A-pûn Awang 21 سے مشہور بائبلی آیات

شئیر

Ahkuî, haû Yhûmsîng Garai gi, Yhang taî tô é eq rajung za, Sara lé shogyo nhikmyîn yù mù, haû Yhûmsîng Garai danghtum htûm tô é dông, Sarâ é matú kut byi bê nghut ri.

Garai Gasang gi, zoshâng yùqzô é ngaù htê lé wó gyo byi mù, Garai Gasâng é maumang lagyo gi, mauhkûng mai Hagara lé wùt mù, yhang lé, “Hagara ê, haî mu ri lhú? Hkâgyùq; Garai Gasang gi, zoshâng yùqzo hé má lèq to mù ngau nyi é lé, wó gyo byi bê nghut ri. Zoshâng yùqzo lé tu toq mù, yhang lé lòq èq bún yû àq; hkâsu mù gâ le, Ngò gi, yhang lé, byù myû mó ra-myû dùt nhâng râ nghut lhê.” ga taî ri.

Haû mù, Sara gi, zogûng dùt luî, haû Garai Gasang danghtum htûm tô é ahkyíng má yhang, Abraham chyungxe mang bê le, yhâng é matú yùqzo hkû byî ri.

Sara gi, “Ngo lé, Garai Gasang je wui gabú nhâng bê nghut mù, shí hkyô lé wó gyô é bang yùq hkangmó gi, ngò eq rahá wui gabú kôrâ nghut lhê.” ga taî ri.

Nghut kôlhang, Garai Gasang gi, yhang lé, “Yùqzo haû eq náng é duìnhâng zoshâng myhî me eq séng luî, haû í hkâ-myìt wuîhkê nyì. Sara taî é bànshoq gyo aq; haî mù gâ le, Isak dông mâ é shèq, náng é awùt ashín nghû râ nghut lhê.

Ngò gi, duìnhâng zôshang é yhang zo yùqzo lé le, a-myû ra-myû dùt nhâng râ nghut lhê; haî mù gâ le, yhang gi, náng é awùt ashín nghut ri.” ga taî ri.