ᐃᓯᐦᒋᑫᐃᐧᓂᐋᐧᐊᐧ 26
26
1ᐊᐠᕒᐃᐸ ᒫᑲ ᑭ ᐃᑌᐤ ᐹᓬᐊ, ᑭᐟ ᐃᔨᓇᒫᑲᐃᐧᐣ ᑭᑕ ᐱᑭᐢᑫᐧᐢᑕᒫᓱᔭᐣ. ᐁᑲᐧ ᐹᓬ ᑭ ᓱᐃᐧᓂᐢᑫᔨᐤ, ᒥᓇ ᑭ ᐱᑭᐢᑫᐧᐢᑕᒫᓱ:
2ᓂ ᒪᒪᐦᑖᑯᓯᐣ ᑭᐦᒋ ᐅᑭᒫᐤ ᐊᐠᕒᐃᐸ, ᐁ ᐅᑎᐢᑲᐃᐧᑳᐸᐃᐧᐢᑖᑖᐣ ᐊᓄᐦᐨ ᑳ ᑭᓯᑳᐠ ᑭᑕ ᐱᑭᐢᑫᐧᐢᑕᒫᓱᔮᐣ ᑲᐦᑭᔭᐤ ᐊᓂᐦᐃ ᐅᐦᒋ ᑳ ᐊᑖᒥᒥᒋᐠ ᒍᐊᐧᐠ: 3ᐅᓵᒼ ᐅᑎ ᐁ ᓇᑲᒋᑖᔭᐣ ᑲᐦᑭᔭᐤ ᐃᓯᐦᒋᑫᐃᐧᓇ ᒥᓇ ᑲᑫᐧᒋᑐᐃᐧᓇ ᑳ ᐊᔮᒋᐠ ᒍᐊᐧᐠ: ᐁᐊᐧᑯ ᒫᑲ ᐅᐦᒋ ᑭ ᐸᑯᓭᔨᒥᑎᐣ ᓯᐯᔨᑕᒧᐁᐧᓂᕽ ᑭᑕ ᓇᑐᑕᐃᐧᔭᐣ. 4ᑳ ᑭ ᐯ ᐃᓯ ᐱᒫᑎᓯᔮᐣ ᐁ ᐅᐢᑳᑎᓯᔮᐣ ᐅᐦᒋ, ᐃᐧᔭ ᒥᒋᒫᐨ ᐅᐦᒋ ᐁ ᑭ ᐃᐧᒋᐊᔮᒪᑭᐠ ᓂ ᐃᐧᑕᐢᑭᒫᑲᓇᐠ, ᒥᓇ ᒉᕒᐅᓴᓬᐊᒥᕽ, ᑭᐢᑫᔨᑕᒪᐧᐠ ᑲᐦᑭᔭᐤ ᒍᐊᐧᐠ; 5#ᐃᓯᐦᒋᑫᐃᐧᓂᐋᐧᐊᐧ 23:6; ᐱᓬᐃᐱᔭᓇ 3:5ᐁ ᑭ ᑭᐢᑫᔨᒥᒋᐠ ᒥᒋᒫᐨ ᐅᐦᒋ, ᑭᐢᐱᐣ ᐃᐧᔭ ᐃᑌᔨᑕᑲᐧᐃᐧ ᑭᑕ ᐋᒋᒧᒋᐠ, ᐊᓂᑭ ᑳ ᒫᐊᐧᒋ ᐊᔮᑳᐧᒥᓯᒋᐠ ᐅᐱᐢᑭᑎᓯᐊᐧᐠ ᓂᐟ ᐊᔭᒥᐦᐋᐃᐧᓂᓈᕽ, ᐹᕒᐃᓯ ᑳ ᐃᑎᐦᐟ ᐁᑯᓯ ᓂ ᑭ ᐃᓯ ᐱᒫᑎᓯᐣ. 6ᐁᑲᐧ ᒫᑲ ᐅᑕ ᓂ ᓂᐸᐃᐧᐣ ᑭᑕ ᐅᔭᓱᐋᑎᑲᐃᐧᔮᐣ ᐊᓂᒪ ᐅᐦᒋ ᐁ ᐊᐢᐯᔨᒧᕽ ᐊᓱᑕᒫᑫᐃᐧᐣ ᑭᓭᒪᓂᑐ ᑳ ᑭ ᒥᔮᐟ ᓄᑖᐃᐧᓈᓇ; 7ᐁᐊᐧᑯ ᐊᓱᑕᒫᑯᐃᐧᐣ ᒥᑖᑕᐟ ᓂᓱᓵᑊ ᑳ ᐃᑕᑐᑌᐃᐧᓯᔮᕽ, ᐁᔨᑯᑫᐧᔨᒧᐃᐧᓂᕽ ᐁ ᐊᑐᐢᑲᐋᐧᔮᕽ ᑭᓭᒪᓂᑐ ᐁ ᑎᐱᐢᑳᐠ ᒥᓇ ᐁ ᑭᓯᑳᐠ, ᓂ ᐸᑯᓭᔨᒧᓈᐣ ᑭᑕ ᐅᑎᑕᒫᕽ, ᐁᐊᐧᑯᒪ ᐊᐢᐯᔨᒧᐃᐧᐣ ᐅᐦᒋ ᑳ ᒪᒥᓯᒥᒋᐠ ᒍᐊᐧᐠ, ᐋ ᑭᐦᒋ ᐅᑭᒫᐤ! 8ᑖᓀᑭ ᐁᑳ ᑳ ᑭ ᑖᐯᐧᑕᒥᕽ ᑭᐢᐱᐣ ᑭᓭᒪᓂᑐ ᐁᐧᓂᐢᑳᓇᑫᐧ ᐅᓂᐱᐊᐧ? 9#ᐃᓯᐦᒋᑫᐃᐧᓂᐋᐧᐊᐧ 8:3; 22:4,5ᑖᐯᐧ ᓂᔭ ᓂ ᑭ ᐃᑌᔨᑌᐣ, ᐁ ᐃᑕᐢᑌᐠ ᒥᐦᒉᐟ ᑫᑲᐧᐩ ᑭᑕ ᐃᑐᑕᒫᐣ ᓇᔦᑖᐤ ᐅ ᐃᐧᔪᐃᐧᓂᕽ ᒋᓴᐢ ᓈᓴᕒᐃᑎᕽ ᑳ ᐅᐦᒋᐟ. 10ᐅᒪ ᒫᑲ ᓂ ᑭ ᐃᑐᑌᐣ ᒉᕒᐅᓴᓬᐊᒥᕽ: ᐁᑯᓯ ᓂ ᑭ ᑭᐸᐊᐧᐊᐧᐠ ᒥᐦᒉᐟ ᐅᑲᓈᑎᓯᐊᐧᐠ ᑭᐸᐦᐅᑐᐃᐧᑲᒥᑯᕽ, ᐁ ᑭ ᐃᓯ ᐸᑭᑎᓇᒪᐃᐧᒋᐠ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ, ᐃᐢᐱ ᒫᑲ ᓀᐸᐃᐦᒋᐠ, ᓂᐢᑕ ᓂ ᑭ ᓇᐢᑯᑌᐣ ᐁᐊᐧᑯ. 11ᐁᑯᓯ ᓈᐣᑕᐤ ᐁ ᑭ ᐃᑐᑕᐋᐧᑭᐠ ᒥᐦᒉᑖᐧᐤ ᑲᐦᑭᔭᐤ ᐊᔭᒥᐦᐁᐃᐧᑲᒥᑯᕽ, ᓂ ᑭ ᓯᑭᐢᑲᐋᐧᐊᐧᐠ ᑭᑕ ᐹᐢᑖᒧᐃᐧ ᐱᑭᐢᑫᐧᒋᐠ; ᐊᔨᐋᐧᐠ ᒫᑲ ᐁ ᑭᓯᐢᑕᐊᐧᑭᐠ, ᓂ ᑭ ᓄᓱᓀᐋᐧᐊᐧᐠ ᐊᐦᐳ ᐋᐧᔭᐁᐧᐢᑲᒥᐠ ᐅᑌᓈᕽ.
