Bǐbɛ́mɛ 50 سے مشہور بائبلی آیات

شئیر

Nǔ nyanya wɛ mi lin ná wa dó wǔtu ce, Mawu ká zé dó húzú nǔ ɖagbe ná, bónú nǔ e ɖo jijɛ wɛ égbé ɔ́ ná dó sixú jɛ, bónú mɛ gěgé ná gán.

Jozɛ́fu ka ɖɔ nú yě ɖɔ: “Mi ma ɖi xɛsi ó, ɖó un sixú sɔ́ nyɛɖée ɖó Mawu tɛnmɛ ǎ.

Hǔn xɛsi ní má ɖi mi ó; un ná kpé nukún dó mi kpó mɛ mitɔn lɛ́ɛ kpó wú.” Énɛ́ ɔ́, Jozɛ́fu ɖɔ xó nú yě kpó wǎn yíyí kpó bó dó ná akɔ́nkpinkpan yě.

mǐ ní ɖɔ nú we ɖɔ: ‘Kɛnklɛ́n bó sɔ́ nǔ e nɔví towe lɛ́ɛ wa xá we lɛ́ɛ, kpó hwɛ e yě hu dó we lɛ́ɛ kpó kɛ yě. Sɔ́ nǔ nyanya e yě wa nú we ɔ́ bǐ kɛ yě.’ Hǔn bo kɛnklɛ́n sɔ́ hwɛ énɛ́ ɔ́ e mǐ hu ɔ́ kɛ mǐ, ɖó Mawu ɖokpó ɔ́ wɛ mǐ kpó tɔ́ towe kpó nɔ́ sɛn.” Hwenu e è ɖo xó énɛ́ lɛ́ɛ ɖɔ nú Jozɛ́fu wɛ ɔ́, é wlí avǐ.

Jozɛ́fu ɖɔ nú nɔví tɔn lɛ́ɛ gbe ɖokpó ɖɔ: “Un ná kú, amɔ̌, Mawu ná wá gɔ́ alɔ nú mi dandan. É ná kplá mi sín Ejípu fí yi to e sín akpá é kó dó nú Ablaxámu, Izáki kpó Jakɔ́bu kpó ɔ́ mɛ.”

Jozɛ́fu ɖɔ nú nɔví tɔn lɛ́ɛ ɖɔ: “Mi xwlé nǔ nú mì ɖɔ hwenu e Mawu ná kplá mi ɔ́, mi ná bɛ́ xú ce lɛ́ɛ sín fí hɛn yi.”

Xwe kanwe gban (110) wɛ Jozɛ́fu ɖó bó kú. È sá ami nú cyɔ tɔn bó dó gbǎ ɖo Ejípu.