1 Kolini 2 سے مشہور بائبلی آیات

شئیر

Anumaya Koti avopina mage huno kae-malenayane “Taulagamoꞌa oꞌagenea yaꞌene tagesamoꞌa ohavinea yaꞌene veaꞌmogami amaku amakesafiti omalenea yaꞌenena Anumaya Kotina amakuꞌama aminaya veaꞌmogamife talo tala humalene.” huꞌya kae-malenayane.

Hamanepaunanagi Alu aotage Avamuꞌmoꞌma amakupi omainesia veaꞌmoꞌya ani Avamuꞌmo kea haviꞌya akave malesaya amukoꞌamia omaleneanagiꞌya “Mani kea havigu-nagu ke nehae.” huꞌya nehuꞌya Avamula oꞌavalenayanagiꞌya aepaꞌa havisaya amukoꞌamia omalene.

Veaꞌmoꞌya oꞌagageno falakino hanea kea Anumaya Kotiꞌa agaiꞌa Avamuꞌaleti taveli-maine. E, Alu Aotage Avamuꞌmoꞌa mukiꞌa yana atiyeno Anumaya Kotina falakino hanea agu agesaene agemaine.

Anumaya Kotiꞌa ma mopafi veaꞌmoꞌya nehaviya amaku amakesa notamigi tagaiꞌma Anumaya Kotiꞌa taminea kema havilama huta havisunafe ani Alu Aotage Avamula tamigeta avale-mainone.

Atali nehuꞌna Anumaya Koti tokiyahe havitama tamakupi maletama tamametiti hisae huꞌna ma mopafi haviꞌyaꞌami hanea veaꞌmoꞌya nehaya augafa kea ohunogi Avamuꞌmo tokiyaleti kea huhaleꞌna tamahapai-mainoane. Haviꞌyaꞌami hanea veaꞌmoꞌya nehaya kehena tamametitia ohisae huꞌna Yisasifena kanale mono kea humainoe.