12ᐁᐊᐧᑯᒪ ᒫᑲ ᐅᐦᒋ ᐁ ᐃᑐᐦᑌᔮᐣ ᑕᒫᐢᑲᓯᕽ ᐁ ᑭ ᒥᔨᒋᐠ ᑲᐢᑭᐦᐁᐃᐧᓯᐃᐧᐣ ᒥᓇ ᐅᔭᓱᐁᐧᐃᐧᐣ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ. 13ᐁ ᐋᐱᑖᑭᓯᑳᐠ, ᐅ ᑭᐦᒋ ᐅᑭᒫᐤ, ᓂ ᑭ ᐋᐧᐸᑌᐣ ᒣᑳᐧ ᒣᐢᑲᓈᕽ ᐁ ᐋᐧᓴᐢᑯᑌᐠ ᑭᓯᑯᕽ ᐅᐦᒋ, ᐊᐊᐧᓯᒣ ᐁ ᑭᑳᔮᐢᑌᐠ ᐃᔨᑯᕽ ᐱᓯᒼ, ᐁ ᐋᐧᐢᑳᐢᑳᑯᔮᕽ ᓂᔭ ᒥᓇ ᐊᓂᑭ ᑳ ᐃᐧᒉᐃᐧᒋᐠ. 14ᑲᐦᑭᔭᐤ ᒫᑲ ᒧᒋᕽ ᑳ ᐃᓯ ᐸᐦᑭᓯᓂᔮᕽ, ᓂ ᑭ ᐯᐦᑌᐣ ᐃᑌᐧᐃᐧᐣ ᐁ ᐃᑎᑯᔮᐣ ᐦᐃᐸᕒᐅ ᑭᓭᐧᐃᐧᓂᕽ, ᓵᓬ, ᓵᓬ, ᑖᓀᑭ ᑳ ᒫᔨᑐᑕᐃᐧᔭᐣ? ᐋᔨᒪᐣ ᑭᑕ ᑖᑕᑭᐢᑳᑕᒪᐣ ᐁ ᑭᐢᑭᐢᑲᐅᑲᐃᐧᔭᐣ. 15ᐁᑯᓯ ᓂ ᑭ ᐃᑖᐧᐣ, ᐊᐁᐧᓇ ᑭᔭ, ᑌᐯᔨᐦᒋᑫᔭᐣ? ᑳ ᑎᐯᔨᐦᒋᑫᐟ ᒫᑲ ᓂ ᑭ ᐃᑎᐠ, ᓂᔭ ᒋᓴᐢ ᑳ ᒫᔨᑐᑕᐃᐧᔭᐣ. 16ᒫᑲ ᐊᐧᓂᐢᑳ, ᒥᓇ ᓂᐸᐃᐧ ᑭᓯᑎᕽ ᒋᑫᒫ ᐁᐊᐧᑯ ᐅᒪ ᐅᐦᒋ ᑳ ᓄᑯᐦᐃᓱᐢᑖᑖᐣ, ᑭᑕ ᐅᔭᑭᒥᑖᐣ ᑭᑕ ᐊᑐᐢᑳᑕᒪᐣ ᒥᓇ ᑭᑕ ᐋᑐᑕᒪᐣ ᐊᓂᐦᐃ ᐃᑕ ᑳ ᑭ ᐋᐧᐸᒥᔭᐣ, ᒥᓇ ᐊᓂᐦᐃ ᐃᑕ ᑫ ᓄᑯᐦᐃᓱᐢᑖᑖᐣ; 17ᐁ ᐸᐢᐱᐃᑖᐣ ᐊᔨᓯᔨᓂᐊᐧᐠ ᐅᐦᒋ, ᒥᓇ ᒉᐣᑕᐃᓬᐊᐠ ᐅᐦᒋ, ᑭᑕ ᓈᑕᒋᐠ ᑳ ᐃᑎᓴᐅᑖᐣ, 18ᑭᑕ ᔪᑌᓇᒪᐊᐧᒋᐠ ᐅᐢᑭᓯᑯᐋᐧᐊᐧ, ᑭᑕ ᑫᐧᐢᑭᒋᐠ ᐊᐧᓂᑎᐱᐢᑳᕽ ᐅᐦᒋ ᐋᐧᓭᔮᕽ ᐃᓯ, ᒥᓇ ᐁ ᑎᐯᔨᒥᑯᒋᐠ ᓭᑕᓇ ᑭᓭᒪᓂᑐᐊᐧ ᑭᑕ ᓈᑖᒋᐠ, ᑭᑕ ᐳᓀᔨᑕᒫᒋᐠ ᐅ ᒪᒋᑎᐃᐧᓂᐋᐧᐊᐧ ᒥᓇ ᑭᑕ ᐊᓯᑕᑭᒥᐦᒋᐠ ᐊᓂᑭ ᑳ ᑲᓈᒋᐃᐦᒋᐠ ᐁ ᑖᐯᐧᔦᔨᒥᒋᐠ.
