Amos 7
7
Kauphe, Mei le Khaukhai
1TOPA in kei hong lah hih ahi hi: Kumpipa tanh ding teng a kilak khit phet sel kik dinga a kipat laitakin kauphe honpi a omsak hi. 2 Tuate in gamsung khempeuh a gaih siang khit ciangin,"Thupipen TOPA aw, a mawhna maisak hoh in! Jacob in bangci thuak zawh ding ahi hiam? Amah neu lua mahmah hi lo hiam?" ci-in ka awngkhia hi.
3 Tua ciangin TOPA in a hehna a khiam hi.#Tp 32:36
TOPA in, "Hih thu a piang nawn kei ding hi," a ci hi.#Hos 11:8
4 Thupipen TOPA in kei tungah hong lah hih ahi hi: Thupipen TOPA mei tawh thukhen dingin kipan hi; tua mei in tui thukpite keusak a, leitung a hultum hi. 5 Tua ciangin Thupipen TOPA aw, khawl tapeuh in! Jacob in bangci thuakzawh ding hiam? Amah neu lua mahmah hi lo hiam?" ci-in ka awngkhia hi.#Joel 2:17
6 Tua ciangin TOPA in a hehna a khiam hi.#Jnh 3:10
Thupipen TOPA in, "Hih zong a piang nawn kei ding hi," ci hi.#Eze 9:8
7 Hih in ama hong lah ahi hi: Khaukhai maantakin kikhai-a a kiciang kulh gei-ah khaukhai tawi kawmin Topa a ding hi. 8 TOPA in kei kiangah, "Amos aw, bang na mu hiam?" ci-in hong dong hi.#Am 8:2
"Khaukhai khat ka mu hi," ci-in ka dawng hi.
Tua ciangin Topa in, "En in, ka mi Israel-te lak khaukhai-in ka en hi; amaute ka hawi nawn kei ding hi.#Jer 15:6; Eze 7:2-9
9 "Isaac munsangte kisusia dinga,#Sp 26:31
Israel munsiangthote a kisusia ding hi;
Jeroboam innkuante do dingin ka namsau ka kuansak ding hi," a ci hi.#2Ku 15:9; Hos 10:8
Amos le Amaziah
10 Tua ciangin Bethel a siampipa Amaziah in Israel kumpipa Jeroboam tungah thu puak a, "Amos in Israel-te laizang takah nang do hong sawm hi. Ama thugen gam sung tengin thuak zo lo hi. 11 Tua hi-a Amos in thugen a:#1Ku 12:32
"Jeroboam namsau in si dinga,
amau leitang panin Israel salin#Jer 36:16
kikaikhia taktak ding hi,’ ci hi," a ci hi.#Am 5:27
12 Tua ciangin Amaziah in Amos tungah, "Nang thumupa paikhia! Na Judah gamah ciah kik in. Tua lai-ah na nuntak nading na sem inla kam va sang in. 13 Bethel ah kam sang nawn peuhmah kei in. Bang hang hiam cih leh hihtak kumpite munsiangtho hi-a, kumpi-gam biakinnpi ahi hi," a ci hi.#Am 2:12; Ns 4:18
14 Amos in Amaziah kiangah, "Kei kamsang lah hi loin kamsangpa tapa zong ka hi kei hi, tuucing khat ka hi a, theiba huan kep tawh a thuah ka hi hi. 15 Ahi hangin TOPA in ka tuucinna panin hong lakhia a kei kiangah,"Pai inla ka mi Israel-te tungah thu va gen in," hong ci hi. 16 Tua ahi ciangin tu-in TOPA thugen za in. Nang in,#2Ku 2:5; Eze 2:3-4
‘Israel-te langah thu gen nawn kei in,#Eze 20:46; Mic 2:6
Isaac innkuante langkhat ah na thu hilhhilh tawp in,’ nong ci hi.
17 "Tua ahi ciangin TOPA thugen hih ahi hi:
"‘Khuapi sungah na zi kizuak dinga,
na tanute na tapate namsau-in a puk ding uh hi.
Na leitang kitehin kihawmthang dinga,
lawkite d#7.17 Hebrew in sianglo gam ah nang na si ding hi.
Tuateh Israel-te amau leitang pan
salin a kikaikhia pelmawh ding hi,’ ci hi," a ci hi.#Eze 4:13;Hos 9:3
موجودہ انتخاب:
Amos 7: ZIV
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Copyright 1994 Myanmar Center for World Mission