Ezekiel 47
47
Biakinnpi pan Gunpi
1Mipa in biakinnpi sung tumna ah kei hong paipih kik a, biakinnpi sung lutna kongpi mai pan nisuahna-lam manawha tui phulkhia ka mu hi,(biakinnpi pen nisuahna-lam a ngat hang ahi hi). Tua tui pen biakinnpi leitaw-lam, biakna-tau leitaw-lam pang pana luangsuk ahi hi. 2 Tua ciangin mipa in leilu-lam kongpi tawnin hong paikhiatpih a, nisuahna-lam nga kongpi pua-ah hong paipih hi. Tua hi-a tui pen leitaw-lam pang pana luang ahi hi.#Isa 55:1; Eze 40:35
3 Tehna ciang tawisa in mipa nisuahna-lam mawnawhin pai-a tui dung tong b#47.3 Tua pen pi 1,500 bang (meter 450 bang) tg.4 le 5 ah zong tul khat dong a teh hi; tua ciangin kei hong ngahtanpih a siakmit ciang a tum hi. 4 Amah in tong tulkhat teh kik leuleu a, kei hong ngahpih in khuk ciang a tum hi. Tul khat teh kik lai-a kei hong ngahpih in kawng ciang a tum hi. 5 Tul khat tehbeh leuleu a tuatak ciangin gunpi hita ahi manin kingaptan zo nawn lo hi, bang hang hiam cih leh pek khop ding zah hi a - kuama kantan zawh loh ding gunpi a suak hi. 6 Amah in kei kiangah, "Mihing tapa aw, hih na mu hiam?" hong ci hi.#Eze 40:3; Hab 2:14
Tua ciangin gun gei-ah hong paipih kik hi. 7 Tua lai ka tun ciangin gunpang tuaka po singkung tampitak ka mu hi. 8 Amah in kei kiangah, "Hih tui nisuahna gam lam manawhin luanga, Arabah c#47.8 Ahikeh Jordan Kuam ah luangsukin tua lai ah tuipi d#47.8 Tua in Si Tuipi sungah a lut hi. Tuipi e#47.8 Tua in Si Tuipi sungah a luan ciangin tua sunga tui a siang suaksak hi. 9 Tua gun a luanna peuhpeuh ah ganhinghonte in omna-in a nei ding uh hi. Ngasa tampitak a om ding hi, bang hang hiam cih leh hih tui luang in tuipi tui-al a peengsak ding hi, tua mah bangin hih gun a luanna mun peuhpeuha nate khempeuh adingin nuntakna hi ding hi. 10 Adung tengah ngabengte a ding diing uh hi; En Gedi panin En Eglaim dong len phona phual a suak ding hi. Tuipi lian f#47.10 Tua in Mediterranean; tg.15,19 le 20 ah zong tawh kibang dinga - ngasa nam tampitak a om ding hi. 11 Ahi hangin nawngte le bualte a siangtho tuan kei ding hi; tuate ci-al dingin a tuaci om ding hi. 12 Gunpi pang tuakah singgah kung nam khempeuh a po ding hi. A tehte uh vul ngei lo dinga gah loh hun a nei kei ding hi. Tua tui munsiangtho panin amaute phungah luang ahi manin kha simin gah uh hi. Singahte an-in kinei dinga singtehte damna in kimang ding hi, ‘hong ci hi.#Eze 36:8; Kil 22:2
Leitang Gamgite
13 Hih in Thupipen TOPA gen ahi hi: Joseph ading tanh nih le Israel beh sawm le nihte laka a luah ding uh leitang na hawm nading gamgite hihte ahi hi. 14 Amaute lakah a kikim dimdiamin na hawm ding hi. Bang hang hiam cih leh keimah in ka khut laamto in na pute uh tunga ka ciamsa hi-a, hih leitang na luah ding uh ahi hi.#Pc 12:7; Ms 34:2-12
15 " Hih in leitang kigi hi ding hi:#Ms 34:2
"Leilu-lam pangah Tuipi Lian pan kikhungin Hethlon lampi zui-a Lebo g#47.15 Ahikeh a tumna kantan in Hamath ah Zedad dong, 16 Berothah h#47.15,16 Septuagint le Ezekiel 48:1 en in; Hebrew in Zedad 16 le Sibraim (tua pen Damascus le Hamath kikal gamgi a om), Hauran gamgi a om Hazer Hatticon dong ban ding hi. 17 Tuipi panin Hazar Enan a#47.17 Hebrew in Enon, Enan tawh kilamdang lo dong gamgi kikhungin Damascus gamgi saklam dongah pai-in leilu lamah Hamath gamgi a man ding hi. Hih in leilu lam gamgi ahi hi.
18 " Nisuahna-lam pang gamgi pen Hauran le Damascus kikalah pai dinga Jordan dung zui-in Israel gam le Gilea b#47.18 Septuagint le Syriac; Hebrew in Israel Tuipi nisuahna lam na teh ding hi. kikal tawnin nisuahna tuipi ah Tamard dong a ban ding hi. Hih in nisuahna lam gamgi ahi hi.#Eze 27:18
19 "Leitaw lam pangah Tamar pan kipan dinga Meribah Kadesh dong banin tua ciangin Egypt Wadi dungah Tuipi Lian a sun ding hi. Hih in leitaw-lam gamgi ahi hi.#Ms 13:21
20 " Nitumna-lam pangah Tuipi Lian gamgi suaka Lebo c#47.20 Ahikeh a sung tumna tawh kigalsai Hamath mun tawh a kigalsai ciang lian ahi hi. Hih in nitumna-lam gamgi ahi hi.
21 "Nang in Israel behte zui-in na hawm ding hi. 22 Note le note laka hong pemte le a tate uh adingin na luah na ngak ding uh, na tanh ding uh ahi hi. Note in note laka hong pemte Israel behte laka a luah ding na piakte uh Israel mi taktak mah in na sim ding uh hi. 23 Note kiangah bang beh bang beh hong lal zongin a luah ding uh na pia ding uh hi," kong ci hi, Thupipen TOPA in cikhia hi.#Tp 10:19: Eze 36:12
موجودہ انتخاب:
Ezekiel 47: ZIV
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Copyright 1994 Myanmar Center for World Mission