19ᐁᐊᐧᑯ ᐅᐦᒋ ᒫᑲ, ᐋ ᑭᐦᒋ ᐅᑭᒫᐤ ᐊᐠᕒᐃᐸ, ᓇᒪᐃᐧᔭ ᓄᐦᒋ ᐋᓀᐧᑌᐣ ᐊᓂᒪ ᑭᐦᒋ ᑭᓯᑯᐃᐧ ᐃᓯᓇᒧᐃᐧᐣ: 20#ᐃᓯᐦᒋᑫᐃᐧᓂᐋᐧᐊᐧ 9:20,28,29ᒫᑲ ᓂ ᑭ ᑲᑫᐢᑭᒫᐊᐧᐠ ᐊᓂᑭ ᓂᑳᐣ ᑕᒫᐢᑲᓯᕽ, ᐁᑲᐧ ᒉᕒᐅᓴᓬᐊᒥᕽ, ᒥᓇ ᒥᓯᐁᐧ ᐃᑌ ᒍᑎᔭ ᐊᐢᑭᕽ, ᒥᓇ ᒉᐣᑕᐃᓬᐊᐠ, ᑭᑕ ᑫᐧᐢᑳᑎᓯᒋᐠ ᒥᓇ ᑭᑕ ᑫᐧᐢᑭᐢᑕᐋᐧᒋᐠ ᑭᓭᒪᓂᑐᐊᐧ, ᐁ ᐃᑐᑕᐦᑭᐠ ᐊᑐᐢᑫᐃᐧᓇ ᑳ ᓇᐃᐢᑲᒧᒪᑲᑭ ᑫᐧᐢᑭᐱᒫᑎᓯᐃᐧᐣ. 21ᐁᐊᐧᑯ ᐅᒪ ᐅᐦᒋ ᒍᐊᐧᐠ ᑳ ᑭ ᐅᑎᑎᓂᒋᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᒥᓇ ᑳ ᑭ ᐃᐧ ᓂᐸᐃᒋᐠ. 22ᐁ ᑭ ᒥᔨᑯᐃᐧᓯᔮᐣ ᒫᑲ ᓂᓱᑲᒫᑯᐃᐧᐣ ᑭᓭᒪᓂᑐᕽ ᑳ ᐅᐦᒋᐸᔨᐠ, ᓂ ᓂᐸᐃᐧᐣ ᐱᔨᐢ ᐊᓄᐦᐨ ᑳ ᑭᓯᑳᐠ ᐁ ᐋᒋᒧᐢᑕᐊᐧᑭᐠ ᑳ ᐊᐱᐢᑌᔨᑖᑯᓯᒋᐠ ᒥᓇ ᑳ ᑭᐦᒉᔨᑖᑯᓯᒋᐠ, ᐁᑳ ᑫᑲᐧᐩ ᐁ ᐃᑌᐧᔮᐣ ᐱᑯ ᐊᓂᒪ ᐅᑭᐢᑭᐁᐧᐦᐃᑫᐊᐧᐠ ᒥᓇ ᒧᓯᐢ ᑳ ᑭ ᐃᑌᐧᒋᐠ ᑭᑕ ᐅᑎᐦᒋᐸᔨᐠ; 23#1 ᑲᕒᐃᐣᑎᔭᓇ 15:20; ᐊᐩᓵᔭ 42:6; 49:6ᒥᓇ ᑖᓂᓯ ᙭ ᑭᑕ ᐃᓯ ᑯᑕᑭᑖᐟ, ᒥᓇ ᑖᓂᓯ ᐃᐧᔭ ᓂᑳᐣ ᐁ ᐋᐱᓯᓯᕽ ᓂᐳᐃᐧᓂᕽ ᐅᐦᒋ, ᑭᑕ ᑌᐹᐧᑕᒪᐋᐧᐟ ᐋᐧᓭᔮᐤ ᐅᐦᐃ ᐊᔨᓯᔨᓂᐊᐧ ᒥᓇ ᒉᐣᑕᐃᓬᐊ.
