Gat ta a hat á mbàd’id’a 5 سے مشہور بائبلی آیات

شئیر

Ar ang hu abung kasungû, d’igi an Ma didina Alo mangâ ni hang vuna na, kayam ang te ngola tatâ ki furîd’a yam andaga d’a an Ma didina Alo mangâ mba ni hangzid’a.

Agi tid’igi kur lovot ta Ma didina Alo magina mi tagagizid’a memet tala agi kagagi karid’a ki furîd’a agi tagi ngola tatâ yam ambas sa agi nga hlat wanda d’a.

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’a d’oze ma kur atchogoi d’a fid’id’ina. Suma a nga le kan suma a nga ngom vun ma he manina, an nga ni wazi hohowozi gak kur atchogoi d’a dubud’a.

Ar ang tchet vama hle tam ki vama akulona d’oze ki vama yam andagad’ina d’oze ki vama aduk mbina kä ad’u andagad’ina d’i.

Ar ang kud’or alo ma ding ngi.

Ar ang yi simiyên an Ma didina Alo mangâ kä hawa d’ad’ar ri, kayam an mba ni ar sama yan simiyên kä hawa d’ad’arâ bei ngopa d’i.

Djiviya! Ladjï huruzi nga ni tinda kan hina teteu á ringîn mandaran á ngom gat manda mi ni, azi ki grozina a mba ka’î ki djivid’a teteu.

Ar ang djib’er yam bur ma sabatna, ang tinim iram vam yam anu, d’igi an Ma didina Alo mangâ ni hang vuna na.

Ar ang le d’od’oka yam vama lara pî ma hi ndrangîna d’i, nala, amamba, d’oze gong mamba, d’oze asinemu, d’oze azong mama, d’oze wei mamba, d’oze amuhl mama, d’oze koro mama.

Ar ang le mizeuna d’i.

Ar ang le glangâs ma aboina yam ndrangâ d’i.

Ar ang tchi sa d’i.

Ar ang kul li.

Ang djib’er ala ang ei ni magomba kur ambas sa Ezipte-d’a, ni an Ma didina Alo mangâ ba, ni ndangî woi kabon ma ad’engâ ki bigan nda zid’a kan akulo zid’a mi. Ni kayam ndata ba, an Ma didina Alo mangâ ni hang vuna á tuk tad’a wana.

Ar ang le sun manga gak burâ karagaya, ar ang dap sun manga kua pet. Wani bur ma kid’iziyana ni bur ma sabat ma an tinim iram vam yam an Ma didina Alo mangîna. Ar ang le sunda kua d’i, nala, ang tanga, gorongâ, goronga, azong mangâ, wei manga, amuhl mangâ, koro mangâ, d’uwar mang tu pî d’oze angei ma nga kaka avun aziyangâ a le sun ndi, kayambala azong mangâ ki wei manga a tuk tazi d’igi ang na d’a.

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.