SAN MATEO 6 سے مشہور بائبلی آیات

شئیر

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

Jáeramo agüɨye peyemoambeko pɨareve peguarä vae re. Echa pɨareve pe oime yeta mbae pemoambeko vaerä. Ara ñavo oime mbaembae pemoambeko vaerä.

Jáeramo che jae peve, agüɨye peyemoambeko peyé. Agüɨye peyemoambeko tembíu re, ani temimonde re. ¿Tekoveä pa ikavi yae tembíu güi, ani yanderete temimonde güi?

Ërei nde reyerure Tumpa pe yave, eike ndero pe jare eyokenda öke. Javoi eyerure ndeRu pe kia reta oikuaambae reve. Jae oikuaata nde reyapo vɨari vae jare omboepɨta ndeve, opaete vae jovake.

Jáeramo peyerure Tumpa pe körai: ‘OreRu ara pe reï vae, toyemboeteuka nderee. Tou ndeporookuaía. Nderemimbota ara pe oyeapo oï rami, toyeapo vi kuae ɨvɨ pe.

Emee ara ñavo orerembiurä.

Neɨ̈ro oreve oreyoa reta re, ore oreɨ̈ro iyoa orekotɨ vae reta pe rami.

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

Echa peɨ̈ro iyoa pekotɨ vae reta pe yave, peRu ara pe oï vae iñɨ̈rota vi peve peyoa reta re.

Pemae güɨra reta re. Kërai jae reta mbaetɨ tëi omaetɨ jare ombaarɨvo. Mbaetɨ tëi vi iyavatío. Ërei peRu ara pe oï vae omongaru reta. ¿Pe retaa pa ko Tumpa peraɨu yae chugüi reta vae?

Agüɨye peñovatu kuae ɨvɨ pe mbaeyekou peyeupeguarä. Echa kuae ɨvɨ pe kupii reta mbae jäve vae güɨrokomegua mbaembae, jare imonda vae reta oike oñomi vaerä mbaembae. Peñovatu peyeupe mbaembae ara pe. Echa joko pe mbaetɨ kupii jare ngaraa jäve mbaembae, jare ngaraa vi imonda vae reta oike mbaembae oñomi. Echa pembaeyekou reta penoia pe, joko pe pepɨa oïta.

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Ngaraa pepuere peyeokuai päve Tumpa pe ani mbaeyekou pe.

Tumpa omopöra yae ñana, yepe tëi añave oï ko pe jare pɨareve pe oyeapɨ. Vɨtei pa pe reta, omeeta ko peve peremimonderä, ¡iporogüɨrovia michi vae reta!

Ërei nde rembopota paravete vae yave, agüɨye etei kia toikuaa, agüɨye vaerä jërakua jókuae reyapogüe. Ërei ndeRu oecha nde reyapo vɨari vae, jae omboepɨta ndeve, opaete vae jovake.

Peipota peyapo ikavi vae Tumpa pemboete vaerä yave, agüɨye peyapo opaete vae jovake jae reta oecha vaeräño. Echa peyapo yave opaete vae jovakeño, peRu ara pe oï vae, ngaraa mbae omee peve jókuae jupi vae peyapogüe re.

Peyekuaku tembíu güi yave, agüɨye perovambuae pemboyekuaa jova mókoi vae reta oyapo rami. Echa jae reta jovambuae omboyekuaa ïru vae reta pe oyekuaku ko ñogüɨnoi tembíu güi vae. Añete che jae peve, jókuae rupi jepɨ ma ko chupe reta. Ërei nde reyekuaku tembíu güi yave, eyuvae jare eyeavɨkɨ, agüɨye vaerä ïru vae reta oikuaa reyekuaku ko reï tembíu güi. Jaeño ndeRu oyekuaambae vae oikuaata reyekuaku ko reï tembíu güi vae. Ërei ndeRu oecha nde reyapo vɨari vae, jae omboepɨta ndeve, opaete vae jovake.