24ᐅᒪ ᒫᑲ ᐁ ᐊᑎ ᐃᓯ ᐱᑭᐢᑫᐧᐢᑕᒫᓱᐟ, ᐯᐢᑕᐢ ᐃᑌᐤ ᐁ ᑭᓯᐁᐧᐟ, ᐹᓬ, ᑭ ᑭᐢᑳᐧᐣ ᒫ ᐃᐧᔭ; ᐅᓵᒼ ᒥᐢᑕᐦᐃ ᑭᐢᑫᔨᑕᒪᐃᐧᐣ ᑭ ᑭᐢᑫᐧᐃᑯᐣ. 25ᒫᑲ ᐹᓬ ᐃᑌᐧᐤ, ᓇᒪ ᐃᐧᔭ ᓂ ᑭᐢᑳᐧᐣ, ᒫᒪᐁᐧᔮᐢ ᑳ ᑭᐦᒑᔨᐃᐧᔭᐣ ᐯᐢᑕᐢ; ᒫᑲ ᓂ ᐱᑭᐢᑳᐧᑌᐣ ᑖᐯᐧᐃᐧᓂ ᒥᓇ ᐊᔭᑳᐧᒥᓯᐃᐧ ᐃᑌᐧᐃᐧᓇ. 26ᒋᑫᒫ ᑭᐦᒋ ᐅᑭᒫᐤ ᑭᐢᑫᔨᑕᒼ ᐅᐦᐃ, ᐁᐊᐧᑯ ᒥᓇ ᓇᒪᐃᐧᔭ ᓂ ᒪᓈ ᐃᐧᐦᑕᒪᐋᐧᐤ; ᒋᑫᒫ ᓂ ᑫᒋᓈᐅᐣ ᓇᒪᐃᐧᔭ ᐁᑳ ᑭᑕ ᑭᐢᑫᔨᑕᕽ ᐅᐦᐃ; ᓇᒪᐃᐧᔭ ᒫᑲ ᑭᒧᐨ ᐅᒪ ᑳ ᑭ ᐃᑐᒋᑳᑌᐠ. 27ᑭᐦᒋ ᐅᑭᒫᐤ ᐊᐠᕒᐃᐸ, ᑭ ᑖᐯᐧᑕᐋᐧᐊᐧᐠ ᒋ ᐅᑭᐢᑭᐁᐧᐦᐃᑫᐊᐧᐠ? ᓂ ᑭᐢᑫᔨᑌᐣ ᐁ ᑖᐯᐧᑕᒪᐣ. 28ᑭᐦᒋ ᐅᑭᒫᐤ ᐊᐠᕒᐃᐸ ᒫᑲ ᑭ ᐃᑌᐤ ᐹᓬᐊ, ᓇᒪᐃᐧᔭ ᒥᐢᑕᐦᐃ ᓵᑯᒋᒥᐁᐧᐃᐧᐣ ᐅᐦᒋ ᑲᕒᐃᐢᑎᔭᐣ ᑳ ᐃᐧ ᐃᓯᐃᔭᐣ. 29ᐹᓬ ᒫᑲ ᑭ ᐃᑌᐤ, ᐱᑕᓀ ᐃᑌᔨᑕᕽ ᑭᓭᒪᓂᑐ, ᑭᐢᐱᐣ ᐊᐱᓯᐢ ᐊᐦᐳ ᑭᐢᐱᐣ ᒥᐢᑕᐦᐃ, ᓇᒪᐃᐧᔭ ᑭᔭ ᐱᑯ, ᒫᑲ ᒥᓇ ᑲᐦᑭᔭᐤ ᐅᑭ ᑳ ᐯᑕᐃᐧᒋᐠ ᐊᓄᐦᐨ ᑳ ᑭᓯᑳᐠ, ᑭ ᐃᓯ ᐊᔮᒋᐠ ᑖᐱᐢᑯᐨ ᓂᔭ ᐅᐦᐃ ᐱᑯ ᒪᒫᒋᑲᐧᐱᓱᐃᐧᓇ ᓇᒪᐃᐧᔭ.
30ᑭᐦᒋ ᐅᑭᒫᐤ ᒫᑲ ᑭ ᐸᓯᑯ, ᐊᓯᒋ ᐅᔭᓱᐁᐧᐃᐧᑭᒫᐤ, ᒥᓇ ᐸᕒᓇᐃᓯ, ᒥᓇ ᐊᓂᐦᐃ ᑳ ᐃᐧᑕᐱᒥᑯᒋᐠ: 31ᐃᐢᐱ ᒫᑲ ᐅᐦᐱᒣ ᑳ ᐃᑐᐦᑌᒋᐠ, ᑭ ᑕᓯᑕᒫᑐᐊᐧᐠ, ᐁ ᐃᑌᐧᒋᐠ ᐊᐊᐧ ᓈᐯᐤ ᓇᒪᐃᐧᔭ ᑫᑲᐧᐩ ᐃᑐᑕᒼ ᑭᑕ ᑲᐢᑭᑕᒫᓱᐟ ᓂᐳᐃᐧᐣ ᐊᐦᐳ ᑭᑕ ᒪᒫᒋᑲᐧᐱᑎᐦᐟ. 32ᐊᐠᕒᐃᐸ ᒫᑲ ᑭ ᐃᑌᐤ ᐯᐢᑕᓴ, ᐊᐊᐧ ᓈᐯᐤ ᑭᑕ ᑭ ᐸᑭᑎᓈᑕᐩ ᑭᐢᐱᐣ ᐁᑳ ᑭ ᓇᑐᑕᕽ ᑭᑕ ᐅᔭᓱᐋᐧᑎᑯᐟ ᓯᓴᕒᐊ.
موجودہ انتخاب:
ᐃᓯᐦᒋᑫᐃᐧᓂᐋᐧᐊᐧ 26: KKMs
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
This Bible text is a corrected edition of the 1908 Western Cree Bible; it is in the public domain.