓯᐃᐧᓂᐋᐧᐤ, ᓇᒪᐃᐧᔭ ᑭ ᐃᓯ ᐸᑭᑎᓂᓱᐊᐧᐠ ᐅ ᑲᐧᔭᐢᑭᑖᑎᓯᐃᐧᓂᔨᕽ ᑭᓭᒪᓂᑐᐊᐧ. 4ᒋᑫᒫ ᙭ ᐁᐊᐧᑯ ᐁ ᑭᓯᐱ ᐊᔮᐠ ᑲᐧᔭᐢᑭᑖᑎᓯᐃᐧᓂᕽ ᑲᐦᑭᔭᐤ ᐊᐃᐧᔭᐠ ᑳ ᑖᐯᐧᑕᕽ 5#ᓬᐃᐱᑎᑲᐢ 18:5ᐃᐧᔭ ᒧᓯᐢ ᐃᑕᓯᓇᐦᐃᑫᐤ ᐊᓇ ᐊᔨᓯᔨᓂᐤ ᑳ ᐃᑐᑕᕽ ᑲᐧᔭᐢᑭᑖᑎᓯᐃᐧᐣ ᐅᔭᓱᐁᐧᐃᐧᓂᕽ ᑳ ᐊᔮᐠ ᐁᑯᑕ ᑭᑕ ᐅᐦᒋ ᐱᒫᑎᓯᐟ. 6#ᑎᔪᑕᕒᐊᓇᒥ 30:12-14ᒫᑲ ᑲᐧᔭᐢᑭᑖᑎᓯᐃᐧᐣ ᑖᐯᐧᔦᔨᑕᒧᐃᐧᓂᕽ ᑳ ᐅᐦᒋ ᐊᔮᐠ ᐅᒥᓯ ᐃᑌᐧᒪᑲᐣ, ᐁᑳᐃᐧᔭ ᐃᑌᐧ ᑭᑌᐃᕽ, ᐊᐁᐧᓇ ᑫ ᐅᐱᐢᑳᐟ ᑭᐦᒋ ᑭᓯᑯᕽ ᐃᓯ? (ᐁᐊᐧᑯ, ᑭᑕ ᐯ ᔮᓱᑕᐃᐦᐟ ᙭:) 7ᐊᐦᐳ, ᐊᐁᐧᓇ ᑎᒥᔮᕽ ᑫ ᐃᓯ ᔮᓯᐟ? (ᐁᐊᐧᑯ, ᑭᑕ ᐯᓯᐦᐟ ᙭ ᓂᐳᐃᐧᓂᕽ ᐅᐦᒋ.) 8ᒫᑲ ᑖᓂᓯ ᐁᑌᐧᒪᑲᕽ? ᐊᓂᒪ ᐃᑌᐧᐃᐧᐣ ᑭ ᐯᓵᐧᐸᒥᑯᐣ ᑭᑐᓂᕽ, ᒥᓇ ᑭᑌᐃᕽ; ᐁᐊᐧᑳᐧᓂᒪ, ᑖᐯᐧᔦᔨᑕᒧᐃᐧ ᐃᑌᐧᐃᐧᐣ, ᑳ ᑲᑫᐢᑭᒥᐁᐧᔮᕽ: 9ᒋᑫᒫ ᑭᐢᐱᐣ ᐋᒋᒪᒋ ᑭᑐᓂᕽ ᒋᓴᐢ ᐁ ᑎᐯᔨᐦᒋᑫᐟ, ᒥᓇ ᑖᐯᐧᑕᒪᓂ ᑭᑌᐦᐃᕽ ᑭᓭᒪᓂᑐᐊᐧ ᐁ ᑭ ᐊᐧᓂᐢᑳᓂᑯᐟ ᓂᐳᐃᐧᓂᕽ ᐅᐦᒋ, ᑭ ᑲ ᐱᒫᒋᐦᐅᐣ: 10ᒋᑫᒫ ᐅᑌᐦᐃᕽ ᐊᔨᓯᔨᓂᐤ ᑖᐯᐧᑕᒼ ᑲᐧᔭᐢᑭᑖᑎᓯᐃᐧᓂᕽ ᐃᓯ; ᒥᓇ ᐅᑐᓂᕽ ᐅᐦᒋ ᐋᒋᒧ ᐱᒫᒋᐦᐃᐁᐧᐃᐧᓂᕽ ᐃᓯ. 11#ᐊᐩᓵᔭ 28:16ᒋᑫᒫ ᑭᐦᒋ ᒪᓯᓇᐦᐃᑫᐃᐧᐣ ᐃᑌᐧᒪᑲᐣ, ᐱᑯ ᐊᐃᐧᔭᐠ ᑖᐯᐧᑕᐋᐧᒋ ᓇᒪᐃᐧᔭ ᑭᑕ ᓇᓀᐯᐃᐧᐋᐤ. 12ᒋᑫᒫ ᓇᒪᐃᐧᔭ ᐱᑐᐢ ᒍᐤ ᒥᓇ ᑲᕒᐃᐠ: ᐃᐧᔭ ᐯᔭᑯ ᑳ ᑎᐯᔨᐦᒋᑫᐟ ᑲᐦᑭᔭᐤ ᑳ ᑎᐯᔨᒫᐟ, ᒥᓇ ᑳ ᐁᐧᔪᒋ ᒥᔮᐟ ᑲᐦᑭᔭᐤ ᑳ ᒪᐃᐧᒧᐢᑖᑯᐟ: 13#ᒍᐃᓬ 2:32ᒋᑫᒫ, ᐱᑯ ᐊᐃᐧᔭᐠ ᑫ ᒪᐃᐧᒧᐢᑕᒫᐧᐟ ᐅ ᐃᐧᔪᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑭᑕ ᐱᒫᒋᐦᐋᐤ. 14ᑖᓂᓯ ᒫᑲ ᑫ ᑭ ᐃᓯ ᒪᐃᐧᒧᐢᑕᐊᐧᒋᐠ ᐊᓂᐦᐃ ᐁᑳ ᑳ ᑖᐯᐧᑕᐋᐧᒋᐠ? ᒥᓇ ᑖᓂᓯ ᑫ ᑭ ᐃᓯ ᑖᐯᐧᑕᐋᐧᒋᐠ ᐊᐃᐧᔭ ᐁᑳ ᐁ ᑭ ᐅᐦᒋ ᐯᑕᐋᐧᒋᐠ? ᒥᓇ ᑖᓂᓯ ᑫ ᑭ ᐃᓯ ᐯᐦᑕᐦᑭᐠ ᑭᐢᐱᐣ ᐁᑳ ᐊᔮᐋᐧᑖᐧᐃᐧ ᐅᑲᑫᐢᑭᒥᐁᐧᐊᐧ? 15#ᐊᐩᓵᔭ 52:7ᒥᓇ ᑖᓂᓯ ᑫ ᑭ ᐃᓯ ᑲᑫᐢᑭᒥᐁᐧᒋᐠ ᑭᐢᐱᐣ ᐁᑳ ᐃᓯᑎᓴᐦᐅᑖᐧᐃᐧ? ᑖᐱᐢᑯᐨ ᑳ ᐃᑕᓯᓇᐦᐃᑳᑌᐠ, ᑖᓂᔨᑯᕽ ᑲᑕᐊᐧᓯᓯᓂᔨᐊᐧ ᐅᓯᑎᐋᐧᐊᐧ ᐊᓂᑭ ᑳ ᐯᑖᒋᐠ ᐁ ᒥᔮᐧᑐᑖᑲᐧᑭ ᒥᔪ ᑫᑲᐧᔭ!
