Zaburey 144
144
Kokoy Irkoy ŋaarayroo
1Woo ti Dawda zabur foo.
Albarka ma bara Abadantaa, ay Tondoo se
kaŋ gʼay kabey waanandi wongu,
a gʼay kabe-izey waanandi tangamyan.
2Nga no ma borohennataray cebe ya ne, ay tondi nongoo,
nongoo kaŋ ra ay gʼay boŋ talfi, ay feerikaa,
ay koraa nda boraa kaŋ ga ay ga talfi,
a ga ay jamaa#144.2 ay jamaa, hantum fooyaŋ ga nee jamayaŋ. daŋ ay cire.
3Abadantaa, adamize ti macin kaŋ se nʼga huga nda a,
boro ti macin kaŋ se nʼga kula a ra?
4Adamize ga hima nda harandaŋ,
nga aloomuroo ga hima nda biyoo kaŋ ga bisa.
5Abadantaa, ni beenaa šiirandi, ma zunbu,
tuku tondi hondey ga i ma dullu.
6Meliyaŋ kaataray, mʼi say-say,
ni biraw-izey warra, ma lakkaley tunandi!
7Ni kabey šerre ka hun beene,
ay feeri, ay hallasi hari beerey ra,
kʼay kaa yawey kabey ra
8kaŋyaŋ miɲey ga taari har,
de kabe gumaa ga too nda taari.
9Ya Irkoy, ay ga dooni taaga don ma ne,
ay ga kurbu linji woykoyni (10) kar ma ne.
10Ni kaŋ ga kokoyey hallasi,
nʼga ni tamoo Dawda kaa takuba laalaa cire.
11Ay feeri, ay hallasi yawey kabey ra
kaŋyaŋ miɲey ga taari har,
de kabe gumaa ga too nda taari.
12Ir izʼarey ma hima nda dumari-ize kaŋ tun,
i ma beeri ngi zankataraa ra,
ir ize woyey ma hima nda cete kanje ganji tondi
kaŋ hansandi kokoy hugu cinayanoo ra.
13Ir taasu fanjidogey ma too met,
attam dumi kul ma bara i ra,
ir adabba buunaa ma tonton nda zenberyaŋ,
i ma tonton nda zenber woyyaŋ ir hawsawey ra.
14Ir hawey ma warga,
hasaraw masi tee i ra, gunde hasaraw masi tee i se,
hoolo masi tee ir farrey ra.
15Jamaa duu gomni kaŋ ga tee takaa woo!
Jamaa duu gomni kaŋ Abadantaa ti ngi Koyoo!
موجودہ انتخاب:
Zaburey 144: ses
سرخی
کاپی
موازنہ
شئیر
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
© BFP Velberter Mission and Wycliffe Bible Translators, Inc.