Habakkuk 1
1
1Kamsang Habakkuk ngah thusuak.#Na 1:1
Habakkuk Phunna
2 TOPA aw, ken nong huh ding bangtan vei hong ngenin,#Ph 6:3
nang hong za lo lailai ding na hi hiam?#Ph 13:1-2
Ahikeh, "Ngongtatna" ci-a kong kiko hangin
hong hon lo na hi hiam?#Jer 14:9
3 Bang hangin thutanglohnate hong musak na hi hiam?
Bang hangin thukhial thuak keikai na hi hiam?#Job 9:23
Siatna le ngongtatna ka maingat hi.#Jer 20:8
Kitotna le kilangneihna in hong umcih hi.#Ph 55:9
4 Tua ahi ciangin thukham in thu nei nawn loin#Ph 119:126
thumaanna a tungnung ngei kei hi.
Thutang a kikawnghek theih nadingin
migilote in thumaan mite a umcih uh hi.
TOPA’ Dawnna
5 "Minamte enin vil dih un -
lamdang na sa mahmah ding uh hi.
Ahang in, note tungah hong kigen taleh
na uploh ding uh thu,#Ns 13:41
no hunin kong tungsak ding hi.
6 A cikzia lo, a hiamgamh mi Babylon-te a#1.6 Ahikeh Chaldea-te ka tawisang dinga,#Tp 28:49
amaute in leitung khempeuh zo khinin#Kil 20:9
amau aa ahi lo mite tenna munte nangawn#Jer 13:20
a laksak ding uh hi.
7 Amaute kihtak huai-in a mulkimhuai mi hi uh a,#Jer 4:13
amau mah thukham hipahin
amau kipahtawina a thupisak uh hi.
8 A sakolte uh gialbem sangin manlangzaw a,
khuamial kuana keivom sangin kihtakhuai zaw hi.
A sakol tuangte uh gamlapi panin hong kipan uh a,
a sakolte un a khecin uh phutin a kop dian uh hi.
Amaute, sa ne dinga bawhsuk musane lengte tawh kibang uh hi,
9 a vekun a ngongtatsa-in a kuan uh hi.
Sehnel-gama huih bangin a sakolte b#1.9 Hebrew in hih kammal a khiatna kician lo hi. un mainawt uh a,
sehnel bangin thongkiate a khawm uh hi.#Hab 2:5
10 Kumpite ciamnuihbawl uh a,
gam-ukte a selpho uh hi.#2Kh 36:6
Kulh a ki-um khuapite nuihsan uh a,
lei sungvumin laziau uh hi.#Jer 33:4
11 Tua ciangin huih nung bangin paisuak uh a -
amau hatna pasian-a a nei mikhialte ahi uh hi," ci-in a dawng hi.
Habakkuk Nihveina Phun
12 TOPA aw, mong nei lo hi lo na hi hiam?#Pc 21:33
Ka Pasian, keima Siangtho Pa, ka si kei ding uh hi.#Isa 31:1
TOPA aw, kote thukhen dingin amaute na seh hi;#Isa 10:6
ka Suangpi aw, amaute dan pia dinga na kipsak ahi hi.#Pc 49:24
13 Gitlohna et nadingin na mitte ciim lua-a,#Ph 18:26
khialhna na thuak zo kei hi.
Tua ahileh bang hangin a zuautatte thuakzo lai na hi hiam?#Ph 25:3
Bang hangin migilote in
amaute sanga a thumaanzawte a valhtum laitakun dai hithiat na hi hiam?#Job 21:7
14 Nang in tuipi sunga ngasa bangin mite na bawla,
a uk om lo tuipi sunga ganhing bangin na bawl hi.
15 A gilo a galte un a vekun ngathang tawh kaikhia uh a,
a len uh tawh huai khinin,
a domlen un a khawm uh hi;
tuateh amah nuamin a lungdam hi.
16 Tua ahi ciangin a len ah ki-ap a,
a domlen gimnamtui a hal hi;#Jer 44:8
ahang in, a len uh hangin noptat zo uha,
an a duh bangbang uh a ne uh hi.
17 Amah in minamte lainat het lo a,#Isa 14:6
susiasia-in a lente hawmsak lailai ding ahi hiam?
موجودہ انتخاب:
Habakkuk 1: ZIV
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Copyright 1994 Myanmar Center for World Mission