16 #
ᐊᐩᓵᔭ 53:1
ᒫᑲ ᓇᒪᐃᐧᔭ ᑲᐦᑭᔭᐤ ᑭ ᓇᑐᑕᒪᐧᐠ ᒥᔮᐧᒋᒧᐃᐧᐣ. ᒋᑫᒫ ᐊᐩᓵᔭ ᐃᑌᐧᐤ, ᑌᐯᔨᐦᒋᑫᔭᐣ, ᐊᐁᐧᓇ ᑳ ᑖᐯᐧᑕᕽ ᓂᐟ ᐋᒋᒧᐃᐧᓂᓈᐣ? 17ᐁᑯᓯ ᒫᑲ ᑖᐯᐧᑕᒧᐃᐧᐣ ᐅᐦᒋᐸᔨᐤ ᐁ ᐯᑕᒥᕽ, ᒥᓇ ᐯᑕᒧᐃᐧᐣ ᐅᐟ ᐃᑌᐧᐃᐧᐣ ᐅᐦᒋ ᙭. 18#ᓂᑲᒧᓇ 19:4ᒫᑲ ᓂᐟ ᐃᑖᐧᐣ, ᓇᒪ ᒋ ᑭ ᐅᐦᒋ ᐯᑕᒪᐧᐠ? ᒋᑫᒫ, ᑖᐯᐧ, ᐅ ᐯᐦᑖᑯᓯᐃᐧᓂᐋᐧᐤ ᑭ ᓯᐯᐧᐸᔨᐤ ᒥᓯᐁᐧᐢᑲᒥᐠ, ᒥᓇ ᐅᐟ ᐃᑌᐧᐃᐧᓂᐋᐧᐊᐧ ᐁ ᑳᑭᓯᐸᐢᑲᒥᑳᐠ ᐊᐢᑭ. 19#ᑎᔪᑕᕒᐊᓇᒥ 32:21ᒫᑲ ᓂᐟ ᐃᑖᐧᐣ, ᓇᒪ ᒋ ᐃᐢᕒᐁᐃᓬ ᑭ ᑭᐢᑫᔨᑕᒼ? ᓂᑳᐣ ᒧᓯᐢ ᐃᑌᐧᐤ, ᑭ ᑲ ᐃᓴᐋᐧᓇᑫᔨᒧᐃᑎᓈᐋᐧᐤ ᐊᓂᑭ ᐅᐦᒋ ᐁᑳ ᑳ ᓇᔦᐢᑕᐊᐧᐢᑳᓀᓯᒋᐠ, ᐊᔨᓯᔨᓂᐊᐧᐠ ᐅᐦᒋ ᐁᑳ ᑳ ᐅᓂᓯᑐᑕᒧᐃᐧᓂᒋᐠ ᑭ ᑲ ᑭᓯᐋᐧᐃᑎᓈᐋᐧᐤ. 20#ᐊᐩᓵᔭ 65:1ᐊᐩᓵᔭ ᒫᑲ ᒥᑐᓂ ᓱᑫᔨᒧ, ᒥᓇ ᐃᑌᐧᐤ, ᓂ ᑭ ᒥᐢᑳᑲᐧᐠ ᐊᓂᑭ ᐁᑳ ᑳ ᓇᓈᑐᓇᐃᐧᒋᐠ; ᓂ ᑭ ᐊᑎ ᓂᓯᑕᐃᐧᓈᑲᐧᐠ ᐊᓂᑭ ᐁᑳ ᑳ ᓇᑐᐢᑲᐃᐧᒋᐠ. 21#ᐊᐩᓵᔭ 65:2ᒫᑲ ᐃᐧᔮ ᐃᐢᕒᐁᐃᓬᐊ ᐃᑌᐤ, ᑲᐯᑭᓯᐠ ᓂ ᑭ ᓱᐃᐧᓂᐢᑫᔨᐢᑕᐋᐧᐊᐧᐠ ᐁ ᓴᓯᐱᑕᑭᐠ ᒥᓇ ᐁ ᐋᓀᐧᑕᐢᑭᒋᐠ ᐊᔨᓯᔨᓂᐊᐧᐠ.
موجودہ انتخاب:
ᕒᐅᒪᓇ 10: KKMs
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This Bible text is a corrected edition of the 1908 Western Cree Bible; it is in the public domain.